దైవిక విద్యను అభ్యసించండి

ఎందుకు ప్రాముఖ్యం? మహోపదేశకుడైన యెహోవా, మనకు శ్రేష్ఠమైన విద్యను అందిస్తున్నాడు. మన జీవితాన్ని ఎలా మెరుగుపర్చుకోవాలో బోధిస్తున్నాడు, అద్భుతమైన భవిష్యత్తు కోసం మనల్ని సిద్ధం చేస్తున్నాడు; ఇదంతా ఆయన ఉచితంగానే చేస్తున్నాడు! (యెష 11:6-9; 30:20, 21; ప్రక 22:17) దైవిక విద్య ద్వారా, ప్రాణాల్ని కాపాడే సందేశాన్ని ఇతరులకు బోధించేలా మనకు శిక్షణ ఇస్తున్నాడు.—2 కొరిం 3:5.

ఎలా చేయాలి?

• వినయాన్ని, సాత్వికాన్ని అలవర్చుకోండి.—కీర్త 25:8, 9

• యెహోవా ఇప్పుడు మీకు అందిస్తున్న శిక్షణను, అంటే వారం మధ్యలో జరిగే మీటింగ్స్‌లోని విద్యార్థి నియామకాల వంటివి అంగీకరించండి

• ఆధ్యాత్మిక లక్ష్యాలు పెట్టుకోండి.—ఫిలి 3:13

• మరింత శిక్షణను పొందేలా అర్హులవ్వడానికి త్యాగాలు చేయండి.—ఫిలి 3:8

యెహోవా బోధతో ఆధ్యాత్మిక ధనవంతులం అయ్యాం వీడియో చూసి, ఈ ప్రశ్నలకు జవాబివ్వండి:

• “రాజ్య సువార్తికుల కోసం పాఠశాల”కు హాజరవ్వడానికి కొందరు ప్రచారకులు ఎలాంటి అడ్డంకుల్ని దాటారు?

• “రాజ్య సువార్తికుల కోసం పాఠశాల” ఎలాంటి శిక్షణను ఇస్తుంది?

• సంఘ సభ్యులు గ్రాడ్యుయేట్స్‌కు వాళ్ల కొత్త నియామకంలో ఎలా సహాయం చేశారు?

• “రాజ్య సువార్తికుల కోసం పాఠశాల”కు అప్లయి చేసుకోవాలంటే ఎలాంటి అర్హతలు ఉండాలి? (kr 189వ పేజీ )

• యెహోవా సంస్థలో ఇంకా ఎలాంటి శిక్షణ కోసం మీరు ప్రయత్నించవచ్చు?