“ናብዚ ዝመጻእኩሉ ምኽንያት . . .”

ሰብ ቤት ማዕጾኦም ከፊቶም፡ ኣብኡ ደው ኢልና ምስ ዚርእዩና፡ መን ምዃንናን ስለምንታይ ከም ዝመጻእናን ይሓስቡ ይዀኑ። ፍዅስ ምእንቲ ኺብሎም፡ ኣብ መእተዊና እንታይ ክንብል ንኽእል፧ ገሊኦም ኣስፋሕቲ ነቲ ኣብቲ ኸባቢ ልሙድ ዝዀነ ሰላምታ ድሕሪ ምሃብ፡ ነታ “ናብዚ ዝመጻእኩሉ ምኽንያት” እትብል ሓረግ ኪጥቀሙ ይመርጹ። ንኣብነት፡ ከምዚ ዚስዕብ ይብሉ ይዀኑ፦ “ናብዚ ዝመጻእናሉ ምኽንያት፡ ብዙሓት ዘዘራረብናዮም ሰባት፡ ብዛዕባ ገበን ኪሻቐሉ ስለ ዝረኣናዮም ኢና። ንስኻኸ . . .” ወይ “ናብዚ ዝመጻእኩሉ ምኽንያት፡ መጽሓፍ ቅዱሳዊ ትምህርቲ ብናጻ ንምምሃር እዩ።” እቲ ብዓል ቤት ስለምንታይ ናብኡ ኸም ዝመጻእካ ብኣጋኡ እንተ ደኣ ፈሊጡ፡ እንታይ ከም እትብል ንምስማዕ ዝያዳ ይድረኽ ይኸውን።