దేవుడు చెప్పేది వినండి బ్రోషురును ఎలా ఉపయోగించవచ్చు

చదివి నేర్చుకోవడం కష్టంగా ఉన్నవాళ్లకు బొమ్మల ద్వారా ప్రాథమిక బైబిలు సత్యాలను నేర్పించడానికి దేవుడు చెప్పేది వినండి బ్రోషురు తయారు చేశారు. ఒక్కో పాఠం 2 పేజీల్లో ఉంటుంది. బాగా ఆలోచించి తయారు చేసిన చిత్రాలు ఇందులో ఉంటాయి. ఒక చిత్రం తర్వాత ఏ చిత్రం చర్చించాలో తెలుసుకునేలా గుర్తులు ఉంటాయి.

దేవుడు చెప్పేది వినండి బ్రోషురులో ఉన్న బొమ్మలే దేవుడు చెప్పేది వినండి నిత్యం జీవించండి బ్రోషురులో కూడా ఉన్నాయి, కానీ ఇందులో ఎక్కువ సమాచారం ఉంటుంది. కాబట్టి కొంత చదవగలిగే వాళ్లకోసం ఈ బ్రోషురును ఉపయోగించవచ్చు. విద్యార్థి దేవుడు చెప్పేది వినండి బ్రోషురు ఉపయోగిస్తుంటే స్టడీ చేసేవాళ్లు దేవుడు చెప్పేది వినండి నిత్యం జీవించండి బ్రోషురు ఉపయోగించవచ్చు. చాలా పేజీల్లో అదనపు సమాచారం ఉన్న బాక్సు ఉంటుంది. దాన్ని విద్యార్థి సామర్థ్యాన్ని బట్టి చర్చించవచ్చు.

నెలలో ఇవ్వాల్సిన ప్రచురణలలో లేకపోయినా దీన్ని ఎప్పుడైనా ఇవ్వవచ్చు. బైబిలు స్టడీ చేసేటప్పుడు, బైబిల్లో ఉన్న సంఘటనలను వివరించడానికి బొమ్మలను ఉపయోగించండి. విద్యార్థి స్టడీలో పాల్గొనేలా, చర్చిస్తున్న విషయం అర్థంచేసుకునేలా ప్రశ్నలు అడగండి. పేజీ చివర్లో ఉన్న వచనాలను చదివి, చర్చించండి. బ్రోషురు పూర్తి చేశాక, విద్యార్థి బాప్తిస్మం తీసుకునేలా ప్రగతి సాధించడానికి బైబిలు నిజంగా ఏమి బోధిస్తోంది? లేదా బైబిల్లో మనం ఏమి నేర్చుకోవచ్చు? అనే పుస్తకాల నుండి స్టడీ చేయండి.