యెషయా

 2 ఆకాశమా, విను! భూమీ, ఆలకించు!+

యెహోవా ఇలా అంటున్నాడు:

“నేను కుమారుల్ని పెంచి పెద్ద చేశాను,+

కానీ వాళ్లు నాకు ఎదురుతిరిగారు.+

 3 ఎద్దుకు తన యజమాని తెలుసు,

గాడిదకు తన యజమాని మేత పెట్టే చోటు తెలుసు;

కానీ ఇశ్రాయేలుకు నేను* తెలీదు,+

నా సొంత ప్రజలు అవగాహన లేకుండా ప్రవర్తిస్తున్నారు.”

 4 పాపిష్ఠి జనమా, మీకు శ్రమ,+

మీ దోషం చాలా బరువుగా ఉంది,

మీరు దుష్ట సంతానం, నాశనకరమైన పిల్లలు!

మీరు యెహోవాను విడిచిపెట్టేశారు;+

ఇశ్రాయేలు పవిత్ర దేవుణ్ణి అవమానించారు;

ఆయన్ని విడిచి వెళ్లిపోయారు.

మీ తల అంతా రోగంతో నిండిపోయింది,

గుండె అంతటికీ వ్యాధి సోకింది.+

ఎక్కడ చూసినా గాయాలు, దెబ్బలు, పచ్చిపుండ్లే.

ఎవరూ వాటికి చికిత్స చేయలేదు,* కట్టు కట్టలేదు, నూనె రాయలేదు.+

 8 సీయోను కూతురు ద్రాక్షతోటలోని మంచెలా,*

దోసకాయ పొలంలోని గుడిసెలా,

ముట్టడి వేయబడిన నగరంలా వదిలేయబడింది.+

 9 సైన్యాలకు అధిపతైన యెహోవా మనలో కొంతమందిని మిగల్చకపోయి ఉంటే,

మనం అచ్చం సొదొమలా అవ్వాల్సిన వాళ్లం,

గొమొర్రాలా ఉండేవాళ్లం.+

“మీ దహనబలి పొట్టేళ్ల+ మీద, బాగా మేపిన జంతువుల కొవ్వు+ మీద నాకు విరక్తి కలిగింది;

కోడెదూడల+ రక్తం,+ గొర్రెపిల్లల రక్తం, మేకల+ రక్తం నన్ను సంతోషపెట్టవు.

12 నా సన్నిధిలో కనిపించడానికి+ రమ్మని,

ఇలా నా ఆలయ ప్రాంగణాల్ని తొక్కమని

మిమ్మల్ని ఎవరు అడిగారు?+

మీరు అమావాస్య రోజుల్ని,+ విశ్రాంతి రోజుల్ని*+ ఆచరిస్తారు; సమావేశాల కోసం చాటింపు+ వేస్తారు.

మీరు ఒకవైపు ప్రత్యేక సమావేశం ఏర్పాటు చేస్తూనే మరోవైపు ఇంద్రజాల శక్తిని ఉపయోగించడం నేను సహించలేను.+

అవి నాకు భారంగా తయారయ్యాయి;

వాటిని మోసీ మోసీ నేను అలసిపోయాను.

15 మీరు ప్రార్థించడానికి చేతులు చాపినప్పుడు,

నేను నా కళ్లను పక్కకు తిప్పుకుంటాను.+

మీరు ఎన్నో ప్రార్థనలు చేస్తున్నా,+

నేను వినట్లేదు;+

మీ చేతుల నిండా రక్తమే.+

16 మిమ్మల్ని మీరు కడుక్కొని శుభ్రం చేసుకోండి;

మీ దుష్ట పనుల్ని నా కళ్లముందు నుండి తీసేయండి;

చెడు చేయడం మానండి.+

17 మంచి చేయడం నేర్చుకోండి, న్యాయం జరిగించండి,+

అణచివేసే వాళ్లను సరిదిద్దండి,

తండ్రిలేని పిల్లల* హక్కుల్ని కాపాడండి,

విధవరాళ్ల పక్షాన వాదించండి.”+

18 “రండి, మన మధ్య ఉన్న వివాదాన్ని పరిష్కరించుకుందాం” అని యెహోవా అంటున్నాడు.+

“మీ పాపాలు రక్తంలా ఎర్రగా ఉన్నా,

మంచు అంత తెల్లగా అవుతాయి;+

అవి ముదురు ఎరుపు రంగులో ఉన్నా,

19 మీరు వినడానికి సిద్ధంగా ఉంటే,

దేశంలోని మంచివాటిని తింటారు.+

20 కానీ మీరు ఒప్పుకోకుండా తిరుగుబాటు చేస్తే,

ఖడ్గం మిమ్మల్ని హతం చేస్తుంది;+

ఎందుకంటే ఈ మాట యెహోవా నోటి నుండి వచ్చింది.”

21 నమ్మకమైన నగరం+ ఎలా వేశ్య అయిందో చూడండి!

ఒకప్పుడు ఆమె న్యాయంతో నిండి ఉండేది;+

నీతి ఆమెలో నివసించేది;+

22 నీ వెండి మష్టులా తయారైంది,+

నీ మద్యం* నీళ్లు కలిసి పలుచబడింది.

తండ్రిలేని పిల్లలకు* వాళ్లు న్యాయం చేయరు,

విధవరాలి వ్యాజ్యం వాళ్లదాకా వెళ్లనే వెళ్లదు.+

24 కాబట్టి నిజమైన ప్రభువూ సైన్యాలకు అధిపతీ

ఇశ్రాయేలు శక్తిమంతుడూ అయిన యెహోవా ఇలా చెప్తున్నాడు:

“ఇదిగో! నేను నా విరోధుల అడ్డు తొలగించుకుంటాను,

నా శత్రువుల మీద ప్రతీకారం తీర్చుకుంటాను.+

25 నా చేతిని నీకు వ్యతిరేకంగా తిప్పుతాను,

సబ్బుతో కడిగినట్టు నీ మష్టును కడిగేస్తాను,*

నీ మలినాలన్నీ తీసేస్తాను.+

26 మొదట్లోలాగే నీకు మళ్లీ న్యాయమూర్తుల్ని ఇస్తాను,

అప్పటిలాగే నీకు సలహాదారుల్ని ఇస్తాను.+

27 సీయోను న్యాయం వల్ల విడిపించబడుతుంది,+

తిరిగొచ్చే ఆమె ప్రజలు నీతి వల్ల విడిపించబడతారు.

28 తిరుగుబాటుదారులు, పాపులు కలిసి నాశనమౌతారు,+

యెహోవాను విడిచిపెట్టే వాళ్లు అంతమౌతారు.+

29 నువ్వు ఆశించిన మహావృక్షాల్ని+ బట్టి ప్రజలు సిగ్గుపడతారు,

నువ్వు ఎంచుకున్న తోటల్ని*+ బట్టి నువ్వు అవమానాలపాలు అవుతావు.

30 నువ్వు ఆకులు వాడిపోతున్న చెట్టులా,+

నీళ్లులేని తోటలా తయారౌతావు.

31 బలవంతుడు నారపీచు* అవుతాడు,

అతని పని నిప్పురవ్వ అవుతుంది.

అతనూ అతని పనీ మంటల్లో కాలిపోతాయి,

ఆ మంటల్ని ఆర్పేవాళ్లు ఎవరూ ఉండరు.”

 2 ఆ రోజుల చివర్లో*

యెహోవా మందిర పర్వతం

పర్వత శిఖరాల పైన దృఢంగా స్థాపించబడుతుంది,+

కొండల కన్నా ఎత్తుగా ఎత్తబడుతుంది,

అన్నిదేశాల వాళ్లు ప్రవాహంలా అక్కడికి వస్తారు.+

“రండి, మనం యెహోవా పర్వతం మీదికి,

యాకోబు దేవుని మందిరానికి వెళ్దాం,+

ఆయన తన మార్గాల గురించి మనకు నేర్పిస్తాడు,

మనం ఆయన త్రోవల్లో నడుద్దాం.”+

ఎందుకంటే, సీయోను నుండి ధర్మశాస్త్రం,*

యెరూషలేము నుండి యెహోవా వాక్యం బయల్దేరతాయి.+

 4 దేశాల మధ్య ఆయన న్యాయం తీరుస్తాడు,

దేశదేశాల ప్రజలకు సంబంధించిన విషయాల్ని చక్కదిద్దుతాడు.*

వాళ్లు తమ ఖడ్గాల్ని నాగటి నక్కులుగా,

తమ ఈటెల్ని మచ్చుకత్తులుగా* సాగగొడతారు.+

దేశం మీదికి దేశం ఖడ్గం ఎత్తదు,

వాళ్లిక యుద్ధం చేయడం నేర్చుకోరు.+

 5 యాకోబు ఇంటివాళ్లారా, రండి,

మనం యెహోవా వెలుగులో నడుద్దాం.+

 6 దేవా, నీ ప్రజలైన యాకోబు ఇంటివాళ్లను నువ్వు వదిలేశావు,+

ఎందుకంటే వాళ్ల దేశం తూర్పుకు సంబంధించిన ఆచారాలతో నిండిపోయింది;

ఫిలిష్తీయుల్లా వాళ్లు ఇంద్రజాలాన్ని చేస్తున్నారు,+

వాళ్ల దేశం పరదేశుల పిల్లలతో నిండిపోయింది.

 7 వాళ్ల దేశం వెండిబంగారాలతో నిండిపోయింది,

వాళ్ల సంపదలకు అంతు లేదు.

వాళ్ల దేశం గుర్రాలతో నిండిపోయింది,

వాళ్ల రథాల సంఖ్యకు పరిమితి లేదు.+

వాళ్లు తమ సొంత చేతులతో చేసిన వాటికి,

తమ వేళ్లతో మలిచిన వాటికి వంగి నమస్కారం చేస్తారు.

 9 కాబట్టి మనిషి తగ్గించబడతాడు, అవమానాలపాలు అవుతాడు,

నువ్వు వాళ్లను మన్నించలేవు.

10 యెహోవా భీకర ప్రత్యక్షతను బట్టి,

ఆయన మహిమాన్విత వైభవాన్ని బట్టి

మీరంతా బండ సందుల్లోకి దూరండి, మట్టిలో దాక్కోండి.+

11 గర్విష్ఠుల తలలు వంచబడతాయి,

మనుషుల అహంకారం అణచివేయబడుతుంది.

