వ్యక్తిగత అధ్యయనం నుండి ఎక్కువ ప్రయోజనం పొందండి

ఎందుకు ప్రాముఖ్యం? దేవుని వాక్యం ‘వెడల్పు, పొడవు, ఎత్తు, లోతు ఎంత అనేది పూర్తిగా గ్రహించడానికి’ వ్యక్తిగత అధ్యయనం సహాయం చేస్తుంది. (ఎఫె 3:18) ఈ చెడ్డ తరం మధ్య ఎలాంటి నిందగానీ మచ్చగానీ లేకుండా ఉండడానికి, అలాగే “జీవ వాక్యాన్ని గట్టిగా పట్టుకొని” ఉండడానికి కూడా అది సహాయం చేస్తుంది. (ఫిలి 2:15, 16) దేవుని వాక్యాన్ని వ్యక్తిగతంగా అధ్యయనం చేసేటప్పుడు, ప్రత్యేకంగా మనకు అవసరమైన సమాచారాన్ని ఎంచుకునే వీలుంటుంది. బైబిలు చదవడం, అధ్యయనం చేయడం నుండి వీలైనంత ఎక్కువ ప్రయోజనం ఎలా పొందవచ్చు?

ఎలా చేయాలి?

• మీరు బైబిల్ని మామూలుగా చదివినా, ఫోన్‌లో లేదా ట్యాబ్‌లో చదివినా ముఖ్యమైన వచనాలు హైలైట్‌ చేసుకోండి, నోట్స్‌ రాసుకోండి

• దేవుని వాక్యాన్ని చదువుతున్నప్పుడు, ఈ ప్రశ్నల గురించి ఆలోచించండి: ‘ఎవరు? ఏమిటి? ఎప్పుడు? ఎక్కడ? ఎందుకు? ఎలా?’

• వాస్తవాలు తెలుసుకోండి. అందుబాటులో ఉన్న పరిశోధనా పరికరాలు ఉపయోగించి అంశం ప్రకారం లేదా వచనం ప్రకారం పరిశోధన చేయండి

• చదువుతున్న సమాచారాన్ని మీరెలా పాటించవచ్చో తెలుసుకోవడానికి ధ్యానించండి

• మీరు నేర్చుకున్న వాటిని రోజువారీ జీవితంలో పాటించండి.—లూకా 6:47, 48

వ్యక్తిగత అధ్యయనం ద్వారా “జీవ వాక్యాన్ని గట్టిగా పట్టుకొని ఉండండి” అనే వీడియో చూసి ఈ ప్రశ్నలకు జవాబు చెప్పండి:

• వ్యక్తిగత అధ్యయనం గురించి కొందరు ఏమన్నారు?

• వ్యక్తిగత అధ్యయనం చేసే ముందు ప్రతీసారి ఎందుకు ప్రార్థించాలి?

• ఒక బైబిలు భాగాన్ని చక్కగా అర్థంచేసుకోవడానికి ఏది సహాయం చేస్తుంది?

• మనం అధ్యయనం చేస్తున్న బైబిల్లో ఎలాంటి గుర్తులు పెట్టుకోవచ్చు?

• దేవుని వాక్యాన్ని అధ్యయనం చేస్తున్నప్పుడు ధ్యానించడం ఎందుకు చాలా ప్రాముఖ్యం?

• నేర్చుకున్న విషయాల్ని ఎలా ఉపయోగించాలి?