అద్దాన్ని సరిగ్గా వాడండి

బైబిల్ని, మనం లోపల ఎలా ఉన్నామో చూసుకునే అద్దంతో శిష్యుడైన యాకోబు పోల్చాడు. (యాకో. 1:22-25) అయితే, ఆ అద్దాన్ని ఎలా సరిగ్గా వాడవచ్చు?

జాగ్రత్తగా చదవండి. మనల్ని మనం అద్దంలో పైపైన చూసుకుంటే కొన్ని లోపాలు కనిపించకపోవచ్చు. అందుకే, మన లోపల ఉన్న లోపాల్ని సరిచేసుకోవాలంటే, దేవుని వాక్యంలోకి తీక్షణంగా చూడాలి, జాగ్రత్తగా చదవాలి.

వేరేవాళ్లను కాదు మిమ్మల్నే ఎక్కువ చూసుకోండి. అద్దాన్ని ఒక ఆంగిల్‌లో తిప్పితే వేరేవాళ్లు కనిపిస్తారు, వాళ్ల లోపాలు కనిపిస్తాయి. అదేవిధంగా, బైబిల్ని వేరేవాళ్ల తప్పులు గుర్తించడానికి మనం వాడే అవకాశం ఉంది. కానీ అలాచేస్తే, మన లోపాల్ని సరిచేసుకోలేం కదా.

మరీ ఎక్కువ ఆశించకండి. అద్దం చూపించే లోపాల మీదే మనం ఎక్కువ మనసుపెడితే, మనకు మనం నచ్చకపోవచ్చు. అలాగే బైబిల్ని చదువుతున్నప్పుడు కూడా యెహోవా మన నుండి ఆశించే దానికన్నా మన గురించి మనం ఎక్కువ ఆశించకూడదు.—యాకో. 3:17.