అది గర్విష్ఠులందరి మీదికి, అహంకారులందరి మీదికి,

గొప్పవాళ్లయినా సామాన్యులైనా ప్రతీ ఒక్కరి మీదికి వస్తుంది.+

13 లెబానోనులో ఉన్న ఎత్తైన, గొప్పగొప్ప దేవదారు చెట్లన్నిటి మీదికి,

బాషానులో ఉన్న సింధూర వృక్షాలన్నిటి మీదికి,

14 గొప్పగొప్ప పర్వతాలన్నిటి మీదికి,

ఎత్తైన కొండలన్నిటి మీదికి,

15 ఎత్తైన ప్రతీ బురుజు మీదికి, బలమైన ప్రతీ ప్రాకారం మీదికి,

16 తర్షీషు ఓడలన్నిటి+ మీదికి,

అందమైన పడవలన్నిటి మీదికి అది వస్తుంది.

17 మనిషి గర్వం అణచబడుతుంది,

మనుషుల అహంకారం తగ్గించబడుతుంది.

19 భూమిని భయంతో వణికిపోయేలా చేయడానికి యెహోవా లేచినప్పుడు,

ఆయన భీకర ప్రత్యక్షతను బట్టి,

ఆయన మహిమాన్విత వైభవాన్ని బట్టి+

ప్రజలు బండ గుహల్లోకి,

నేల బొరియల్లోకి దూరతారు.+

20 ఆ రోజు మనుషులు వెండిబంగారాలతో చేసిన తమ వ్యర్థమైన దేవుళ్లను,

తాము వంగి నమస్కరించడానికి చేసుకున్న దేవుళ్లను తీసుకొని,

చుంచెలుకల* ముందు, గబ్బిలాల ముందు పారేస్తారు.+

21 భూమిని భయంతో వణికిపోయేలా చేయడానికి యెహోవా లేచినప్పుడు,

ఆయన భీకర ప్రత్యక్షతను బట్టి,

ఆయన మహిమాన్విత వైభవాన్ని బట్టి

బండ సందుల్లోకి, కొండ గుహల్లోకి దూరడం కోసం

వాళ్లు అలా పారేస్తారు.

22 మీ మంచి కోసం చెప్తున్నాను, మనిషి మీద నమ్మకం పెట్టుకోవడం మానేయండి,

అతను కేవలం తన ముక్కురంధ్రాల్లో ఉన్న ఊపిరితో సమానం.*

3 ఇదిగో! నిజమైన ప్రభువూ సైన్యాలకు అధిపతీ అయిన యెహోవా

యెరూషలేము నుండి, యూదా నుండి ప్రతీ విధమైన ఆధారాన్ని, సరఫరాను తీసేస్తున్నాడు;

అంటే ఆహారాన్ని, నీళ్లను,+

 2 బలవంతుణ్ణి, యోధుణ్ణి,

న్యాయమూర్తిని, ప్రవక్తను;+ సోదె చెప్పేవాణ్ణి, పెద్దను,

 3 50 మంది మీద ఉన్న ప్రధానుణ్ణి,+ ఉన్నతాధికారిని, సలహాదారుణ్ణి,

ఇంద్రజాలంలో ఆరితేరినవాణ్ణి, నైపుణ్యంగల మాంత్రికుణ్ణి*+ తీసేస్తున్నాడు.

 4 నేను బాలల్ని వాళ్లకు అధికారులుగా చేస్తాను,

నిలకడలేనివాడు వాళ్లను పరిపాలిస్తాడు.

 5 ప్రజలు ఒకరినొకరు అణచివేసుకుంటారు,

ప్రతీ వ్యక్తి తన తోటివాణ్ణి అణచివేస్తాడు.+

బాలుడు వృద్ధుడి మీదికి లేస్తాడు,

నీచుడు గౌరవనీయుణ్ణి తిరస్కరిస్తాడు.+

“నేను మీ గాయాలకు కట్టుకట్టేవాడిగా* ఉండను;

నా ఇంట్లో ఆహారం గానీ, బట్టలు గానీ లేవు.

 8 ఎందుకంటే యెరూషలేము తడబడింది,

యూదా పడిపోయింది,

వాళ్ల మాటలు, పనులు యెహోవాకు వ్యతిరేకంగా ఉన్నందువల్ల అలా జరిగింది;

ఆయన మహిమాన్విత సన్నిధి* ముందు వాళ్లు తిరుగుబాటు చేస్తున్నారు.+

 9 వాళ్ల ముఖకవళికలు వాళ్లమీద సాక్ష్యం చెప్తున్నాయి,

వాళ్లు సొదొమలా తమ పాపాన్ని చాటుకుంటున్నారు;+

దాన్ని దాచడానికి ప్రయత్నించడం లేదు.

10 నీతిమంతులకు మంచి జరుగుతుందని చెప్పండి;

వాళ్లు తమ పనులకు ప్రతిఫలం పొందుతారు.+

అతని మీదికి విపత్తు వస్తుంది,

అతను ఇతరులకు చేసినట్టే వాళ్లు అతనికి చేస్తారు!

12 నా ప్రజల విషయానికొస్తే,

వాళ్లతో పనులు చేయించేవాళ్లు కఠినులు,

స్త్రీలు వాళ్లను పరిపాలిస్తున్నారు.

నా ప్రజలారా, మీ నాయకులు మిమ్మల్ని దారితప్పి తిరిగేలా చేస్తున్నారు,

13 తన వ్యాజ్యాన్ని వినిపించడానికి యెహోవా నిలబడ్డాడు;

జనాల మీద తీర్పు ప్రకటించడానికి ఆయన లేచి నిలబడుతున్నాడు.

“మీరు ద్రాక్షతోటను కాల్చేశారు,

పేదవాళ్ల దగ్గర మీరు దొంగిలించింది మీ ఇళ్లలోనే ఉంది.+

15 నా ప్రజల్ని నలగ్గొట్టడానికి,

పేదవాళ్ల ముఖాల్ని నేలకేసి రుద్దడానికి మీకెంత ధైర్యం?”+ అని సర్వోన్నత ప్రభువూ సైన్యాలకు అధిపతీ అయిన యెహోవా అంటున్నాడు.

16 యెహోవా ఇలా అంటున్నాడు: “సీయోను కూతుళ్లు గర్విష్ఠులు,

వాళ్లు తమ తలలు పైకెత్తి,*

ఓర చూపులు చూస్తూ, తమ కాళ్ల గజ్జెలు మోగిస్తూ

వయ్యారంగా నడుస్తూ ఉన్నారు కాబట్టి

17 యెహోవా సీయోను కూతుళ్ల తలల్ని పక్కులతో మొత్తుతాడు,

యెహోవా వాళ్ల నుదుటిని బోడి చేస్తాడు.+

18 ఆ రోజు యెహోవా వాళ్ల అలంకారాన్ని తీసేస్తాడు;

వాళ్ల కడియాల్ని, బాసికాల్ని, చంద్రవంకల్ని,+

19 చెవిపోగుల్ని,* గాజుల్ని, మేలిముసుగుల్ని,

20 అలంకార కిరీటాల్ని, పట్టీల్ని, ఒడ్డాణాల్ని,*

అత్తరు బుడ్డీల్ని, తాయెత్తుల్ని,

21 ఉంగరాల్ని, ముక్కుపోగుల్ని,

22 ఉత్సవ వస్త్రాల్ని, ఉత్తరీయాల్ని,* శాలువల్ని, డబ్బు సంచుల్ని,

23 చేతి అద్దాల్ని,+ నారవస్త్రాల్ని,*

తలపాగాల్ని, మేలిముసుగుల్ని తీసేస్తాడు.

24 వాళ్ల ఒంటి నుండి సాంబ్రాణి తైలం+ సువాసనకు బదులు దుర్వాసన వస్తుంది;

వాళ్లు దట్టీకి బదులు తాడు కట్టుకుంటారు;

అల్లిక జడలు పోయి బోడి తల వస్తుంది;+

ఖరీదైన వస్త్రానికి బదులు గోనెపట్ట వేసుకుంటారు;+

అందానికి బదులు వాత ఉంటుంది.

25 నీ పురుషులు ఖడ్గానికి బలౌతారు,

నీ యోధులు యుద్ధంలో చనిపోతారు.+

26 సీయోను ప్రవేశ ద్వారాలు దుఃఖిస్తాయి, విలపిస్తాయి;+

ఆమె అన్నీ పోగొట్టుకొని నేలమీద కూర్చుంటుంది.”+

“మేము మా ఆహారమే తింటాం,

మా సొంత బట్టలే వేసుకుంటాం;

మా అవమానాన్ని* తీసేసుకోవడానికి+

మమ్మల్ని నీ పేరుతో పిలవబడనివ్వు చాలు” అని అంటారు.

5 నా ప్రియుడి కోసం నేనొక పాట పాడతాను,

నా ప్రియుడి గురించి, అతని ద్రాక్షతోట+ గురించి ఒక పాట పాడతాను.

శ్రేష్ఠమైన ఎర్ర ద్రాక్షతీగల్ని అందులో నాటాడు,

దాని మధ్యలో ఒక బురుజు కట్టాడు,

ద్రాక్షతొట్టి తొలిచాడు.+

తర్వాత అతను ద్రాక్షకాయలు కాస్తాయని ఎదురుచూస్తూ ఉన్నాడు,

కానీ అది పనికిరాని ద్రాక్షల్ని మాత్రమే కాసింది.+

 3 “యెరూషలేము నివాసులారా, యూదా ప్రజలారా,

దయచేసి ఇప్పుడు నాకు, నా ద్రాక్షతోటకు మధ్య న్యాయం తీర్చండి.+

 4 ఇప్పటివరకు నేను నా ద్రాక్షతోటకు చేయనిది,

ఇంకా చేయాల్సింది ఏదైనా ఉందా?+

మరైతే, నేను ద్రాక్షల కోసం ఎదురుచూసినప్పుడు

అది అడవి ద్రాక్షల్ని మాత్రమే ఎందుకు కాసింది?

 5 ఇప్పుడు నేను నా ద్రాక్షతోటకు ఏం చేస్తానో

దయచేసి మీకు చెప్పనివ్వండి:

నేను దాని కంచెను తీసేస్తాను,

అది కాల్చేయబడుతుంది.+

నేను దాని రాతిగోడను కూలగొడతాను,

అది తొక్కబడుతుంది.

 6 నేను దాన్ని పాడుబడ్డ భూమిగా చేస్తాను;+

దాని కొమ్మల్ని ఎవరూ కత్తిరించరు, పారతో దాన్ని తవ్వరు.

