መደብ ቤት ትምህርቲ ቲኦክራስያዊ ኣገልግሎት 2009 — ቤተ መጻሕፍቲ ኢንተርነት ግምቢ ዘብዐኛ

መደብ ቤት ትምህርቲ ቲኦክራስያዊ ኣገልግሎት 2009

መምርሒ

ኣብ 2009 ቤት ትምህርቲ ቲኦክራስያዊ ኣገልግሎት ኪካየድ ከሎ እዚ ዚስዕብ መሰናድዎታት ኪህሉ እዩ።

እቲ ኽፍልታት ዚምስረተሉ ጽሑፍ፦ ናይ 1956 ትርጕም መጽሓፍ ቅዱስ፡ ካብ 1 ጥሪ 2004 ሕታም ግምቢ ዘብዐኛ ኣትሒዙ ዝወጸ “ቃል የሆዋ ህያው እዩ” ዘርእስቱ ተኸታታሊ ዓንቀጻት፡ ካብቲ ዓብዪ መምህር ተምሃር [lr]፡ ከምኡውን ንምይይጥ ዚኸውን ኣርእስትታት መጽሓፍ ቅዱስ [td] ኪኸውን እዩ።

እቲ ቤት ትምህርቲ ብናይ እንቋዕ ደሓን መጻእኩም መግለጺ ኣብ ግዜኡ ጀሚሩ፡ በዚ ዚስዕብ ኪቕጽል ኣለዎ። ድሕሪ ነፍሲ ወከፍ ክፍሊ፡ እቲ ሓላው ቤት ትምህርቲ ነቲ ዚቕጽል ክፍሊ ኼፋልጥ እዩ።

ካብ ንባብ መጽሓፍ ቅዱስ ዚጐልሕ ነጥብታት፦ 10 ደቒቕ። ኣብተን ናይ መጀመርያ ኣርባዕተ ደቒቕ፡ ሓደ ብቑዕ ሽማግለ ወይ ኣገልጋሊ ጉባኤ ኻብቲ ሰሙናዊ ንባብ መጽሓፍ ቅዱስ ነጥብታት የጕልሕ። እቲ ኣብታ ሰሙን ዚንበብ ንባብ መጽሓፍ ቅዱስ፡ ናይ መጀመርያ ምዕራፋት እታ መጽሓፍ እንተ ዀይኑ ግን፡ እቲ ሓው ካብቲ ሰሙናዊ ንባብ መጽሓፍ ቅዱስ ነጥብታት ኣየጕልሕን እዩ። ኣብ ክንዳኡስ፡ ነተን ናይ መጀመርያ ኣርባዕተ ደቒቕ ዚኸውን ሓሳብ፡ ካብቲ ኻብ 1 ጥሪ 2004 ሕታም ግምቢ ዘብዐኛ ኣትሒዙ ዝወጸ “ቃል የሆዋ ህያው እዩ” ዘርእስቱ ተኸታታሊ ዓንቀጻት ኪወስድ ኣለዎ። ንኣብነት፡ 5 ጥሪ ኣብ እትጅምር ሰሙን እተን ናይ መጀመርያ ሓሙሽተ ምዕራፋት ኦሪት ዘፍጥረት ኪንበባ እየን፣ ስለዚ እቲ ተዛራባይ ካብተን ኣብ ናይ 1ን 15ን ጥሪ 2004 ግምቢ ዘብዐኛ ዝወጻ “ቃል ኣምላኽ ህያው እዩ” ዘርእስተን ዓንቀጻት ሒደት ቀንዲ ነጥብታት ኪመርጽ ኣለዎ። ነቲ ኽፍሊ ድማ ነታ ጉባኤ ብዚጠቅም መገዲ ገይሩ የቕርቦ። ሰሙናዊ ንባብ መጽሓፍ ቅዱስ ይኹን ካብቲ “ቃል የሆዋ ህያው እዩ” ዘርእስቱ ተኸታታሊ ዓንቀጻት ዝረኸቦ ነጥብታት ኬጕልሕ ከሎ፡ እቲ ቐንዲ ዕላማኡ፡ ሰማዕቲ ነቲ ሓበሬታ ስለምንታይን ብኸመይን ከም ዚጠቕሞም ምእንቲ ኺግንዘብዎ ንምሕጋዞም እዩ። እቲ ተዛራባይ ካብቲ ንመእተዊ እተመደበሉ ኣርባዕተ ደቒቕ ከየዛይድ ኪጥንቀቕ ኣለዎ። እቶም ሰማዕቲ ኻብቲ ሰሙናዊ ንባብ መጽሓፍ ቅዱስ ብዛዕባ እተረድእዎ ነገራት ሕጽር ዝበለ ናይ 30 ኻልኢት ወይ ካብኡ ንታሕቲ ሓሳባት ዚህቡሉ ሽዱሽተ ደቒቕ ኬትርፍ ኣለዎ። ድሕሪኡ ሓላው እቲ ቤት ትምህርቲ ነቶም ኣብ ካልእ ኣዳራሽ ክፍሊ ኬቕርቡ እተመደቡ ተመሃሮ ኪኸዱ ኸም ዚኽእሉ ይሕብሮም።

