యెహోవా వాగ్దానాల మీద మీ విశ్వాసం ఎంత బలంగా ఉంది?

యెహోవా చేసిన వాగ్దానాల్లో ఒక్క మాట కూడా తప్పలేదని యెహోషువ, సొలొమోను ఇద్దరూ బలపర్చారు. (యెహో 23:14; 1 రాజు 8:56) ఈ ఇద్దరు నమ్మదగిన సాక్షులు ఇచ్చిన సాక్ష్యం మన విశ్వాసాన్ని కట్టడానికి అవసరమైన పునాదికి మరింత బలాన్ని ఇస్తుంది.—2 కొరిం 13:1; తీతు 1:2.

యెహోషువ కాలంలో యెహోవా తను చేసిన వాగ్దానాలను ఎలా నెరవేర్చాడు? మీ కుటుంబంతో కలిసి ఒక్క మాట కూడా తప్పిపోలేదు వీడియో నాటకాన్ని చూడండి. తర్వాత ఈ ప్రశ్నలు పరిశీలించండి: (1) రాహాబు విశ్వాసంతో చేసిన పనులను మీరు ఎలా అనుకరించవచ్చు? (హెబ్రీ 11:31; యాకో 2:24-26) (2) కావాలని అవిధేయత చూపించడం నాశనానికి దారితీస్తుందని ఆకాను ఉదాహరణ ఎలా చూపిస్తుంది? (3) గిబియోనీయులు యోధులు అయినా యెహోషువను మోసం చేసి ఇశ్రాయేలీయులతో ఎందుకు సంధి కుదుర్చుకున్నారు? (4) అమోరీయుల ఐదుగురు రాజులు ఇశ్రాయేలును బెదిరించినప్పుడు యెహోవా ఇచ్చిన మాట ఎలా నిజమైంది? (యెహో 10:5-14) (5) మీరు మీ జీవితంలో దేవుని రాజ్యాన్ని, నీతిని మొదటి స్థానంలో పెట్టుకున్నందుకు యెహోవా మీ కోసం ఏం చేశాడు?—మత్త 6:33.

యెహోవా చేసినవాటన్నిటి గురించి, చేస్తున్నవాటన్నిటి గురించి, చేయబోయేవాటన్నిటి గురించి ఆలోచిస్తే ఆయన ఇచ్చిన వాగ్దానాల మీద మన విశ్వాసం పెరుగుతుంది.—రోమా 8:31, 32.