ముళ్లపొదలు, కలుపు మొక్కలు అందులో ఏపుగా  పెరుగుతాయి.+

దానిమీద వర్షం కురిపించొద్దని నేను మేఘాలకు ఆజ్ఞాపిస్తాను.+

 7 ఇశ్రాయేలు ఇంటివాళ్లే సైన్యాలకు అధిపతైన యెహోవా ద్రాక్షతోట;+

యూదా ప్రజలు ఆయనకు బాగా నచ్చిన మొక్కలు.

ఆయన న్యాయం కోసం చూస్తూ వచ్చాడు,+

కానీ అన్యాయమే కనిపించింది!

నీతి కోసం చూస్తూ వచ్చాడు,

కానీ రోదనే వినిపించింది!”+

 8 దేశంలో మీరు మాత్రమే నివసించేలా,

స్థలం అనేదే మిగలకుండా పోయేవరకు

ఒక ఇంటి తర్వాత ఇంకో ఇంటిని ఆక్రమిస్తూ

 9 సైన్యాలకు అధిపతైన యెహోవా ఇలా ప్రమాణం చేయడం నేను విన్నాను:

గొప్పగా, అందంగా ఉన్న చాలా ఇళ్లు పాడైపోతాయి;

వాటిని చూసి ప్రజలు జడుసుకుంటారు,

వాటిలో ఒక్కరు కూడా నివసించరు.+

10 పది ఎకరాల* ద్రాక్షతోట నుండి ఒక్క బాత్‌ కొలత* ద్రాక్షారసమే వస్తుంది;

ఒక హోమర్‌ కొలత* విత్తనాలు నాటితే, ఒక్క ఈఫా* ధాన్యమే పండుతుంది.+

11 మద్యం తాగాలని పొద్దున్నే లేచేవాళ్లకు శ్రమ!+

మత్తెక్కేలా చాలా రాత్రి వరకు మద్యం తాగుతూ ఉండేవాళ్లకు శ్రమ!

12 వాళ్ల విందుల్లో వీణ,* తంతివాద్యం,

కంజీర,* పిల్లనగ్రోవి,* ద్రాక్షారసం ఉంటాయి;

కానీ వాళ్లు యెహోవా కార్యాల గురించి ఆలోచించరు,

ఆయన చేతి పనుల్ని చూడరు.

13 కాబట్టి నా ప్రజలు చెరలోకి వెళ్తారు,

ఎందుకంటే వాళ్లకు జ్ఞానం లేదు;+

వాళ్ల ఘనులు ఆకలితో బాధపడతారు,+

వాళ్ల ప్రజలందరు దాహంతో ఎండిపోతారు.

14 కాబట్టి సమాధి* పెద్దదిగా తయారైంది

అది అపరిమితంగా నోరు తెరిచింది;+

దాని వైభవం,* దాని సమూహాలు, దాని అల్లరి, అలాగే ఉత్సాహధ్వని

అందులోకి దిగిపోతాయి.

15 మనిషి అణచివేయబడతాడు,

అతను తగ్గించబడతాడు,

గర్విష్ఠుల తలలు వంచబడతాయి.

16 సైన్యాలకు అధిపతైన యెహోవా తన తీర్పు* ద్వారా హెచ్చించబడతాడు;

సత్యదేవుడు, పవిత్రుడైన దేవుడు+ నీతి+ ద్వారా తనను తాను పవిత్రపర్చుకుంటాడు.

17 గొర్రెపిల్లలు తమ పచ్చికబయళ్లలో మేసినట్టు అక్కడ మేస్తాయి;

బాగా మేపబడిన జంతువులు ఒకప్పుడు మేసిన నిర్జన ప్రదేశాల్లో పరదేశులు ఆహారం తింటారు.

18 మోసమనే తాళ్లతో తమ దోషాన్ని,

బండి తాళ్లతో తమ పాపాన్ని లాగేవాళ్లకు శ్రమ;

19 వాళ్లు ఇలా అంటారు: “ఆయన్ని తన పనిని వేగవంతం చేయనివ్వండి;

మనం చూడగలిగేలా అది త్వరగా జరగాలి.

ఇశ్రాయేలు పవిత్ర దేవుని సంకల్పం* నెరవేరాలి,

అప్పుడు మనం దాన్ని తెలుసుకోవచ్చు!”+

20 మంచిని చెడు అని, చెడును మంచి అని చెప్పేవాళ్లకు,+

వెలుగు స్థానంలో చీకటిని, చీకటి స్థానంలో వెలుగును ఉంచేవాళ్లకు,

తీపి స్థానంలో చేదును, చేదు స్థానంలో తీపిని పెట్టేవాళ్లకు శ్రమ!

21 తాము తెలివిగల వాళ్లమని,

బుద్ధిగల వాళ్లమని అనుకునేవాళ్లకు+ శ్రమ!

22 మద్యం తాగే విషయంలో వీరులుగా ఉన్నవాళ్లకు,

మద్యపానీయాలు కలపడంలో నిపుణులైన వాళ్లకు+ శ్రమ!

23 లంచం తీసుకొని దుష్టుణ్ణి విడిచిపెట్టే వాళ్లకు,+

నీతిమంతులకు న్యాయం చేయని వాళ్లకు శ్రమ!+

24 అగ్ని కొయ్యకాలును* కాల్చేసినట్టు,

ఎండుగడ్డి మంటల్లో కాలిపోయినట్టు,

వాళ్ల వేరు కుళ్లిపోతుంది,

వాళ్ల పూలు ధూళిలా చెదిరిపోతాయి;

ఎందుకంటే వాళ్లు సైన్యాలకు అధిపతైన యెహోవా ధర్మశాస్త్రాన్ని* తిరస్కరించారు,

ఇశ్రాయేలు పవిత్ర దేవుని మాటను అగౌరవపర్చారు.+

25 అందుకే యెహోవా కోపం ఆయన ప్రజల మీద రగులుకుంటుంది,

ఆయన తన చేతిని వాళ్లకు వ్యతిరేకంగా చాపి వాళ్లను శిక్షిస్తాడు.+

పర్వతాలు కంపిస్తాయి,

వాళ్ల శవాలు వీధుల్లో పెంటలా పడివుంటాయి.+

ఇంత జరిగినా ఆయన కోపం చల్లారలేదు,

వాళ్లను శిక్షించడానికి ఆయన చెయ్యి ఇంకా చాపబడే ఉంది.

26 దూర దేశాన్ని+ పిలవడానికి ఆయన ఒక ధ్వజాన్ని* నిలబెట్టాడు;

భూమి కొనల నుండి వాళ్లను రప్పించడానికి ఆయన ఈల వేశాడు;+

ఇదిగో! వాళ్లు శరవేగంతో దూసుకొస్తున్నారు.+

వాళ్ల నడుము చుట్టూ ఉన్న దట్టీ ఇంకా బిగించే ఉంది,

వాళ్ల చెప్పుల తాళ్లు తెగిపోలేదు.

28 వాళ్ల బాణాలన్నీ వాడిగలవి,

వాళ్ల విల్లులన్నీ ఎక్కుపెట్టి ఉన్నాయి.

వాళ్ల గుర్రాల డెక్కలు చెకుముకి రాళ్లలా ఉన్నాయి,

వాళ్ల చక్రాలు సుడిగాలిలా ఉన్నాయి.+

29 వాళ్ల గర్జన సింహగర్జనలా ఉంది;

వాళ్లు కొదమ సింహాల్లా గర్జిస్తారు.+

వాళ్లు గుర్రుమంటూ తమ వేటను పట్టుకుంటారు,

దాన్ని లాక్కెళ్తున్నప్పుడు విడిపించేవాళ్లు ఎవరూ ఉండరు.

30 ఆ రోజున సముద్రం ఘోషించినట్టు+

వాళ్లు దాన్ని చూసి గర్జిస్తారు.

ఎవరైనా దేశాన్ని చూసినప్పుడు దుఃఖం, అంధకారం కనిపిస్తాయి;

మేఘాల వల్ల చివరికి వెలుగు కూడా చీకటైపోయింది.+

నేను చచ్చినవాడితో సమానం.

ఎందుకంటే, అపవిత్రమైన పెదాలుగల నేను,

అపవిత్రమైన పెదాలుగల ప్రజల+ మధ్య నివసిస్తున్న నేను

రాజూ సైన్యాలకు అధిపతీ అయిన యెహోవాను కళ్లారా చూశాను!”

కాబట్టి నీ దోషం పోయింది,

నీ పాపానికి ప్రాయశ్చిత్తం అయింది.”

‘మీరు మళ్లీమళ్లీ వింటారు,

కానీ మీకు అర్థంకాదు;

మీరు మళ్లీమళ్లీ చూస్తారు,

కానీ ఏమీ నేర్చుకోరు.’+

10 ఈ ప్రజలు తమ కళ్లతో చూసి,

చెవులతో విని,

హృదయంతో గ్రహించి,

మనసు మార్చుకొని స్వస్థత పొందకుండా ఉండేలా

వాళ్ల హృదయాల్ని మొద్దుబారేలా చేయి,+

వాళ్ల చెవుల్ని మందంగా చేయి,+

వాళ్ల కళ్లను మూసేయి.”*+

“నివాసులు లేక నగరాలు పాడైపోయే వరకు,

ఇళ్లలో ప్రజలు లేకుండాపోయే వరకు,

దేశం పాడై నిర్మానుష్యంగా తయారయ్యే వరకు;+

12 యెహోవా మనుషుల్ని దూరంగా తరిమేసే వరకు,+

దేశంలో చాలా ప్రాంతాలు నిర్మానుష్యమయ్యే వరకు.

“వాళ్ల ఆలోచన సఫలం కాదు,

అలా జరగనే జరగదు.

 8 సిరియా రాజధాని దమస్కు,

దమస్కు రాజు రెజీను.

కేవలం 65 ఏళ్లలో

ఎఫ్రాయిము పూర్తిగా పగలగొట్టబడుతుంది, అది ఇక జనంగా ఉండదు.+

 9 ఎఫ్రాయిము రాజధాని సమరయ,+

సమరయ రాజు రెమల్యా కుమారుడు.+

నీకు బలమైన విశ్వాసం లేకపోతే,

నువ్వు దృఢంగా స్థాపించబడవు.” ’ ”

 6 “ఈ ప్రజలు ప్రశాంతంగా పారే షిలోయా* నీళ్లను తిరస్కరించి,+

రెజీను విషయంలో, రెమల్యా కుమారుడి+ విషయంలో సంతోషిస్తున్నారు కాబట్టి,

 7 ఇదిగో! యెహోవా వాళ్ల మీదికి

శక్తివంతమైన, విస్తారమైన నది* నీళ్లను,

అంటే అష్షూరు రాజును,+ అతని మహిమ అంతటినీ రప్పిస్తాడు.

