పరిచర్యలో నైపుణ్యాలు మెరుగుపర్చుకుందాం—బైబిలు బోధిస్తోంది పుస్తకం ఎలా ఇవ్వాలి?

ఎందుకు ప్రాముఖ్యం? బైబిలు బోధిస్తోంది పుస్తకం మనం ఉపయోగించే పనిముట్లలో చాలా ముఖ్యమైంది. అయితే ఆ పుస్తకంతో ఎవరికైనా స్టడీ చేయాలంటే ముందు దాన్ని వాళ్లకివ్వాలి కదా. కాబట్టి మనమంతా బైబిలు బోధిస్తోంది పుస్తకాన్ని పరిచర్యలో ఇవ్వడానికి మంచి నైపుణ్యం సంపాదించుకోవాలి. (సామె. 22:29) చాలా పద్ధతులు ఉన్నాయి, కానీ ప్రచారకులు వాళ్లకు బాగా ఉపయోగపడే పద్ధతిని వాడాలి. మనం ఎక్కువగా మంచివార్త! బ్రోషురుతో బైబిలు స్టడీ మొదలుపెట్టినా తర్వాత స్టడీని బైబిలు బోధిస్తోంది పుస్తకంలోకి మారుస్తాము. కొన్నిసార్లు నిజంగా ఇష్టం చూపించిన వాళ్లకు మాత్రం బైబిలు బోధిస్తోంది పుస్తకం ఇవ్వవచ్చు.

ఎలా చేయాలి?

వాళ్లలో ఇష్టాన్ని పెంచే ఒక ప్రశ్న అడిగి జవాబు ఒక అధ్యాయంలో చూపించవచ్చు. లేదా అధ్యాయం మొదట్లో ఉన్న ప్రశ్నలను అడగవచ్చు. వాళ్లు చెప్పింది విన్నాక, వాళ్ల అనుమతి తీసుకుని ఆ ప్రశ్నకు సరపోయిన ఒక వచనాన్ని చదివి వినిపించవచ్చు. తర్వాత ఆ విషయానికి సంబంధించిన పేరా చూపించి కొద్దిసేపు మాట్లాడవచ్చు.
మరొక పద్ధతి ఏంటంటే పుస్తకం మొదట్లో ఉన్న పేజీలు చూపించి వాళ్లకు ఆసక్తి కలిగేలా చేసి తర్వాత వాటికి సంబంధించి బైబిలు చెప్తున్నవాటిని ఆ పుస్తకంలో చూపించవచ్చు. మీరు ఇలా కూడా చేయవచ్చు: ఈ మధ్యకాలంలో వార్తల్లో వచ్చిన ఒక విషాదకరమైన విషయం ప్రస్తావించి మూడవ పేజీల్లో ఉన్న ప్రశ్నలు చూపించండి. వాటి జవాబులు గురించి చాలామంది ఆలోచిస్తున్నారని వివరించండి. లేదా మన చుట్టుప్రక్కల వాళ్లను కలిసి భవిష్యత్తు గురించి సంతోషించదగ్గ విషయాలు చెప్తున్నామని చెప్పండి. 4-5 పేజీల్లో ఉన్న బొమ్మలు చూపించి, “మీరు వీటిలో ఏది నిజమవ్వాలని అనుకుంటున్నారు?” అని అడగండి. ఇంకో పద్ధతి కూడా ఉంది. ఏంటంటే జీవితానికి సంబంధించిన పెద్ద పెద్ద సందేహాలు తీర్చుకోవడానికి అందరికీ సహాయం చేస్తున్నామని కూడా చెప్పవచ్చు. 6వ పేజీ చివర్లో ఉన్న ప్రశ్నలు ఇంటివారికి చూపించండి. వాళ్లకు ఎక్కువ ఏది తెలుసుకోవాలని ఉందో అడగండి.
ముందే బైబిలు స్టడీ గురించి చెప్పండి. క్రైస్తవులైతే ఇలా చెప్పొచ్చు: “మేము బైబిలు ఎలా స్టడీ చేయవచ్చో చూపిస్తున్నాము. ఈ పుస్తకాన్ని మీరు ఎప్పుడైనా చూశారా? [వాళ్లేమి చెప్తారో వినండి.] మీరు కొన్ని నిమిషాలు ఇస్తే, మీ బైబిలు దగ్గర పెట్టుకుని ఈ పుస్తకంతో బైబిలు స్టడీ ఎలా చేయవచ్చో చూపించాలనుకుంటున్నాను.”

ఈ నెలలో దీన్ని ప్రయత్నించండి:

కుటుంబ ఆరాధనలో వీటిని చేసి చూడండి.
పరిచర్యలో ఉన్నప్పుడు, మీరు ఏమి చెప్పాలని అనుకుంటున్నారో మీతో ఉన్నవాళ్లకు చెప్పండి. (సామె. 27:17) ఒక పద్ధతి సరిగ్గా ఉపయోగపడకపోతే వేరేది ఉపయోగించండి.