యెహోవా మనకు ఆశ్రయం

1. యెహోవా మాకు దుర్గం, మేము నమ్మే దైవం.

ఆయనే మా గుడారం, దానిలోనే ఉంటాం.

సంరక్షింప సమర్థుడు, ఆయనే మాకు ఆశ్రయం.

యెహోవా మాకు కోట, న్యాయవంతుల ఆవాసం.

2. మీ మధ్య ఎంతోమంది, సత్యం వదిలినా,

మీరైతే దీనులతో, ఉంటారు క్షేమంగా.

అపాయము వస్తుందని, భయపడనక్కర్లేదు.

రెక్కల క్రింద ఉంచి, సంరక్షిస్తాడు దేవుడు.

3. దేవుని కాపుదల, ఉండునెల్లప్పుడు.

తొట్రిల్లి పడకుండా, చేయి అందిస్తాడు.

నాగుపామున్‌ త్రొక్కుతారు, సింహానికి భీతిల్లరు.

యెహోవా మన దుర్గం, నడిపిస్తాడు నిత్యము.