అతను తన కాలువలన్నిటి మీదుగా వచ్చి,

తీరాలన్నిటి మీదుగా పొంగిపొర్లి

 8 యూదాను తుడిచిపెట్టేస్తాడు.

అతను ఉప్పొంగి, పీకల లోతు వరకు ప్రవహిస్తాడు;+

ఇమ్మానుయేలూ,*+

చాపబడిన అతని రెక్కలు నీ దేశమంతటినీ కప్పుతాయి!”

ఏమంటారో అనండి, కానీ మీరన్నట్టు జరగదు,

ఎందుకంటే దేవుడు మాతో ఉన్నాడు!*+

వాళ్లు భయపడేదానికి నువ్వు భయపడొద్దు;

దాన్ని చూసి నువ్వు వణికిపోవద్దు.

13 సైన్యాలకు అధిపతైన యెహోవానే నువ్వు పవిత్రుడిగా ఎంచాలి,+

ఆయనకే నువ్వు భయపడాలి,

ఆయన్ని చూసే నువ్వు వణకాలి.”+

14 ఆయన ఒక పవిత్రమైన స్థలం అవుతాడు,

కానీ ఇశ్రాయేలు రెండు ఇళ్ల వాళ్లకు

ఆయన ఒక తగిలే రాయిగా,

తడబడేలా చేసే బండరాయిగా ఉంటాడు;+

యెరూషలేము నివాసులకు

ఒక ఉరిగా, ఉచ్చుగా ఉంటాడు.

15 చాలామంది తడబడి పడిపోతారు, గాయాలపాలౌతారు;

ఉచ్చులో చిక్కుకొని పట్టబడతారు.

16 రాతపూర్వకంగా ఖరారు చేసినదాన్ని* చుట్టేయి;

నా శిష్యుల మధ్య ధర్మశాస్త్రానికి* ముద్ర వేయి!

 2 చీకట్లో నడుస్తున్న ప్రజలు

గొప్ప వెలుగును చూశారు.

గాఢాంధకారంలో నివసించే ప్రజల మీద

వెలుగు ప్రకాశించింది.+

 3 నువ్వు ఆ దేశ జనాభాను ఎక్కువ చేశావు,

దాని సంతోషాన్ని అధికం చేశావు.

ప్రజలు కోతకాలంలో సంతోషించినట్టు,

దోపుడుసొమ్మును పంచుకునేవాళ్లు సంతోషించినట్టు

వాళ్లు నీ ముందు సంతోషిస్తారు.

 4 మిద్యాను ఓడిపోయిన రోజున+ చేసినట్టే,

వాళ్ల బరువైన కాడిని నువ్వు విరగ్గొట్టావు,

అంటే వాళ్ల భుజాల మీదున్న కర్రను, వాళ్ల యజమాని* దండాన్ని విరగ్గొట్టావు.

 5 కవాతు చేస్తూ భూమిని అదిరేలా చేసిన ప్రతీ కాలిజోడు,

రక్తంలో నానిన ప్రతీ వస్త్రం

అగ్నిచేత దహించబడుతుంది.

 6 ఎందుకంటే మనకు ఒక శిశువు పుట్టాడు,+

మనకు ఒక కుమారుడు అనుగ్రహించబడ్డాడు;

ఆయన భుజం మీద రాజ్యాధికారం* ఉంటుంది.+

 7 ఆయన రాజ్యాధికారం* పెరుగుతూ పోతుంది,

అంతులేని శాంతి ఉంటుంది.+

ఇప్పటినుండి సదాకాలం వరకు

నీతిన్యాయాలతో+

దాన్ని సుస్థిరం చేయడానికి,+ బలపర్చడానికి

దావీదు సింహాసనం+ మీద, అతని రాజ్యం మీద ఆయన పరిపాలన చేస్తాడు.

 8 యెహోవా యాకోబుకు వ్యతిరేకంగా ఒక ప్రకటన చేశాడు,

అది ఇశ్రాయేలు మీదికి వచ్చింది.+

 9 దాని గురించి ప్రజలందరికీ,

అంటే ఎఫ్రాయిముకు, సమరయ నివాసులకు తెలుస్తుంది.

గర్వంతో, పొగరెక్కిన హృదయంతో వాళ్లు ఇలా అనుకుంటున్నారు:

10 “ఇటుకలు కూలిపోయాయి,

అయితే ఏంటి? చెక్కిన రాళ్లతో కడదాం.+

అత్తి చెట్లు నరికేయబడ్డాయి,

అయితే ఏంటి? వాటి స్థానంలో దేవదారు చెట్లు నాటుదాం.”

11 యెహోవా రెజీను విరోధుల్ని అతనికి వ్యతిరేకంగా నిలబెడతాడు,

అతని శత్రువుల్ని ఆయన రేపుతాడు.

12 తూర్పు నుండి సిరియా, పడమటి నుండి* ఫిలిష్తీయులు+

నోరు తెరిచి ఇశ్రాయేలును మింగేస్తారు.+

ఇంత జరిగినా ఆయన కోపం చల్లారలేదు,

వాళ్లను శిక్షించడానికి ఆయన చెయ్యి ఇంకా చాపబడే ఉంది.+

13 ఎందుకంటే, ప్రజలు తమను శిక్షిస్తున్న దేవుని దగ్గరికి తిరిగిరాలేదు,

వాళ్లు సైన్యాలకు అధిపతైన యెహోవాను వెదకలేదు.+

14 యెహోవా ఇశ్రాయేలు నుండి ఒకేరోజున

తలను, తోకను; రెమ్మను, రెల్లును* నరికేస్తాడు.+

15 బాగా గౌరవించబడే పెద్ద, తల లాంటివాడు,

తప్పుడు ఉపదేశమిచ్చే ప్రవక్త, తోక లాంటివాడు.+

16 ఈ ప్రజల్ని నడిపించేవాళ్లే వాళ్లను దారితప్పి తిరిగేలా చేస్తున్నారు,

అలా నడుస్తున్నవాళ్లు అయోమయంలో ఉన్నారు.

17 అందుకే వాళ్ల యువకుల్ని చూసి యెహోవా సంతోషించడు,

వాళ్లలోని తండ్రిలేని పిల్లల* మీద, విధవరాళ్ల మీద ఆయన కరుణ చూపించడు,

ఎందుకంటే వాళ్లంతా మతభ్రష్టులు, చెడు చేసే ప్రజలు;+

ప్రతీ నోరు అర్థంపర్థంలేని మాటలు మాట్లాడుతోంది.

ఇంత జరిగినా ఆయన కోపం చల్లారలేదు,

వాళ్లను శిక్షించడానికి ఆయన చెయ్యి ఇంకా చాపబడే ఉంది.+

18 ఎందుకంటే దుష్టత్వం అగ్నిలా మండుతుంది,

అది ముళ్లపొదల్ని, పిచ్చి చెట్లను కాల్చేస్తుంది.

అది అడవిలోని దట్టమైన పొదల్ని తగలబెడుతుంది,

వాటి పొగ మేఘాల్లా పైకి లేస్తుంది.

19 సైన్యాలకు అధిపతైన యెహోవా కోపాగ్నితో

దేశం మండిపోతూ ఉంది,

ప్రజలు ఆ అగ్నిలో దహించుకుపోతారు.

20 ఒక వ్యక్తి తన కుడిపక్కను నరికేసుకుంటాడు

కానీ అతని ఆకలి తీరదు;

అతను తన ఎడమపక్క మాంసాన్ని తింటాడు,

అప్పటికీ అతని కడుపు నిండదు.

ప్రతీ వ్యక్తి తన సొంత బాహువు మాంసాన్ని మింగుతాడు.

21 మనష్షే ఎఫ్రాయిమును మింగుతాడు,

ఎఫ్రాయిము మనష్షేను మింగుతాడు.

ఇంత జరిగినా ఆయన కోపం చల్లారలేదు,

వాళ్లను శిక్షించడానికి ఆయన చెయ్యి ఇంకా చాపబడే ఉంది.+

10 హానికరమైన నియమాల్ని రూపొందించే వాళ్లకు+ శ్రమ,

అదేపనిగా అణచివేసే చట్టాల్ని తయారుచేసే వాళ్లకు శ్రమ.

 2 అలా వాళ్లు పేదవాళ్ల వ్యాజ్యాన్ని తృణీకరిస్తారు,

నా ప్రజల్లో దీనులకు న్యాయం జరగకుండా చేస్తారు;+

వాళ్లు విధవరాళ్లను దోపుడుసొమ్ముగా,

తండ్రిలేని పిల్లల్ని* కొల్లసొమ్ముగా చేసుకుంటారు!+

దూరం నుండి నాశనం వచ్చినప్పుడు+ మీరు ఏంచేస్తారు?

సహాయం కోసం ఎవరి దగ్గరికి పారిపోతారు?+

మీ సంపదను* ఎక్కడ విడిచివెళ్తారు?

 4 ఖైదీల మధ్య దాక్కోవడం,

హతులైనవాళ్ల మధ్య పడిపోవడం తప్ప ఇంకేమీ చేయలేరు.

ఇంత జరిగినా ఆయన కోపం చల్లారలేదు,

వాళ్లను శిక్షించడానికి ఆయన చెయ్యి ఇంకా చాపబడే ఉంది.+

 5 “అష్షూరును+ చూడండి!

అది నా కోపాన్ని చూపించే కర్ర,+

వాళ్ల చేతిలో ఉన్న దండం నా ఉగ్రతను వెళ్లగక్కుతుంది!

 6 మతభ్రష్ట జనం మీదికి,

నాకు విపరీతమైన కోపం తెప్పించిన జనం మీదికి నేను అతన్ని పంపిస్తాను;+

విస్తారమైన కొల్లసొమ్మును, విస్తారమైన దోపుడుసొమ్మును తీసుకోమని,

వీధుల్లో మట్టిని తొక్కినట్టు వాళ్లను తొక్కమని నేను అతనికి ఆజ్ఞాపిస్తాను.+

 7 కానీ అతని ధ్యాస దీనిమీద ఉండదు,

అతని హృదయం ఈ విధంగా పన్నాగం పన్నదు;

కొన్ని జనాల్ని కాదు అనేక జనాల్ని సమూలంగా నాశనం చేయాలి,

వాటిని నిర్మూలించాలి అనే ఆలోచన అతని హృదయంలో ఉంది.

