ድግማ ቤት ትምህርቲ ቲኦክራስያዊ ኣገልግሎት

ካብቲ ሰሎሞን ዘቕረቦ ጸሎት፡ ብዛዕባ ኣምላኽ እንታይ ንእምነትና ዜደልድል ሓቅታት ኢና እንረክብ፡ ብዛዕባ እዚ ሓቅታት እዚ ምስትንታንናኸ ብኸመይ እዩ ዚጠቕመና፧ (1 ነገ. 8:22-24, 28) [6 ሓም.፡ w05 1/7 ገጽ 30 ሕ.ጽ. 3]

ዳዊት “ብንጽህና ልቢ” ብምምልላሱ ዝሓደጎ ኣብነት፡ ንሕና እውን ከምኡ ንኽንገብር ዜተባብዓና ብኸመይ እዩ፧ (1 ነገ. 9:4) [13 ሓም.፡ w12 15/11 ገጽ 7 ሕ.ጽ. 18-19]

ካብቲ የሆዋ ንኤልያስ ናብታ ኣብ ሰራጵታ ዝነበረት መበለት ከም ዝለኣኾ ዚገልጽ ጸብጻብ፡ እንታይ ጠቓሚ ትምህርቲ ኢና ኽንረክብ እንኽእል፧ (1 ነገ. 17:8-14) [27 ሓም.፡ w14 15/2 ገጽ 14]

ብዛዕባ እቲ ኣብ 1 ነገ. 17:10-16 ዚርከብ ጸብጻብ ምስትንታንና፡ ነቲ ኣብ የሆዋ ምሉእ እምንቶ ንኺህልወና ዝገበርናዮ ቘራጽነት ዜደልድለልና ብኸመይ እዩ፧ [27 ሓም.፡ w14 15/2 ገጽ 13-15]

ካብቲ ኤልያስ ምስ ናይ ተስፋ ምቝራጽ ስምዒት ብምቅላስ ዝሓደጎ ኣብነት ብኸመይ ኢና ኽንጥቀም እንኽእል፧ (1 ነገ. 19:4) [3 ነሓ.፡ ia ገጽ 102-103 ሕ.ጽ. 10-12፣ w14 15/3 ገጽ 15 ሕ.ጽ. 15-16]

የሆዋ፡ እቲ እሙን ነብዪኡ ዝነበረ ኤልያስ ተስፋ ቘሪጹ ምስ ረኣዮ፡ ከመይ ተሰምዖ፧ ንሕናኸ ነዚ ፈቃር ኣምላኽና ብኸመይ ክንመስሎ ንኽእል፧ (1 ነገ. 19:7, 8) [3 ነሓ.፡ w14 15/6 ገጽ 27 ሕ.ጽ. 15-16]

ንጉስ ኣከኣብ እንታይ ግጉይ ኣረኣእያ እዩ ዝነበሮ፧ ሎሚ ዘለዉ ክርስትያናትከ ኸምኡ ዓይነት ጌጋ ኻብ ምግባር ኪርሕቁ ዚኽእሉ ብኸመይ እዮም፧ (1 ነገ. 21:20) [10 ነሓ.፡ lv ገጽ 164-165፡ ሳጹን፣ w14 1/2 ገጽ 14 ሕ.ጽ. 3-4]

ካብቲ ኤልሳእ ንኤልያስ ዘቕረቦ ለመና እንታይ ክንምሃር ንኽእል፧ እዚኸ ኣብ ኣገልግሎት መንግስቲ ኣምላኽ ሓድሽ ዕዮ ምስ ዚውሃበና ብኸመይ ኪሕግዘና ይኽእል፧ (2 ነገ. 2:9, 10) [17 ነሓ.፡ w03 1/11 ገጽ 31 ሕ.ጽ. 5-6]

መንእሰያት ንእምነትን ትብዓትን እታ ኣብ 2 ነገስት 5:1-3 ተጠቒሳ እትርከብ ንእሽቶ እስራኤላዊት ጓል ኪቐድሕዎ ዚኽእሉ ብኸመይ እዮም፧ [24 ነሓ.፡ w12 15/2 ገጽ 12-13 ሕ.ጽ. 11]

ኣብዚ ግዜ መወዳእታ፡ ኵሎም ኣገልገልቲ የሆዋ ነየኖት ባህርያት የሁ እዮም ኪቐድሕዎ ኺጽዕሩ ዘለዎም፧ (2 ነገ. 10:16) [31 ነሓ.፡ w11 15/11 ገጽ 5 ሕ.ጽ. 4]