ክፍሊ ቍ. 1፦ 4 ደቒቕ ወይ ካብኡ ንታሕቲ። እዚ ብሓደ ሓው ዚቐርብ ንባብ እዩ። እቲ ተመሃራይ መእተዊ ወይ መዕጸዊ ኸይገበረ ነቲ እተመደበሉ ኽፋል ኬንብብ ኣለዎ። እቲ ሓላው ቤት ትምህርቲ ነቲ ተመሃራይ ብዚርዳእ መገዲ፡ ሰጋእ ከይበለ፡ ቀንዲ ቓላትን ሓረጋትን እናኣጕልሐ፡ ድምጺ እናለዋወጠ፡ ብግቡእ እናዕረፈ፡ ከምኡውን ባህርያዊ ገይሩ ዜንብብ እንተ ዀይኑ ይርእዮ።

ክፍሊ ቍ. 2፦ 5 ደቒቕ። እዚ ኽፍሊ እዚ ንሓንቲ ሓብቲ ዚወሃብ እዩ። እታ ነዚ ኽፍሊ እዚ እተቕርብ ተመሃሪት መልክዕ ኣቀራርባ ኺምደበላ ወይ ሓደ ኻብቲ ኣብ ገጽ 82 እታ ካብ ቤት ትምህርቲ ቲኦክራስያዊ ኣገልግሎት ተጠቐም ዘርእስታ መምሃሪት መጽሓፍ ዘሎ ኣቀራርባ መሪጻ ኸተቕርቦ ትኽእል እያ። ነቲ እተዋህባ ኣርእስቲ ኽትጥቀመሉ ይግባእ፡ ኣብቲ ኽሊ ኼጋጥምን ግብራዊ ኪኸውንን ብዚኽእል መገዲ ገይራ ድማ ተቕርቦ። ምንጪ ዚኸውን ጽሑፍ ኣብ ዘይጥቀሰሉ ግዜ፡ ኣብ ጽሑፋትና ምርምር ብምግባር ክትዳሎ ኣለዋ። እቲ ሓላው ቤት ትምህርቲ፡ እታ ተመሃሪት ብኸመይ ክፍላ ኸም ዘቕረበትን ነታ ብዓልቲ ቤት ብቕዱሳት ጽሑፋት ገይራ ኣገዳሲ ነጥብታት ብኸመይ ከም ዘረድኣታን ብፍላይ የተኵረሉ። እቲ ሓላው ቤት ትምህርቲ ሓንቲ ሓጋዚት ይምድበላ።