 8 అతను ఇలా అంటున్నాడు:

‘నా అధిపతులందరూ రాజులు కాదా?+

10 వ్యర్థమైన దేవుళ్లను పూజించే రాజ్యాలు నా చేతికి చిక్కాయి;

యెరూషలేములో, సమరయలో కన్నా ఎక్కువ విగ్రహాలు* వాళ్ల దగ్గర ఉన్నాయి!+

12 “సీయోను పర్వతం మీద, యెరూషలేములో యెహోవా తన పనంతటినీ పూర్తిచేసినప్పుడు, ఆయన* అష్షూరు రాజును శిక్షిస్తాడు; అతని హృదయ గర్వాన్ని బట్టి, అహంకారంతో నిండిన అతని పొగరుబోతు చూపును బట్టి+ అతన్ని శిక్షిస్తాడు. 13 ఎందుకంటే అతను ఇలా అంటున్నాడు,

‘నేను నా చేతి బలంతో దీన్ని చేస్తాను,

నేను తెలివిగలవాణ్ణి కాబట్టి నా తెలివితో దీన్ని చేస్తాను.

నేను జనాల సరిహద్దుల్ని చెరిపేస్తాను,+

వాళ్ల సంపదల్ని కొల్లగొడతాను,+

14 ఒక వ్యక్తి పక్షి గూటిలో చెయ్యి పెట్టినట్టు

నేను నా చేతితో జనాల వనరుల్ని పట్టుకుంటాను;

వదిలేసిన గుడ్లను పోగుచేసినట్టు

భూమంతటినీ పోగుచేస్తాను!

16 కాబట్టి నిజమైన ప్రభువూ సైన్యాలకు అధిపతీ అయిన యెహోవా

అతని ప్రజల్లో కొవ్వుపట్టినవాళ్లను కృశించిపోయేలా చేస్తాడు,+

అతని మహిమ కింద, మండుతూ ఉండే అగ్నిని రగిలిస్తాడు.+

17 ఇశ్రాయేలు వెలుగు+ అగ్ని అవుతుంది,+

పవిత్రుడైన అతని దేవుడు జ్వాల అవుతాడు;

అది రగులుకొని, ఒక్కరోజులో అతని పిచ్చిచెట్లను, ముళ్లపొదల్ని దహించేస్తుంది.

18 అతని అడవి శోభను, పండ్లతోట శోభను ఆయన పూర్తిగా తీసేస్తాడు;

రోగి క్షీణించిపోయినట్టు అది క్షీణించిపోతుంది.+

19 అతని అడవిలో మిగిలే చెట్లు ఎంత తక్కువగా ఉంటాయంటే,

ఒక పిల్లవాడు వాటి సంఖ్యను రాయగలుగుతాడు.

20 ఆ రోజు ఇశ్రాయేలులో మిగిలినవాళ్లు,

యాకోబు ఇంటివాళ్లలో తప్పించుకున్నవాళ్లు

ఇక తమమీద దాడి చేసినవాని మీద ఆధారపడరు;+

కానీ వాళ్లు ఇశ్రాయేలు పవిత్ర దేవుడైన యెహోవా మీద

నిజాయితీగా ఆధారపడతారు.

21 శేషం మాత్రమే, అంటే యాకోబు వంశస్థుల్లో మిగిలినవాళ్లు మాత్రమే

శక్తిమంతుడైన దేవుని దగ్గరికి తిరిగొస్తారు.+

22 ఇశ్రాయేలూ, నీ ప్రజలు

సముద్రపు ఇసుక రేణువులంత మంది ఉన్నా,

వాళ్లలో కొంతమంది మాత్రమే తిరిగొస్తారు.+

సమూలనాశనం జరగాలని నిర్ణయించబడింది,+

న్యాయం* వాళ్లను చుట్టుముడుతుంది.+

23 అవును, సర్వోన్నత ప్రభువూ సైన్యాలకు అధిపతీ అయిన యెహోవా నిర్ణయించిన సమూలనాశనం

దేశమంతటి మీదికి వస్తుంది.+

27 ఆ రోజు, నీ భుజం మీది నుండి అతని బరువు,+

నీ మెడ మీది నుండి అతని కాడి దిగిపోతాయి;

తైలం వల్ల కాడి విరగ్గొట్టబడుతుంది.”+

28 అతను ఆయాతుకు+ వచ్చాడు;

మిగ్రోను గుండా వెళ్లాడు;

మిక్మషు+ దగ్గర తన సామాన్లు పెడతాడు.

29 వాళ్లు రేవును దాటారు;

గెబా+ దగ్గర రాత్రి గడుపుతారు;

రామా వణికిపోతుంది, సౌలు నగరమైన గిబియా+ పారిపోయింది.

సీయోను కూతురి పర్వతం దగ్గర, యెరూషలేము కొండ దగ్గర

అతను తన పిడికిలి ఆడిస్తూ బెదిరిస్తాడు.

34 ఇనుప పనిముట్టుతో* ఆయన అడవిలోని దట్టమైన పొదల్ని నరికేస్తాడు,

లెబానోను శక్తిమంతుడి చేతిలో కూలుతుంది.

11 యెష్షయి+ మొద్దు నుండి చిగురు+ వస్తుంది,

అతని వేర్ల నుండి వచ్చిన ఒక మొలక+ ఫలిస్తుంది.

 2 యెహోవా పవిత్రశక్తి ఆయన మీద నిలిచివుంటుంది,+

అది ఆయనకు తెలివిని,+ అవగాహనను ఇస్తుంది,

ఆ పవిత్రశక్తి వల్ల ఆయన మంచి సలహా ఇస్తాడు, బలవంతుడిగా ఉంటాడు,+

ఆ పవిత్రశక్తి వల్ల ఆయనకు చాలా జ్ఞానం, యెహోవా పట్ల భయభక్తులు* ఉంటాయి.

ఆయన కంటికి కనిపించేదాన్ని బట్టి తీర్పుతీర్చడు,

కేవలం చెవులతో విన్నదాన్ని బట్టి గద్దింపు ఇవ్వడు.+

 4 ఆయన పక్షపాతం లేకుండా* దీనులకు తీర్పుతీరుస్తాడు,

భూమ్మీదున్న సాత్వికుల తరఫున న్యాయంగా గద్దింపు ఇస్తాడు.

తన నోటి నుండి వచ్చే కర్రతో భూమిని కొడతాడు+

తన పెదాల ఊపిరితో* దుష్టుల్ని చంపేస్తాడు.+

 5 నీతి ఆయనకు నడికట్టులా ఉంటుంది,

నమ్మకత్వం ఆయన తుంట్ల మీద దట్టీలా ఉంటుంది.+

 6 తోడేలు గొర్రెపిల్లతో పాటు నివసిస్తుంది,*+

చిరుతపులి మేకపిల్లతో పాటు పడుకుంటుంది,

దూడ, సింహం, కొవ్విన జంతువు అన్నీ ఒకే చోట ఉంటాయి;*+

చిన్న పిల్లవాడు వాటిని తోలుతాడు.

 7 ఆవు, ఎలుగుబంటి కలిసి మేస్తాయి,

వాటి పిల్లలు కలిసి పడుకుంటాయి.

 8 పాలు తాగే పసిపిల్ల నాగుపాము పుట్టమీద ఆడుకుంటుంది,

పాలు విడిచిన పిల్లవాడు విషసర్పం పుట్టమీద చెయ్యి పెడతాడు.

 9 నా పవిత్ర పర్వతమంతటి మీద

అవి హాని గానీ నాశనం గానీ చేయవు,+

ఎందుకంటే సముద్రం నీళ్లతో నిండివున్నట్టు

భూమి యెహోవా గురించిన జ్ఞానంతో నిండిపోతుంది.+

దేశాలు నిర్దేశం కోసం ఆయన వైపు చూస్తాయి,*+

ఆయన విశ్రాంతి స్థలం మహిమతో నిండిపోతుంది.

13 ఎఫ్రాయిము అసూయ మాయమైపోతుంది,+

యూదా పట్ల శత్రుభావం చూపించినవాళ్లు లేకుండా పోతారు.

ఎఫ్రాయిము యూదా మీద అసూయపడదు,

యూదాకు ఎఫ్రాయిము పట్ల శత్రుభావం ఉండదు.+

14 వాళ్లు పడమటి దిక్కున ఉన్న ఫిలిష్తీయుల ఏటవాలు ప్రాంతాల* మీదికి అకస్మాత్తుగా ఎగురుకుంటూ వెళ్తారు;

వాళ్లిద్దరూ కలిసి తూర్పున ఉన్న ప్రజల్ని కొల్లగొడతారు.

వాళ్లు ఎదోము+ మీద, మోయాబు+ మీద తమ చెయ్యి చాపుతారు,*

అమ్మోనీయులు వాళ్లకు లొంగిపోతారు.+

15 యెహోవా ఐగుప్తు సముద్ర సింధుశాఖను* విభజిస్తాడు*+

నది*+ మీద తన చేతిని ఆడిస్తాడు.

తన ఊపిరి* సెగతో దాని ఏడు కాలువల్ని కొడతాడు,*

ప్రజలు చెప్పులతోనే దాన్ని దాటేలా చేస్తాడు.

16 ఇశ్రాయేలు ఐగుప్తు దేశం నుండి బయటికి వచ్చిన రోజున ఉన్నట్టే

ఆయన ప్రజల్లో మిగిలిన వాళ్లు అష్షూరు నుండి బయటికి రావడానికి+ ఒక రాజమార్గం ఉంటుంది.+

“యెహోవా, నువ్వు నా మీద కోపగించుకున్నా,

నీ కోపం మెల్లమెల్లగా తగ్గిపోయింది, నువ్వు నన్ను ఓదార్చావు,+

నీకు కృతజ్ఞతలు.

నేను ఆయన మీద నమ్మకముంచి నిర్భయంగా జీవిస్తాను;+

ఎందుకంటే యెహోవా* యెహోవాయే నా శక్తి, నా బలం;

ఆయనే నా రక్షణ అయ్యాడు.”+

 3 రక్షణ ఊటల నుండి

నువ్వు సంతోషంగా నీళ్లు చేదుకుంటావు.+

“యెహోవాకు కృతజ్ఞతలు చెల్లించండి, ఆయన పేరున ప్రార్థించండి,

దేశదేశాల ప్రజల మధ్య ఆయన కార్యాలు తెలియజేయండి!+

 6 సీయోను నివాసీ,* ఆనందంతో బిగ్గరగా కేకలు వేయి,

ఎందుకంటే నీ మధ్య ఉన్న ఇశ్రాయేలు పవిత్ర దేవుడు గొప్పవాడు.”

