దైవిక విద్య పక్షపాతాన్ని తీసేస్తుంది

యెహోవా పక్షపాతి కాడు. (అపొ 10:34, 35) “ప్రతి వంశములోనుండియు ప్రజలలోనుండియు, ఆ యా భాషలు మాటలాడువారిలో నుండియు” వచ్చిన ప్రజలందరినీ ఆయన చేర్చుకుంటాడు. (ప్రక 7:9) కాబట్టి, క్రీస్తు సంఘంలో పక్షపాతానికి, కొంతమంది మీదే అభిమానం చూపించడానికి చోటు లేదు. (యాకో 2:1-4) దైవిక విద్య వల్ల మనుషుల మనస్తత్వాల్లో మార్పు వచ్చి ఆధ్యాత్మిక పరదైసును ఆనందించగలుగుతున్నాం. (యెష 11:6-9) మన హృదయం లోపల ఎక్కడో ఉన్న పక్షపాతాన్ని తీసేసుకోవడానికి మనం కృషి చేస్తూ ఉన్నట్లయితే, మనం దేవుణ్ణి అనుకరిస్తున్నామని రుజువు చేసుకుంటాం.—ఎఫె 5:1, 2.

జానీ, గిడియన్‌: ఒకప్పుడు శత్రువులు, ఇప్పుడు సహోదరులు వీడియో చూడండి. తర్వాత ఈ ప్రశ్నలకు జవాబులు చెప్పండి:

• వివక్షను, పక్షపాతాన్ని తీసేయడానికి మనుషులు చేసే ప్రయత్నంతో పోలిస్తే దైవిక విద్య ఎందుకు శక్తివంతంగా ఉంటుంది?

• మన అంతర్జాతీయ సహోదరత్వంలో మీకు నచ్చే విషయాలు ఏమిటి?

• క్రైస్తవులుగా మనం ఐక్యంగా ఉండడం వల్ల యెహోవాకు ఎలా మహిమ తెస్తాం?