మీరు JW Library ఉపయోగిస్తున్నారా?

JW Library అనే ఫ్రీ యాప్‌ (సాఫ్ట్‌వేర్‌అప్లికేషన్‌) ద్వారా బైబిలును, ప్రచురణలను, వీడియోలను, ఆడియో ఫైళ్లను మీ మొబైల్‌, ట్యాబ్‌, కంప్యూటర్లలోకి డౌన్‌లోడ్‌ చేసుకోవచ్చు.

ఎలా ఎక్కించుకోవాలి: ఇంటర్నెట్‌లో app store నుండి JW Library ఇన్‌స్టాల్‌ చేసుకోండి. ఇది దాదాపు అన్ని మొబైళ్లలో, ట్యాబ్లెట్‌లలో, కంప్యూటర్‌లలో పనిచేస్తుంది. ఆ యాప్‌లోకి వెళ్లి మీకు కావాల్సిన వాటిని డౌన్‌లోడ్‌ చేసుకోవచ్చు. మీ దగ్గర నెట్‌ లేకపోతే, ఫ్రీగా నెట్‌ సదుపాయం ఉన్న చోట్ల మీకు కావాల్సిన వాటిని డౌన్‌లోడ్‌ చేసుకోవచ్చు. ఒకసారి మీరు ప్రచురణలను డౌన్‌లోడ్‌ చేసుకున్న తర్వాత, నెట్‌ కనెక్షన్‌ లేకపోయినా వాటిని చూసుకోవచ్చు. ఈ యాప్‌లో ఎప్పటికప్పుడు కొత్తకొత్తవి పెడుతుంటారు కాబట్టి అప్పుడప్పుడు మీరు నెట్‌ కనెక్ట్‌ చేసుకుని దీన్ని అప్‌డేట్‌ చేసుకుంటూ ఉండాలి.

ఎందుకు ఎక్కించుకోవాలి? వ్యక్తిగత అధ్యయనం చేసుకోవడానికి, మీటింగ్‌లో జరుగుతున్నవాటిని చూసుకోవడానికి JW Library యాప్‌ బాగా ఉపయోగపడుతుంది. పరిచర్యలో, ముఖ్యంగా అనియత సాక్ష్యం ఇచ్చేటప్పుడు బాగా ఉపయోగపడుతుంది.