ప్రముఖుల ప్రవేశ ద్వారాల్లోకి రమ్మని

వాళ్లను పిలవండి, చెయ్యి ఊపండి.

నా కోపాన్ని వ్యక్తం చేసే యోధుల్ని పిలిపించాను,

వాళ్లు గర్వంతో సంతోషిస్తున్నారు.

 4 వినండి! పర్వతాల్లో సమూహ ధ్వని వినిపిస్తోంది;

అది ప్రజలు పెద్ద సంఖ్యలో వస్తున్న శబ్దం!

రాజ్యాల కోలాహలం వినండి!

అది సమకూడిన దేశాల+ శబ్దం!

 5 భూమంతటినీ నాశనం చేయడానికి+

సుదూర దేశం నుండి, ఆకాశం అంచు నుండి

యెహోవా తన కోపాన్ని వ్యక్తం చేసే ఆయుధాలతో పాటు వస్తున్నాడు.+

 6 బిగ్గరగా ఏడ్వండి, ఎందుకంటే యెహోవా రోజు దగ్గరపడింది!

 7 అందుకే ప్రతీ చెయ్యి చచ్చుబడిపోతుంది,

ప్రతీ మనిషి హృదయం భయంతో నీరుగారిపోతుంది.+

పురిటినొప్పులు పడుతున్న స్త్రీలా

వాళ్లు నొప్పితో అల్లాడిపోతారు.

వాళ్లు భయంతో హడలిపోయి ఒకరి ముఖం ఒకరు చూసుకుంటారు,

వేదనతో వాళ్ల ముఖాలు ఎర్రబడతాయి.

 9 ఇదిగో! యెహోవా రోజు వస్తోంది,

దేశాన్ని చూసి ప్రజలు హడలిపోయేలా చేయడానికి,+

దేశంలో ఉన్న పాపుల్ని సమూలంగా నాశనం చేయడానికి

అది క్రూరమైన ఆగ్రహంతో, మండే కోపంతో వస్తోంది.

10 ఆకాశ నక్షత్రాలు, నక్షత్రరాశులు*+

తమ వెలుగు ఇవ్వవు;

ఉదయించినప్పుడు సూర్యుణ్ణి చీకటి కమ్ముకుంటుంది,

చంద్రుడు కూడా తన వెలుగు ఇవ్వడు.

11 భూలోకంలో ఉన్న చెడును బట్టి నేను భూమిని లెక్క అడుగుతాను,+

తమ దోషాన్ని బట్టి దుష్టుల్ని లెక్క అడుగుతాను.

అహంకారుల పొగరును నేను అంతం చేస్తాను,

క్రూర పరిపాలకుల గర్వాన్ని అణచివేస్తాను.+

12 మేలిమి బంగారం కన్నా, ఓఫీరు బంగారం+ కన్నా

మనుషులు అరుదుగా కనిపించేలా చేస్తాను.+

13 అందుకే సైన్యాలకు అధిపతైన యెహోవా కోపాగ్ని మండే రోజున

ఆ ఆగ్రహానికి ఆకాశం వణికిపోయేలా,

భూమి కదిలి దాని స్థానం తప్పేలా చేస్తాను.+

14 వేటాడబడిన కొండజింకలా, కాపరిలేని మందలా

ప్రతీ వ్యక్తి తన సొంత ప్రజల దగ్గరికి తిరిగెళ్తాడు;

ప్రతీ వ్యక్తి తన స్వదేశానికి పారిపోతాడు.+

15 దొరికినవాళ్లు పొడవబడతారు,

పట్టుబడినవాళ్లు కత్తితో చంపబడతారు.+

16 వాళ్ల కళ్లముందే వాళ్ల పిల్లల్ని విసిరికొట్టి ముక్కలుముక్కలు చేస్తారు,+

వాళ్ల ఇళ్లను దోచుకుంటారు,

వాళ్ల భార్యల్ని చెరుపుతారు.

17 ఇదిగో, నేను వాళ్ల మీదికి మాదీయుల్ని రప్పిస్తున్నాను,+

వాళ్లు వెండిని అస్సలు లెక్కచేయరు,

బంగారాన్ని బట్టి సంతోషించరు.

18 వాళ్ల విల్లులు యువకుల్ని చెదరగొడతాయి;+

గర్భఫలం మీద వాళ్లు జాలి చూపించరు,

పిల్లల మీద కరుణ చూపించరు.

19 అత్యంత మహిమగల రాజ్యమైన* బబులోను,+

కల్దీయుల సొగసూ గర్వకారణమూ అయిన బబులోను+

దేవుడు నాశనం చేసిన సొదొమ, గొమొర్రాల్లా తయారౌతుంది.+

20 దానిలో ఎప్పటికీ ప్రజలు నివసించరు,

తరతరాలపాటు ఎప్పటికీ అది నివాస స్థలంగా ఉండదు.+

అరబీయుల్లో ఎవరూ అక్కడ తమ డేరా వేసుకోరు,

గొర్రెల కాపరులు ఎవరూ తమ మందల్ని అక్కడ పడుకోనివ్వరు.

21 ఎడారి ప్రాణులు అక్కడ పడుకుంటాయి;

వాళ్ల ఇళ్లు గుడ్లగూబలతో నిండిపోతాయి.

నిప్పుకోళ్లు అక్కడ నివసిస్తాయి,+

కొండమేకలు* అక్కడ గంతులు వేస్తాయి.

22 దాని బురుజుల్లో జంతువులు అరుస్తాయి,

దాని విలాసవంతమైన భవనాల్లో నక్కలు ఊలలు వేస్తాయి.

 5 యెహోవా దుష్టుల కర్రను విరగ్గొట్టాడు,

పరిపాలకుల దండాన్ని విరగ్గొట్టాడు.+

 6 వాళ్లు కోపంతో జనాల్ని కొడుతూ వచ్చారు,+

ఆగ్రహంతో, ఆగని హింసతో దేశాల్ని లోబర్చుకుంటూ వచ్చారు.+

 8 నీకు జరిగింది చూసి సరళవృక్షాలు* కూడా సంతోషిస్తున్నాయి,

లెబానోనులోని దేవదారు చెట్లతో పాటు అవి సంతోషిస్తున్నాయి.

అవి ఇలా అంటున్నాయి, ‘నువ్వు పడిపోయినప్పటి నుండి

కట్టెలు కొట్టేవాళ్లు ఎవ్వరూ మా మీదికి రాలేదు.’

 9 నువ్వు వచ్చినప్పుడు నిన్ను కలవాలని

కిందున్న సమాధిలో* కూడా కలకలం రేగింది.

అది నిన్ను చూసి, మరణనిద్రలో ఉన్నవాళ్లను,

అంటే ప్రజల్ని అణచివేసిన భూపాలకులందర్నీ* నిద్ర లేపుతుంది.

10 వాళ్లంతా మాట్లాడడం మొదలుపెట్టి నీతో ఇలా అంటారు,

‘నువ్వు కూడా మాలాగే బలహీనుడివి అయ్యావా?

11 నీ గర్వం, నీ తంతివాద్యాల శబ్దం

సమాధిలోకి* తీసుకురాబడ్డాయి.+

పురుగులు నీ కింద పరుపులా పరుచుకున్నాయి,

కీటకాలు దుప్పటిలా నిన్ను కప్పేశాయి.’

12 మెరిసే నక్షత్రమా, వేకువ పుత్రుడా!

నువ్వు ఆకాశం నుండి ఎలా కిందపడ్డావు!

దేశాల్ని పడగొట్టిన నువ్వు

ఎలా నేలమట్టం చేయబడ్డావు!+

ఉత్తర దిక్కున ఉన్న మారుమూల ప్రాంతాల్లో

సమావేశ పర్వతం+ మీద నేను కూర్చుంటాను.

14 నేను మేఘాల కన్నా పైకి వెళ్తాను;

నన్ను నేను సర్వోన్నతుడైన దేవునిలా చేసుకుంటాను.’

15 కానీ నువ్వు సమాధిలోకి,*

గోతిలోని మూలల్లోకి తోసేయబడతావు.

16 నిన్ను చూసేవాళ్లు నిన్ను తేరి చూస్తారు.

వాళ్లు నిన్ను పరిశీలనగా చూసి ఇలా అంటారు:

‘భూమిని కుదిపేస్తూ వచ్చిందీ,

రాజ్యాల్ని వణికించిందీ ఇతనేనా?+

17 భూలోకాన్ని ఎడారిలా* మార్చేసి,

దాని నగరాల్ని పడగొట్టి,+

ఖైదీలను స్వదేశానికి తిరిగెళ్లనివ్వని వ్యక్తి ఇతనేనా?’+

18 దేశాల మిగతా రాజులందరూ

అవును, వాళ్లందరూ ఘనంగా పడుకున్నారు,

ప్రతీ రాజు తన సమాధిలో* పడుకున్నాడు.

19 కానీ నువ్వు మాత్రం సమాధి చేయబడలేదు,

తిరస్కరించబడిన మొలకలా* నువ్వు పారేయబడ్డావు;

ఖడ్గంతో చంపబడి,

గోతిలోని రాళ్ల దగ్గరికి దిగిపోయేవాళ్లతో నువ్వు కప్పబడ్డావు;

నువ్వు కాళ్లతో తొక్కబడిన శవంలా ఉన్నావు.

20 నువ్వు సమాధిలో వాళ్లను కలుసుకోవు,

ఎందుకంటే నువ్వు నీ సొంత దేశాన్ని నాశనం చేశావు,

నీ సొంత ప్రజల్ని చంపావు.

21 అతని కుమారుల కోసం వధశాలను సిద్ధం చేయండి

వాళ్ల పూర్వీకుల దోషాన్ని బట్టి అలా చేయండి;

అప్పుడు వాళ్లు లేచి భూమిని స్వాధీనం చేసుకోకుండా,

దేశాన్ని తమ నగరాలతో నింపకుండా ఉంటారు.”

“నేను అనుకున్నట్టు జరిగి తీరుతుంది,

నేను నిర్ణయించింది నిజమౌతుంది.

25 నేను అష్షూరును నా దేశంలో నలగ్గొడతాను,

నా పర్వతాల మీద అతన్ని తొక్కుతాను.+

అతని కాడి వాళ్ల మీద నుండి తీసేయబడుతుంది,

వాళ్ల భుజాల మీద నుండి అతని బరువు తొలగించబడుతుంది.”+

26 భూమంతటి గురించి తీసుకున్న నిర్ణయం ఇదే,

దేశాలన్నిటి మీద చాపబడిన* చెయ్యి ఇదే.

