కళ్లముందే జరుగుతున్నట్టు ఊహించుకోండి

నిజంగా జరిగిన చాలా సంఘటనలు బైబిల్లో ఉన్నాయి, అవి మనకు ముఖ్యమైన పాఠాలు నేర్పిస్తాయి. మనం ఆ సంఘటనల్ని బాగా అర్థం చేసుకోవడానికి, ఎక్కువ విషయాలు నేర్చుకోవడానికి అవి మీ కళ్లముందే జరుగుతున్నట్టు ఊహించుకోవాలి. అలా ఊహించుకోవడానికి మీకు పనికొచ్చే కొన్ని చిట్కాలు చూద్దాం.

• బయటికి చదవండి. బైబిల్ని బయటికి చదివినప్పుడు, సన్నివేశాల్ని బాగా ఊహించుకోగలుగుతాం. మీ ఇంట్లోవాళ్లతో కలిసి బైబిలు చదువుతున్నప్పుడు, ఒక్కొక్కరు ఒక్కో పాత్రను తీసుకుని చదవండి. అప్పుడు ఆ పాత్రలు జీవం పోసుకుని, మీ కళ్ల ముందు కదులుతాయి.

• మీరు అక్కడ ఉన్నట్టు ఊహించుకోండి. ఆ వ్యక్తుల స్థానంలోకి వెళ్లి ఆలోచించండి. వాళ్ల ఆలోచనల్ని, ఫీలింగ్స్‌ని అర్థం చేసుకోవడానికి ప్రయత్నించండి. ఉదాహరణకు, ఇలా ప్రశ్నించుకోండి: ‘అతను ఎందుకు అలా చేసుంటాడు లేదా మాట్లాడుంటాడు? నేనే అక్కడ ఉంటే ఏం చేస్తాను? ఎలా ఫీల్‌ అవుతాను?’

• బొమ్మలు గీయండి. మీకు బొమ్మలు గీయడం అంతగా రాకపోయినా, గీయడానికి ప్రయత్నించండి. అప్పుడు చక్కగా ఊహించుకోగలుగుతారు, ఆ సంఘటనను మర్చిపోకుండా ఉంటారు.