ብስራት መንግስቲ ኣምላኽ ብኸመይ ይስበኽ ኣሎ፧

የሆዋ ብመንግስቱ ኣቢሉ፡ ንዅሉ ጸገማትና ኼወግዶ እዩ። ነዚ ኣዝዩ ጥዑም ብስራት እዚ፡ ንበይንና ኽንሕዞ ኣይግባእን እዩ። የሱስ ንሰዓብቱ፡ መልእኽቱ ንዅሉ ሰብ ኪነግሩ ኣዚዝዎም እዩ። (ማቴዎስ 28:19, 20) እሞ ደኣ ናይ የሆዋ መሰኻኽር ንትእዛዝ የሱስ ብኸመይ ይፍጽምዎ ኣለዉ፧

1. ሎሚ ማቴዎስ 24:14 ብኸመይ ትፍጸም ኣላ፧

የሱስ፡ “እዚ ብስራት መንግስቲ . . . ኣብ ኵላ ዓለም ኪስበኽ እዩ” ኢሉ ተነብዩ እዩ። (ማቴዎስ 24:14) ናይ የሆዋ መሰኻኽር ኣብዚ ኣገዳሲ ዕዮ እዚ ተሓጒሶም ይሳተፉ ኣለዉ። ኣብ ብዘላ ዓለም ብልዕሊ 1,000 ቋንቋ፡ ብስራት መንግስቲ ኣምላኽ ንሰብኽ ኣለና! እዚ ዓብዪ ዕዮ እዚ፡ ብዙሕ ጻዕርን ውዳበን ይሓትት እዩ። ብዘይ ሓገዝ የሆዋ፡ ኪግበር ኣይከኣልን እዩ።

2. ንሰባት ምእንቲ ኽንሰብከሎም፡ እንታይ ጻዕርታት ንገብር ኣለና፧

ሰባት ኣብ ዚርከቡሉ ዅሉ ቦታታት ንሰብኽ ኢና። ከምቶም ኣብ ቀዳማይ ዘመን ዝነበሩ ክርስትያናት፡ ኣብ “በቤት” ንሰብኽ ኢና። (ግብሪ ሃዋርያት 5:42) እዚ ብስርዓት ክንሰብኽ ዜኽእለና ሜላ፡ ኣብ ዓዓመት ሚልዮናት ሰባት ክንረክብ የኽእለና እዩ። ሰባት ወትሩ ኣብ ኣባይቶም ስለ ዘይርከቡ ግና፡ ኣብ ህዝባዊ ቦታታት እውን ንሰብኽ ኢና። ብዛዕባ የሆዋን ዕላማኡን ንምንጋር፡ ወትሩ ኣጋጣሚታት ነናዲ ኢና።

3. መን እዮም ብስራት መንግስቲ ኣምላኽ ናይ ምስባኽ ሓላፍነት ዘለዎም፧

ኵሎም ናይ ሓቂ ክርስትያናት፡ ብስራት መንግስቲ ኣምላኽ ናይ ምስባኽ ሓላፍነት ኣለዎም። ነዚ ሓላፍነትና እዚ ኣርዚንና ኢና እንርእዮ። ህይወት ሰባት ኣብ ሓደጋ ኸም ዘሎ ስለ እንፈልጥ፡ ብሕታዊ ዅነታትና ብዜፍቅደልና መጠን ንሰብኽ ኢና። (1 ጢሞቴዎስ 4:16 ኣንብብ።) ነዚ ዕዮ እዚ ንምዕያይ ኣይክፈለናን እዩ፣ ስለምንታይሲ፡ መጽሓፍ ቅዱስ፡ “ብናጻ ተቐቢልኩም ኢኹም እሞ፡ ብናጻ ሃቡ” ይብለና እዩ። (ማቴዎስ 10:7, 8) ኵሉ ሰብ ኣይኰነን ንመልእኽትና ዚቕበሎ። እንተዀነ ግና፡ ስብከት ክፍሊ ኣምልኾና ስለ ዝዀነ፡ ንየሆዋ እውን ስለ ዜሐጕሶ፡ ብቐጻሊ ንሰብኽ ኢና።

ኣዕሚቝካ ዅዓት

4. ንዅሎም ሰባት ንምርካብ ብዙሕ ንጽዕር ኢና

ቪድዮ፦ “ክሳብ ወሰናት ምድሪ” ይሰብኩ (7:33)