27 సైన్యాలకు అధిపతైన యెహోవా నిర్ణయించాడు,

దాన్ని ఎవరు అడ్డుకోగలరు?+

ఆయన చెయ్యి చాపబడి ఉంది,

దాన్ని ఎవరు వెనక్కి తిప్పగలరు?+

29 “ఫిలిష్తియా, నిన్ను కొడుతున్నవాడి దండం విరగ్గొట్టబడిందని

ఏమాత్రం సంతోషించకు.

ఎందుకంటే, సర్పం వేరు+ నుండి విషసర్పం+ వస్తుంది,

దాని సంతానం, మంటపుట్టించే విషమున్న ఎగిరే సర్పం.*

30 దీనుల మొదటి సంతానం భోంచేస్తున్నప్పుడు,

పేదవాళ్లు సురక్షితంగా పడుకున్నప్పుడు,

నేను నీ వేరును కరువుతో నాశనం చేస్తాను,

నీలో మిగిలి ఉన్నది చంపబడుతుంది.+

ఫిలిష్తియా, నీ ప్రజలందరి గుండెలు జారిపోతాయి!

ఎందుకంటే ఉత్తరం వైపు నుండి ఒక పొగ వస్తోంది,

మోయాబులోని ఆరు+ రాత్రికిరాత్రే నాశనం చేయబడింది,

అందుకే అది నిశ్శబ్దంగా ఉంది.

మోయాబులోని కీరు+ రాత్రికిరాత్రే నాశనం చేయబడింది,

అందుకే అది నిశ్శబ్దంగా ఉంది.

 2 అతను ఏడ్వడం కోసం గుడికి, దీబోనుకు,+

ఉన్నత స్థలాలకు ఎక్కివెళ్లాడు.

తమ పైకప్పుల మీద, సంతవీధుల్లో దుఃఖిస్తున్నారు;

వాళ్లు ఏడుస్తూ కిందికి దిగుతున్నారు.+

 4 హెష్బోను, ఏలాలే+ కేకలు వేస్తున్నాయి;

వాటి స్వరం యాహజు+ వరకు వినిపిస్తోంది.

వాళ్లు లూహీతుకు ఎక్కివెళ్లే మార్గంలో ఏడుస్తూ నడుస్తున్నారు;

హొరొనయీముకు వెళ్లే మార్గంలో నడుస్తూ విపత్తును బట్టి కేకలు వేస్తున్నారు.+

 6 ఎందుకంటే నిమ్రీము నీళ్లు ఎండిపోయాయి;

పచ్చగడ్డి ఎండిపోయింది,

గడ్డి లేకుండా పోయింది, పచ్చనిదేదీ మిగల్లేదు.

 7 అందుకే వాళ్లు తమ గోదాముల్లో, తమ సంపదల్లో మిగిలినవాటిని మోసుకెళ్తున్నారు;

నిరవంజి చెట్ల లోయను* దాటివెళ్తున్నారు.

ఆ ఏడ్పు ఎగ్లయీము వరకు,

బెయేరేలీము వరకు వినిపిస్తోంది.

 9 ఎందుకంటే దీమోను నీళ్లు రక్తంతో నిండిపోయాయి,

నేను దీమోనుకు చేయాల్సింది ఇంకా ఉంది:

మోయాబులో తప్పించుకున్న వాళ్ల కోసం,

దేశంలో మిగిలివున్న వాళ్ల కోసం నేను ఒక సింహాన్ని రప్పిస్తాను.+

16 దేశ పరిపాలకుడికి ఒక పొట్టేలును పంపండి,

సెల నుండి ఎడారి గుండా

సీయోను కూతురి పర్వతానికి దాన్ని పంపండి.

 2 అర్నోను+ రేవుల దగ్గర మోయాబు కూతుళ్లు

తన గూడు నుండి వెళ్లగొట్టబడిన పక్షిలా ఉంటారు.+

అణచివేసే వ్యక్తి అంతమౌతాడు,

నాశనం ముగింపుకొస్తుంది,

ఇతరుల్ని తొక్కేసేవాళ్లు భూమ్మీద లేకుండా నాశనమౌతారు.

దావీదు ఇంట్లో* దానిమీద కూర్చునే వ్యక్తి నమ్మకమైనవాడై ఉంటాడు;+

ఆయన నిష్పక్షపాతంగా న్యాయం తీరుస్తాడు, వేగంగా నీతిని జరిగిస్తాడు.”+

 6 మేము మోయాబు గర్వం గురించి విన్నాం, అతను చాలా గర్విష్ఠి;+

అతని గర్వం, పొగరు, కోపం+ గురించి మేము విన్నాం;

కానీ అతని వ్యర్థమైన మాటలు ఎప్పటికీ నిజమవ్వవు.

 7 కాబట్టి మోయాబు తనమీదికి వచ్చిన విపత్తును బట్టి ఏడుస్తుంది;

వాళ్లందరూ ఏడుస్తారు.+

 8 హెష్బోను+ తోటలు ఎండిపోయాయి,

సిబ్మా+ ద్రాక్షతీగ వాడిపోయింది,

దేశాల పరిపాలకులు దాని ఎర్రని కొమ్మల్ని* తొక్కేశారు;

అవి యాజెరు+ వరకు వ్యాపించాయి;

ఎడారిలోకి విస్తరించాయి.

హెష్బోనూ! ఏలాలే!+ నా కన్నీళ్లతో మిమ్మల్ని తడుపుతాను,

ఎందుకంటే మీ వేసవికాల పంటను బట్టి, కోతను బట్టి వేసే కేకలు ఆగిపోయాయి.*

10 పండ్ల తోటలో నుండి సంతోషం, ఆనందం తీసేయబడ్డాయి,

ద్రాక్షతోటల్లో సంతోష గానాలు, కేకలు వినిపించడం లేదు.+

ద్రాక్షారసం కోసం ద్రాక్షతొట్లను తొక్కే వ్యక్తి ఇక వాటిని తొక్కడం లేదు;

ఎందుకంటే నేను, సంతోషంగా వేసే కేకల్ని ఆగిపోయేలా చేశాను.+

11 అందుకే వీణ* తంతుల్లా,

మోయాబు గురించి నేను లోలోపల వణికిపోతున్నాను,+

కీర్హరెశెతు+ గురించి నా అంతరంగం వణికిపోతుంది.

“ఇదిగో! దమస్కు నగరంగా ఉండకుండా పోతుంది,

అది శిథిలాల కుప్ప అవుతుంది.+

 2 అరోయేరు+ నగరాలు విడిచిపెట్టబడతాయి;

అవి మందలు పడుకునే స్థలాలుగా మారిపోతాయి,

వాటిని భయపెట్టేవాళ్లు ఎవ్వరూ ఉండరు.

 3 ఎఫ్రాయిములో+ ప్రాకారాలుగల నగరాలు,

దమస్కులో+ రాజ్యం లేకుండాపోతాయి;

సిరియాలో మిగిలినవాళ్లు

ఇశ్రాయేలీయుల* మహిమలా తయారౌతారు” అని సైన్యాలకు అధిపతైన యెహోవా అంటున్నాడు.

 4 “ఆ రోజు యాకోబు వైభవం తగ్గిపోతుంది,

పుష్టిగా ఉన్న అతని శరీరం* బక్కచిక్కిపోతుంది.

 5 అప్పుడు పరిస్థితి, కోతకోసే వ్యక్తి పొలంలో ధాన్యాన్ని సమకూరుస్తున్నప్పటిలా,

అతని బాహువు వెన్నుల్ని కోసినప్పటిలా ఉంటుంది;

 6 పరిగె మాత్రమే మిగులుతుంది,

అది ఒలీవ చెట్టు నుండి పండ్లను రాలగొట్టినప్పటిలా ఉంటుంది:

దాని చిటారుకొమ్మ మీద రెండుమూడు ఒలీవ పండ్లు,

బాగా కాసే దాని కొమ్మల మీద నాలుగైదు పండ్లు మాత్రమే మిగిలి ఉంటాయి”+ అని ఇశ్రాయేలు దేవుడైన యెహోవా అంటున్నాడు.

 9 ఆ రోజు, కోటలుగల అతని నగరాలు అడవిలో వదిలేయబడిన నివాస స్థలంలా,+

ఇశ్రాయేలీయుల ముందు వదిలేయబడిన కొమ్మలా తయారౌతాయి,

అది పనికిరాని భూమి అవుతుంది.

10 ఎందుకంటే రక్షకుడైన నీ దేవుణ్ణి నువ్వు మర్చిపోయావు,+

ఆశ్రయదుర్గమైన*+ నీ కోటను నువ్వు గుర్తుచేసుకోలేదు.

అందుకే నువ్వు అందమైన* తోటలు వేసి,

అందులో అపరిచితుడి* కొమ్మను నాటుతున్నావు.

11 ఆ రోజు నువ్వు దాని చుట్టూ జాగ్రత్తగా కంచె వేశావు,

ఉదయం విత్తనాలు మొలకెత్తేలా చేశావు,

కానీ వ్యాధి, తీరని వేదన ఉండే రోజున పంట అంతా మాయమైపోతుంది.+

12 వినండి! చాలా జనాల కోలాహలం వినిపిస్తోంది,

వాటి ఘోష సముద్రాల ఘోషలా ఉంది!

దేశాల గర్జన వినండి,

అది గొప్ప ప్రవాహాల ధ్వనిలా ఉంది!

ఆయన వాళ్లను గద్దిస్తాడు, వాళ్లు దూరంగా పారిపోతారు,

కొండ ప్రాంతంలోని పొట్టు గాలికి కొట్టుకుపోయినట్టు వాళ్లు కొట్టుకుపోతారు,

సుడిగాలికి ముళ్లకొమ్మ గిరగిర తిరిగినట్టు తిరుగుతారు.

మమ్మల్ని కొల్లగొట్టే వాళ్లకు దక్కే భాగం ఇదే,

మమ్మల్ని దోచుకునే వాళ్లకు పట్టే గతి ఇదే.

18 ఇతియోపియా నదుల ప్రాంతంలోని

తటతట కొట్టుకునే రెక్కలుగల దేశానికి శ్రమ!+

 2 అది సముద్రం మీద ప్రతినిధుల్ని పంపుతుంది,

నీళ్ల మీద జమ్ము* పడవల్లో వాళ్లను పంపుతూ ఇలా చెప్తుంది:

“వేగంగా వెళ్లే సందేశకులారా,

నున్నని చర్మంగల ఎత్తైన మనుషులుండే దేశానికి,

అన్ని ప్రాంతాల ప్రజలు భయపడే జనం దగ్గరికి,+

జయిస్తూ వెళ్లే బలమైన దేశం దగ్గరికి,

నదుల వల్ల నేల కొట్టుకుపోయిన దేశం దగ్గరికి మీరు వెళ్లండి.”

