అవసరంలో ఉన్నవాళ్లకు సహాయం చేయాలి

ప్రపంచంలో చాలామందికి తినడానికి తిండి లేదు, ఉండడానికి ఇల్లు లేదు. ఇంకొంతమందికి జీవితం మీద ఎలాంటి ఆశ లేదు. అలాంటివాళ్లకు సహాయం చేస్తే దేవుని అనుగ్రహంతో పాటు, ఆయనిచ్చే దీవెనలు పొందుతాం.

పవిత్ర లేఖనాలు ఏం చెప్తున్నాయి?

“పేదవాళ్ల మీద దయ చూపించేవాడు యెహోవాకు అప్పు ఇస్తున్నాడు, అతను చేసినదానికి ఆయన ప్రతిఫలం ఇస్తాడు.”—సామెతలు 19:17.

అవసరంలో ఉన్నవాళ్లకు సహాయం చేయడమంటే ఏంటి?

దొంగల చేతిలో దెబ్బలు తిని కొనప్రాణంతో ఉన్న వ్యక్తి గురించి యేసు ఒక కథ చెప్పాడు. (లూకా 10:29-37) ఆ దారిలో వెళ్తున్న ఒకతను, ఒంటినిండా దెబ్బలతో ఉన్న ఆ వ్యక్తిని చూసి జాలిపడి గాయాలకు కట్టు కట్టాడు. ఆసక్తికరమైన విషయమేంటంటే, సహాయం చేసిన ఆ వ్యక్తి వేరే జాతికి చెందినవాడు.

అతను గాయాలకు కట్టు కట్టడం, డబ్బులిచ్చి సత్రంలో చేర్చడం మాత్రమే కాదు; ఆ వ్యక్తిని ఓదార్చి అతని బాధను తగ్గించాడు.

ఈ కథ మనకేం నేర్పిస్తుంది? అవసరంలో ఉన్నవాళ్లకు మనం చేయగలిగిన సహాయం చేయాలని యేసు ఈ కథ ద్వారా నేర్పిస్తున్నాడు. (సామెతలు 14:31) దేవుడు త్వరలో పేదరికం, బాధలు లేకుండా చేస్తాడని పవిత్ర లేఖనాలు చెప్తున్నాయి. అయితే దేవుడు దాన్ని ఎప్పుడు చేస్తాడు, ఎలా చేస్తాడు అనే సందేహం మీకు రావచ్చు. మిమ్మల్ని ప్రేమించే మీ సృష్టికర్త మీకు ఎలాంటి దీవెనలు ఇవ్వబోతున్నాడో తర్వాతి ఆర్టికల్‌లో తెలుసుకోండి.