యెహోవా మిమ్మల్ని కాపాడతాడనే నమ్మకాన్ని పెంచుకోండి

సంఖ్యాకాండం 13:25–14:4 చదవండి. తర్వాత, ఇశ్రాయేలీయులు యెహోవా మీద నమ్మకాన్ని ఎలా కోల్పోయారో తెలుసుకోండి.

సందర్భాన్ని లోతుగా తవ్వండి. ఇశ్రాయేలీయులు ఐగుప్తు నుండి వచ్చేస్తున్నప్పుడు, యెహోవా వాళ్లను కాపాడగలడని నమ్మకం చూపించడానికి ఏ కారణాలు ఉన్నాయి? (కీర్త. 78:12-16, 43-53) కానీ వాళ్లు యెహోవా మీద నమ్మకాన్ని ఎలా కోల్పోయారు? (ద్వితీ. 1:26-28) యెహోషువ, కాలేబు మాత్రం యెహోవా మీద ఎలాంటి నమ్మకం చూపించారు?—సంఖ్యా. 14:6-9.

వివరాల్ని లోతుగా తవ్వండి. యెహోవా మీద నమ్మకాన్ని పెంచుకోవడానికి ఇశ్రాయేలీయులు ఏం చేస్తే బాగుండేది? (కీర్త. 9:10; 22:4; 78:11) యెహోవా మీద నమ్మకం చూపించడానికి, ఆయన్ని గౌరవించడానికి మధ్య సంబంధం ఏంటి?—సంఖ్యా. 14:11.

ఏం నేర్చుకున్నారో ఆలోచించండి. ఇలా ప్రశ్నించుకోండి:

• ‘ఏయే సందర్భాల్లో నేను యెహోవాను పూర్తిగా నమ్మడం కష్టమవ్వొచ్చు?’

• ‘ఇప్పుడు అలాగే భవిష్యత్తులో యెహోవా మీద నాకున్న నమ్మకాన్ని ఎలా పెంచుకోవచ్చు?’

• ‘మహాశ్రమ దగ్గరౌతున్నప్పుడు యెహోవా ఏం చేస్తాడనే నమ్మకం నాకుంది?’—లూకా 21:25-28.