ክፍሊ ቍ. 3፦ 5 ደቒቕ። እዚ ኽፍሊ እዚ ንሓደ ሓው ወይ ንሓንቲ ሓብቲ ዚወሃብ እዩ። እቲ ተመሃራይ ኣብቲ እተዋህቦ ኣርእስቲ ተመርኲሱ ኽፍሊ የዳሉ። ምንጪ ዚኸውን ጽሑፍ ኣብ ዘይጥቀሰሉ ግዜ፡ ኣብ ጽሑፋትና ምርምር ብምግባር ኪዳሎ ኣለዎ። እዚ ኽፍሊ ንሓደ ሓው ኪወሃቦ ኸሎ፡ እቲ ሓው ነቶም ተኣከብቲ ኣብ ኣእምሮኡ ብምሓዝ ከም መደረ ገይሩ ኬቕርቦ ይኽእል እዩ። ንሓንቲ ሓብቲ ምስ ዚወሃብ ድማ፡ እቲ ኽፍሊ በቲ ኣብ ክፍሊ ቍ. 2 ዘሎ መልክዕ ገይራ ኸተቕርቦ ኣለዋ። እቲ ኰዀብ ዚመስል ምልክት ዘለዎ ኽፍልታት ብመደረ ምእንቲ ኬቕርብዎ ዅሉ ግዜ ንኣሕዋት ኪወሃብ ኣለዎ፣ እንተ ተኻኢሉ ድማ ንሓደ ሽማግለ ወይ ኣገልጋሊ ጉባኤ ኺወሃብ ኣለዎ።

ምኽሪ፦ 1-2 ደቒቕ። እቲ ሓላው ቤት ትምህርቲ እቲ ተማሃራይ ዚዓየሉ ባህርይ ዘረባ ኣቐዲሙ ብምልክታ ኣይኪነግርን እዩ። እቲ ሓላው ቤት ትምህርቲ፡ ክፍሊ ቍ. 1፡ ቍ. 2፡ ቍ. 3 ምስ ቀረበ፡ ካብታ መምሃሪት መጽሓፍ ቤት ትምህርቲ ኣገልግሎት ብተደጋጋሚ ብምጥቃስን እቲ ኣቀራርባ እቲ ውጽኢታዊ ዝዀነሉ ምኽንያታት ብንጹር ብምጥቃስን ኣብቲ ዚነኣዱሉ መዳይ ኣወንታዊ ጐድንታቱ ኺጠቅስ እዩ። ከከም ኣድላይነቱ፡ ድሕሪ ኣኼባ ወይ ካልእ ግዜ ነቲ ተመሃራይ ዜድሊ ሃናጺ ምኽሪ ኺወሃቦ ይከኣል እዩ።

ግዜ፦ እቲ ዚቐርብ ክፍሊ ዀነ እቲ ዚወሃብ ምኽሪ ኻብቲ እተመደበ ግዜ ኺሓልፍ የብሉን። ክፍሊ ቍ. 1፡ ቍ. 2፡ ቍ. 3 ዜቕርቡ ተመሃሮ ግዜኦም ምስ ኣኸለ ንኼቋርጹ ብሜላ ምልክት ኪግበረሎም ኣለዎ። እቶም ኻብ ንባብ መጽሓፍ ቅዱስ ዚጐልሕ ነጥብታት ዜቕርቡ ኣሕዋት ግዜ እንተ ኣሕሊፎም፡ ብብሕቲ ምኽሪ ኺወሃቦም ኣለዎ። ኵላቶም ግዜኦም ኪሕልዉ ይግባእ። እዚ ኽፍልታት እዚ ብጠቕላላ 30 ደቒቕ ይወስድ።

