అధ్యయన ప్రతి

అధ్యయన ఆర్టికల్స్‌ ఉద్దేశం

1, 2 అధ్యయన ఆర్టికల్స్‌ 3-12 పేజీలు

వివాహం విషయంలో యెహోవా ఇచ్చే సలహాలను పాటించడం ఎందుకు మంచిదో ఈ ఆర్టికల్స్‌లో పరిశీలిస్తాం. అంతేగాక అవి, దేవుని బహుమానమైన వివాహం పట్ల మన కృతజ్ఞతను పెంచుతాయి. వివాహ బంధాన్ని కాపాడుకోవడానికి చేయగలిగింది చేయడం ఎందుకు ప్రాముఖ్యమో, లేఖన సలహాలు పాటిస్తే వైవాహిక జీవితంలో సంతోషాన్ని ఎలా పొందవచ్చో కూడా ఈ ఆర్టికల్స్‌ చూపిస్తాయి.

3వ అధ్యయన ఆర్టికల్‌ 17-21 పేజీలు

యెహోవా ఏయే విధాలుగా గొప్ప సమయపాలకుడో ఈ ఆర్టికల్‌లో పరిశీలిస్తాం. దానివల్ల ఆయనపై, ఆయన వాక్యమైన బైబిలుపై మన విశ్వాసం బలపడుతుంది. యెహోవా ఇచ్చే రక్షణ కోసం నమ్మకంగా ఎదురుచూస్తుండగా మన సమయాన్ని జ్ఞానయుక్తంగా ఉపయోగించుకోవాలనే మన నిర్ణయం బలపడుతుంది.

4వ అధ్యయన ఆర్టికల్‌ 23-27 పేజీలు

మనం అపరిపూర్ణులమైనా దేవుణ్ణి ప్రేమిస్తాం, ఆయన మహిమను ప్రతిబింబించాలని కోరుకుంటాం. అదెలా సాధ్యమో ఈ ఆర్టికల్‌లో చూస్తాం. దేవుని పోలి నడుచుకుంటూ ఆయనకు ఇష్టమైన వ్యక్తిగా జీవించాలంటే మనమేమి చేయాలో చూస్తాం. (ఎఫె. 5:1) మనం ఎల్లప్పుడూ ఆయనను మహిమపర్చాలంటే ఏమి చేయాలో కూడా చూస్తాం.