ఎల్లప్పుడూ సంతోషంగా జీవించండి! పుస్తకం గురించి . . .

ఎల్లప్పుడూ సంతోషంగా జీవించండి! పుస్తకంలోని వీడియోలు, ప్రశ్నలు బాగా ఉపయోగపడుతున్నాయా? “కొంతమంది ఇలా అంటారు,” “ఇలా చేసి చూడండి,” “ఇవికూడా చూడండి” భాగాలు ఎలా అనిపిస్తున్నాయి? శిష్యుల్ని చేయడానికి మీరు ఈ పుస్తకాన్ని ఉపయోగిస్తున్నప్పుడు, మీకు ఉపయోగపడే ఇంకొన్ని విషయాల్ని ఇప్పుడు తెలుసుకుందాం.—మత్త. 28:19, 20.

మీడియా: మీరు ముద్రిత కాపీ నుండి స్టడీ చేయాలనుకుంటే వీడియోలన్నీ అలాగే ఇతర రెఫరెన్సులన్నీ ఒకేచోట కనిపించాలంటే ఏం చేయాలి? మీ ఫోన్‌లో గానీ, ట్యాబ్‌లో గానీ ఈ పుస్తకం తెరిచి ఏదోక సెక్షన్‌​ను సెలక్ట్‌​ చేయండి. పాఠాల లిస్టు చివర్లో ఆ సెక్షన్‌కు సంబంధించిన రెఫరెన్సులు అన్నీ ఉంటాయి. (1వ చిత్రం చూడండి.)

“ముద్రిత ప్రతి” సెట్టింగ్‌​: మీరు ఎలక్ట్రానిక్‌ కాపీ నుండి స్టడీ చేస్తుంటే కొన్ని సందర్భాల్లో “ముద్రిత ప్రతి” సెట్టింగ్‌​ ఉపయోగిస్తే చాలా ప్రయోజనం ఉంటుంది. ఆ సెట్టింగ్‌​ కావాలంటే ఏం చేయాలి? మీరు స్టడీ చేస్తున్న పాఠం తెరిచాక, స్క్రీన్‌ కుడివైపున పైభాగంలో ఉన్న మూడు చుక్కల్ని క్లిక్‌ చేయండి. అందులో “ముద్రిత ప్రతి” సెట్టింగ్‌​​​ సెలక్ట్‌​ చేయండి. మీరు స్టడీ చేస్తున్న సమాచారం ఆ పాఠం అంశంతో ఎలా ముడిపడివుందో అర్థంచేసుకోవడానికి ఈ సెట్టింగ్‌​ బాగా ఉపయోగపడుతుంది. ఈ సెట్టింగ్‌​ నుండి బయటికి రావాలంటే ఏం చేయాలి? మళ్లీ పైనున్న మూడు చుక్కల్ని క్లిక్‌ చేసి “డిజిటల్‌ ప్రతి” సెలక్ట్‌​​ చేయండి.

“నేను సిద్ధంగా ఉన్నానా?”: పుస్తకం చివర్లో ఉన్న ఈ బాక్సు, సంఘంతో కలిసి ప్రకటన పని చేయడానికి, బాప్తిస్మం తీసుకోవడానికి మీరు చేయాల్సిన పనుల్ని తెలియజేస్తుంది. (2వ చిత్రం చూడండి.)

అదనపు సమాచారం: కొన్ని ముఖ్యమైన విషయాలకు సంబంధించిన ఎక్కువ విషయాలు ఈ భాగంలో ఉంటాయి. అదనపు సమాచారం కిందవున్న లింక్‌ మీద క్లిక్‌ చేస్తే మీరు స్టడీ చేస్తున్న పాఠానికి తిరిగివెళ్లవచ్చు. (2వ చిత్రం చూడండి.)