ምኽሪ መውሃቢ ፎርም፦ እዚ ኣብታ መምሃሪት መጽሓፍ ቤት ትምህርቲ ኣገልግሎት ኪርከብ ይከኣል እዩ።

ሓጋዚ መኻሪ፦ ዚከኣል እንተ ዀይኑ፡ ኣካል ሽማግለታት ነቲ ሓላው እቲ ቤት ትምህርቲ ዚሕግዞ ኽኢላ መኻሪ ይመርጹ። ኣብታ ጉባኤ ብዙሓት ሽማግለታት እንተ ኣልዮም፡ ኣብ ዓዓመት ነዚ ዕዮ እዚ ዚዓዪ ሽማግለ ኪቕየር ይከኣል እዩ። ሓላፍነት እዚ ሓው እዚ ነቶም ካብ መጽሓፍ ቅዱስ ዚጐልሕ ነጥብታት ዜቕርቡ ኣሕዋት ኣድላዪ ኣብ ዝዀነሉ እዋን ምኽሪ ምሃብ እዩ። ሽማግለታት ወይ ኣገልገልቲ ጉባኤ ነዚ መደረታት ምስ ኣቕረቡ ዅሉ ሳዕ ምኽሪ ምሃብ ኣየድልን እዩ።

ድግማ ቤት ትምህርቲ ቲኦክራስያዊ ኣገልግሎት፦ 20 ደቒቕ። ኣብ ከክልተ ወርሒ ሓላው እቲ ቤት ትምህርቲ፡ ድግማ ይመርሕ። ቀቅድሚኡ ግን ካብ ንባብ መጽሓፍ ቅዱስ ዚጐልሕ ነጥብታት በዚ ኣብ ላዕሊ ተገሊጹ ዘሎ መልክዕ ይቐርብ። እቲ ድግማ ኣብቲ ኣብ ዝሓለፈ ኽልተ ወርሒ፡ እንተላይ ኣብቲ በታ ሰሙን እቲኣ ዚውሰድ ትምህርቲ እተመርኰሰ ይኸውን። ጉባኤኹም ኣብታ ድግማ ቤት ትምህርቲ ቲኦክራስያዊ ኣገልግሎት እትግበረላ ሰሙን ኣኼባ ወረዳ ወይ ምብጻሕ ሓላው ወረዳ እንተ ኣልይዋ፡ እቲ ድግማ ናብታ እትቕጽል ሰሙን ኪሰጋገር ኣለዎ፡ ኣብ እትስዕብ ሰሙን ኪቐርብ ዝነበሮ ኽፍሊ ቍ. 1፡ ቍ. 2፡ ቍ. 3 ኸኣ ኪቐርብ ኣለዎ። ኣብቲ ኣብ ዚቕጽል ሰሙን ዚወሃብ መደብ ሰሙናዊ ንባብ መጽሓፍ ቅዱስ ወይ ካብ ንባብ መጽሓፍ ቅዱስ ዚጐልሕ ነጥብታት ለውጥታት ኪግበር የብሉን።

መደብ

5 ጥሪ ንባብ መጽሓፍ ቅዱስ፦ ዘፍጥረት 1-5

ቍ. 1፦ ዘፍጥረት 3:1-15

ቍ. 2፦ የሱስ ዓብዪ መምህር ዝዀነሉ ምኽንያት (lr ምዕ. 1)

ቍ. 3፦ ከንቱ ዘይኰነ እንታይ እዩ፧ (1 ቈረ. 15:58)

12 ጥሪ ንባብ መጽሓፍ ቅዱስ፦ ዘፍጥረት 6-10

ቍ. 1፦ ዘፍጥረት 9:1-17

ቍ. 2፦ td 11ሀ ምምላስ ክርስቶስ ብዓይኒ ኣይርኤን እዩ

ቍ. 3፦ ካብ ፈቃር ኣምላኽ እተላእከ ደብዳበ (lr ምዕ. 2)

19 ጥሪ ንባብ መጽሓፍ ቅዱስ፦ ዘፍጥረት 11-16

ቍ. 1፦ ዘፍጥረት 14:1-16

ቍ. 2፦ እቲ ንዅሉ ነገራት ዝፈጠረ (lr ምዕ. 3)