• ካብቲ ናይ የሆዋ መሰኻኽር ንምስባኽ ዚገብርዎ ጻዕሪ እንታይ መሲጡካ፧

ማቴዎስ 22:39ን ሮሜ 10:13-15ን ኣንብብ፡ ድሕሪኡ በዚ ሕቶታት ተመያየጡ፦

• ኣገልግሎትና ንብጻይና ፍቕሪ ኸም ዘሎና ዜርኢ ብኸመይ እዩ፧

• የሆዋ ብዛዕባ እቶም ብስራት መንግስቲ ኣምላኽ ዚሰብኩ እንታይ ይስምዖ፧—ፍቕዲ 15 ርአ።

5. መዓይይቲ ኣምላኽ ኢና

የሆዋ ንዕዮና ይመርሖ ኸም ዘሎ፡ ኣብ ብዙሕ ተመክሮታት ተራእዩ እዩ። ንኣብነት፡ ሓደ ድሕሪ ቐትሪ፡ ኣብ ኒው ዚላንድ፡ ፖል ዚስሙ ሓው ኣብ በቤት ከይዱ እናኣገልገለ ኸሎ፡ ምስ ሓንቲ ሰበይቲ ተራኸበ። እታ ሰበይቲ ድማ በታ ንግሆ እቲኣ ነቲ የሆዋ ዚብል ስም ኣምላኽ ጠቒሳ ብምጽላይ፡ ሰብ ኪሰድደላ ለሚና ነይራ እያ። ብዛዕባ እቲ ድሕሪኡ ዝዀነ ፖል ኪገልጽ ከሎ ኸኣ፡ “ድሕሪ ሰለስተ ሰዓት፡ ኣነ ናብ ገዛኣ ኸይደ” ይብል።

ቀዳማይ ቈረንቶስ 3:9 ኣንብብ፡ ድሕሪኡ በዚ ሕቶ ተመያየጡ፦

• ከምቲ ኣብ ኒው ዚላንድ እተረኽበ ዝኣመሰለ ተመክሮታት፡ የሆዋ ነቲ ዕዮ ስብከት ይመርሖ ኸም ዘሎ ዜርእየና ብኸመይ እዩ፧

ግብሪ ሃዋርያት 1:8 ኣንብብ፡ ድሕሪኡ በዚ ሕቶ ተመያየጡ፦

• ኣገልግሎትና ንምፍጻም ሓገዝ የሆዋ ዜድልየና ስለምንታይ እዩ፧

ትፈልጥዶ፧

ኣብ ሰሰሙን፡ ኣብ ኣኼባ መንጎ ሰሙን፡ ንስብከት ዚሕግዘና ስልጠና ይውሃበና እዩ። ኣብ ሓደ ኻብዚ ኣኼባታት እዚ ተኣኪብካ ትፈልጥ እንተ ዄንካ፡ እቲ ስልጠና ኸመይ እዩ ትብል፧

6. ነቲ ኣምላኽ ክንሰብኽ ዝሃበና ትእዛዝ ንሕሉ ኢና

ኣብ ቀዳማይ ዘመን፡ ተጻረርቲ ንሰዓብቲ የሱስ ከይሰብኩ ኺዓግትዎም ፈቲኖም ነይሮም እዮም። ቀዳሞት ክርስትያናት፡ ‘ነቲ ብስራት ብሕጊ ብምስራት፡’ ኪሰብኩ ዘለዎም መሰል ተማጒቶምሉ እዮም። (ፊልጲ 1:7) ሎሚ ዘለዉ ናይ የሆዋ መሰኻኽር እውን ከምኡ ይገብሩ እዮም።a

ቪድዮ፦ ነቲ ብስራት ብሕጊ ተማጒቶምሉ (2:28)

ግብሪ ሃዋርያት 5:27-42 ኣንብብ፡ ድሕሪኡ በዚ ሕቶ ተመያየጡ፦

• ስለምንታይ ኢና ስብከትና ደው ዘይነብል፧—ፍቕዲ 29, 38, 39 ርአ።

ጽማቝ

የሱስ ንሰዓብቱ፡ ብስራት መንግስቲ ኣምላኽ ንዅሎም ኣህዛብ ኪሰብኩ ኣዚዝዎም እዩ። የሆዋ ንህዝቡ፡ ነዚ ዕዮ እዚ ኺዓይዩ ይሕግዞም ኣሎ።

ክለሳ

• እቲ ብስራት ኣብ ብዘላ ዓለም ብኸመይ ይስበኽ ኣሎ፧

• ኣገልግሎትና ንብጻይና ፍቕሪ ኸም ዘሎና ዜርኢ ብኸመይ እዩ፧

• ስብከት ዜሐጕስ ዕዮዶ ይመስለካ፧ ስለምንታይ፧

ዳህስስ

ናይ የሆዋ መሰኻኽር ኣብ ዓበይቲ ኸተማታት ብኸመይ ከም ዚሰብኩ ርአ።

ፍሉይ ብግህዶ ዚግበር ምስክርነት ኣብ ፓሪስ (5:11)

ናይ የሆዋ መሰኻኽር ንስደተኛታት ንምሕጋዝ እንታይ ገይሮም፧

መንፈሳዊ ጽምኢ ስደተኛታት ንምርዋይ ዚግበር ጻዕሪ (5:59)

ናይ ምሉእ ግዜ ኣገልግሎት ክሳዕ ክንደይ ዜሐጕስ ህይወት ምዃኑ፡ ካብ ኣፍ ሓንቲ ነዚ ዝረኣየት ውልቀ ሰብ ስማዕ።

ነዚ ዕዮ እዚ ብምሕራየይ ሕጕስቲ እየ (6:29)

ብዛዕባ እቲ ንስብከት ብስራት መንግስቲ ኣምላኽ ዘደንፍዐ ኣብ ኣብያተ ፍርዲ እተረኽበ ዓወታት ፍለጥ።

“ሰበኽቲ መንግስቲ ኣምላኽ፡ ጕዳዮም ናብ ቤት ፍርዲ የቕርቡ” (መንግስቲ ኣምላኽ ትገዝእ ኣላ!፡ ምዕራፍ 13)