ఇట్టి కాలము కొరకు మీరు పరితపిస్తున్నారా ఎప్పుడైతే . . .

◻ దినములో ఏ సమయమందైనా—మీరు మీ గృహములో క్షేమంగా, సురక్షితంగా ఉండగలరో?

◻ తాళములు, అడ్డగడియలు, అలారములు, తొంగిచూచే రంధ్రములు, కంచెలు, కావలివారు, కాపలా కుక్కలు మరియితర భద్రతా ఏర్పాట్లు అవసరము ఉండవో?

◻ మీరు రాత్రియందుకూడ ఒంటరిగా వీధులలో సంపూర్ణ రక్షణతో నడువగలరో?

◻ హానికరమైన మాదక ద్రవ్యములు దాని సంబంధిత సమస్యలు మరువబడునో?

◻ అన్ని రకములైన యుద్ధములు అంతమై, ఇక ఆయుధముల తయారీ లేదా నిల్వలు ఉండవో?

◻ కలుషితమైన ఆహారము, గాలి, నీరు వీటినిగూర్చి ఇక నీవు చింతించనవసరము లేదో?

◻ ఉగ్రవాదము, బందీలుగా పట్టుకొనడం, మరియు బాంబులను గూర్చిన భయాందోళనలు పూర్తిగా తొలగించబడునో?

◻ భూమియొక్క సహజవనరులు కాపాడబడి, సక్రమంగా వినియోగించబడి, అందరి ప్రయోజనము కొరకు జ్ఞానయుక్తముగా వాడబడునో?

◻ పేరాశ, స్వార్థము మానవులను పురికొల్పే శక్తులుగా ఇక ఎన్నటికి ఉండకపోవునో?

◻ పిల్లలు అమాయకులుగానే కొనసాగి, యితరులయెడల, వారి ఆస్తియెడల గౌరవంగా వ్యవహరించుదురో?

◻ స్త్రీలు అణచివేయబడక, బాధింపబడక యుందురో?

◻ చట్టములు, నియమనిబంధనలు తేటగాయుండి అందరి ప్రయోజనము కొరకు న్యాయంగా అమలు జరుపబడునో?

◻ రాజకీయ ప్రయోజనము కొరకుకాక, నిజమైన అవసరతలపై ఆధారపడి ప్రభుత్వము నిర్ణయము తీసికొనునో?

◻ స్వాతంత్ర్యము, సమానత్వమనేవి కేవలం ప్రచారము కొరకు మాత్రమే కాక, ఆచరణలో పెట్టబడునో?

◻ ఇక ఎన్నటికిని పేదరికము ఉండక, అందరూ తమ ఆరోగ్యము, సంక్షేమము, సంతోషముల కొరకు అవసరమైన దేనినైనను కలిగియుందురో?

◻ పిల్లలు కోరదగినవారై, లక్ష్యము చూపబడి, ఎన్నటికి పాడుచేయబడక లేదా విడువబడక యుందురో?

◻ రోగము, మరణము జయించబడి, భయంకరమైన తెగుళ్లు ఇక ఉండవో?

◻ మీరు కలిసే ప్రతివారు దయకలిగి, సహాయము చేయువారై నమ్మదగిన వారిగా ఉందురో?

◻ ప్రతిఒక్కరి జీవము విలువైనదిగా ఎంచబడి, అందరూ శాశ్వత సంతోషమును కనుగొందురో?

◻ మతము ఇక ఎన్నటికి విభాగిత శక్తిగా ఉండి, మతోన్మాదము, ద్వేషము యుద్ధములకు నడిపించేదిగా ఉండకపోవునో?

◻ నివసించుటకు అందరికి తగినంత, ఆహ్లాదకరమైన స్థలములు ఉండి, గృహములేని వారు అనునది గతించిన సంగతైయుండునో?

పైనున్న వాటిలో దేనికైనను మీరు అవును అని చెప్పగల్గితే, దీని తరువాతి శీర్షికలను చదువుటకు మీరు ఆసక్తి చూపుదురు. (w90 10/1)