 3 దేశ నివాసులారా, భూమ్మీద నివసించే ప్రజలారా,

మీరు చూసేది, పర్వతాల మీద నిలబెట్టిన ధ్వజంలా* ఉంటుంది,

బూర* శబ్దం లాంటి ధ్వని మీకు వినిపిస్తుంది.

“పగలు సూర్యకాంతిలో వెచ్చగా ఉన్నట్టు,

వేడిగా ఉండే కోతకాలంలో మంచు పడినట్టు,

నేను ప్రశాంతంగా ఉండి, స్థాపించబడిన నా స్థలాన్ని* చూస్తాను.

 5 ఎందుకంటే కోతకాలం రాకముందే,

పూత వాడిపోయి ద్రాక్షకాయలు పక్వం అవుతుండగానే,

కత్తెరలతో కొమ్మల్ని కత్తిరించేస్తారు,

నులితీగల్ని తుంచేసి పారేస్తారు.

 6 అవన్నీ పర్వతాల్లోని వేట పక్షుల కోసం,

భూమ్మీది మృగాల కోసం వదిలేయబడతాయి.

వేట పక్షులు వాటితో వేసవికాలాన్ని గడిపేస్తాయి,

భూమ్మీది మృగాలు వాటితో కోతకాలాన్ని గడిపేస్తాయి.

 7 ఆ సమయంలో సైన్యాలకు అధిపతైన యెహోవాకు

నున్నని చర్మంగల ఎత్తైన మనుషులుండే దేశం నుండి,

అన్ని ప్రాంతాల ప్రజలు భయపడే జనం నుండి,

జయిస్తూ వెళ్లే బలమైన దేశం నుండి,

నదుల వల్ల నేల కొట్టుకుపోయిన దేశం నుండి ఒక బహుమతి తీసుకురాబడుతుంది,

వ్యర్థమైన ఐగుప్తు దేవుళ్లు ఆయన ముందు వణికిపోతారు,+

ఐగుప్తీయుల గుండెలు భయంతో నీరుగారిపోతాయి.

 2 “నేను ఐగుప్తీయుల మీదికి ఐగుప్తీయుల్ని రేపుతాను,

వాళ్లు ఒకరితో ఒకరు పోరాడతారు,

ప్రతీ వ్యక్తి తన సహోదరునితో, తన పొరుగువానితో పోరాడతాడు,

నగరం మీదికి నగరం, రాజ్యం మీదికి రాజ్యం లేస్తాయి.

 3 ఐగుప్తు కంగారుపడుతుంది,

నేను దాని పన్నాగాల్ని తారుమారు చేస్తాను.+

వాళ్లు వ్యర్థమైన దేవుళ్లను ఆశ్రయిస్తారు,

మాంత్రికుల్ని,* చనిపోయినవాళ్లను సంప్రదించేవాళ్లను, జ్యోతిష్యులను ఆశ్రయిస్తారు.+

 4 నేను ఐగుప్తును కఠినుడైన యజమాని చేతికి అప్పగిస్తాను,

క్రూరుడైన రాజు వాళ్లను పరిపాలిస్తాడు”+ అని నిజమైన ప్రభువూ సైన్యాలకు అధిపతీ అయిన యెహోవా అంటున్నాడు.

 5 సముద్రంలోని నీళ్లు ఇంకిపోతాయి,

నది ఎండిపోయి పొడినేల అవుతుంది.+

 6 నదులు కంపుకొడతాయి;

ఐగుప్తులోని నైలు నది కాలువల నీటిమట్టం తగ్గుతుంది, అవి ఎండిపోతాయి.

 7 నైలు నది వెంబడి, అది సముద్రంలో కలిసే చోట ఉన్న మొక్కలన్నీ ఎండిపోతాయి,

నైలు నది ఒడ్డున ఉన్న సాగుభూమంతా+ ఎండిపోతుంది.+

 8 జాలర్లు దుఃఖిస్తారు,

నైలు నదిలో గాలం వేసేవాళ్లు విలపిస్తారు,

నీళ్ల మీద తమ వలలు వేసేవాళ్లు తగ్గిపోతారు.

 9 దువ్వబడిన జనుపనారతో+ పనిచేసేవాళ్లు

మగ్గం మీద తెల్లని వస్త్రం నేసేవాళ్లు అవమానించబడతారు.

10 దాని నేతగాళ్లు చితగ్గొట్టబడతారు;

కూలి పనివాళ్లంతా దుఃఖిస్తారు.

ప్రాచీనకాల రాజుల వంశస్థుణ్ణి” అని

నువ్వు ఫరోతో ఎలా చెప్పగలవు?

13 సోయను అధిపతులు తెలివితక్కువగా ప్రవర్తించారు;

నోఫు*+ అధిపతులు మోసగించబడ్డారు;

ఐగుప్తు గోత్రాల ప్రధానులు ఐగుప్తును తప్పుదారి పట్టించారు.

14 యెహోవా దాన్ని అయోమయంలో పడేశాడు;+

ఐగుప్తు చేసిన ప్రతీ పనిలో వాళ్లు దాన్ని పక్కదారి పట్టించారు,

బాగా తాగిన వ్యక్తి తన వాంతిలో తూలినట్టు దాన్ని తూలేలా చేశారు.

15 చేయడానికి ఐగుప్తుకు ఏ పనీ ఉండదు,

తలకే గానీ తోకకే గానీ, రెమ్మకే గానీ రెల్లుకే గానీ* ఏ పనీ ఉండదు.

దక్షిణాన విసిరే సుడిగాలిలా అది వస్తోంది,

ఎడారి నుండి, భీకర దేశం నుండి అది వస్తోంది.+

మోసగాడు మోసపూరితంగా ప్రవర్తిస్తున్నాడు,

నాశకుడు నాశనం చేస్తున్నాడు.

ప్రసవించే స్త్రీకి వచ్చేలాంటి నొప్పులు

నాకు వచ్చాయి.

వేదన వల్ల నేను ఏమీ వినలేకపోతున్నాను;

దిగులు వల్ల ఏమీ చూడలేకపోతున్నాను.

 7 ఒక జత గుర్రాలు లాగుతున్న యుద్ధ రథం ఒకటి,

గాడిదలు లాగుతున్న యుద్ధ రథం ఒకటి,

ఒంటెలు లాగుతున్న యుద్ధ రథం ఒకటి అతనికి కనిపించాయి.

“యెహోవా, నేను రోజంతా కావలిబురుజు మీద నిలబడుతున్నాను,

ప్రతీ రాత్రి నేను నా కావలి స్థలం దగ్గర ఉండి కాపలా కాస్తున్నాను.+

10 నూర్చబడిన నా ప్రజలారా,

నా కళ్లంలో* నూర్చబడిన ధాన్యమా,+

సైన్యాలకు అధిపతీ ఇశ్రాయేలు దేవుడూ అయిన యెహోవా నుండి నేను విన్నది మీకు చెప్పాను.

దెదాను+ ప్రయాణికులారా,

ఎడారి మైదానంలోని అడవిలో మీరు రాత్రి గడుపుతారు.

14 తేమా+ దేశ నివాసులారా,

దాహంగా ఉన్న వ్యక్తి కోసం నీళ్లు తీసుకురండి,

పారిపోతున్న వ్యక్తి కోసం రొట్టె తీసుకురండి.

15 ఎందుకంటే వాళ్లు ఖడ్గం నుండి, దూసిన ఖడ్గం నుండి పారిపోయి వచ్చారు,

ఎక్కుపెట్టిన విల్లు నుండి, క్రూరమైన యుద్ధం నుండి పారిపోయి వచ్చారు.

 2 నువ్వు అల్లరితో నిండివుండే దానివి,

కోలాహలం నిండిన నగరానివి, ఉల్లసించే పట్టణానివి.

నీలో హతులైనవాళ్లు ఖడ్గం వల్ల హతమవ్వలేదు,

వాళ్లు యుద్ధంలో చనిపోలేదు.+

దొరికిన వాళ్లందర్నీ ఖైదీలుగా తీసుకెళ్లారు,+

చాలాదూరం పారిపోయినా పట్టుకొని తీసుకెళ్లారు.

 4 అందుకే నేనిలా అన్నాను: “మీ దృష్టి నా మీద నుండి పక్కకు తిప్పండి,

నేను వెక్కివెక్కి ఏడుస్తాను.+

నా ప్రజల కూతురి* నాశనాన్ని బట్టి నేను బాధపడుతున్నాను,

నన్ను ఓదార్చడానికి అదేపనిగా ప్రయత్నించకండి.+

 5 ఎందుకంటే అది దర్శన లోయలో

అయోమయం, ఓటమి, భయాందోళన+ ఉండే రోజు,

అది సర్వోన్నత ప్రభువూ సైన్యాలకు అధిపతీ అయిన యెహోవా నుండి వస్తుంది.

ప్రాకారం కూలగొట్టబడుతుంది,+

పర్వతం వరకు అరుపు వినిపిస్తుంది.

 6 ఏలాము+ అంబులపొది తీసుకొని

సైనికులున్న రథాలతో, గుర్రాలతో* వస్తోంది;

కీరు+ డాలును బయటికి తీస్తుంది.*

 7 నీ శ్రేష్ఠమైన లోయలు

యుద్ధ రథాలతో నిండిపోతాయి,

నగర ద్వారం దగ్గర గుర్రాలు* వాటివాటి స్థానాల్లో నిలబడతాయి.

 8 యూదా ముసుగు* తీసేయబడుతుంది.

12 ఆ రోజు సర్వోన్నత ప్రభువూ సైన్యాలకు అధిపతీ అయిన యెహోవా

ఏడ్వమని, దుఃఖించమని చెప్తాడు,+

గుండు గీయించుకోమని, గోనెపట్ట కట్టుకోమని చెప్తాడు.

13 కానీ ప్రజలు సంబరాలు చేసుకుంటూ సంతోషిస్తున్నారు,

పశువుల్ని, గొర్రెల్ని వధిస్తున్నారు,

మాంసం తింటూ ద్రాక్షారసం తాగుతున్నారు.+

 3 షీహోరు*+ ధాన్యం, నైలు నది పంట

అంటే, తూరు ఆదాయమంతా

అనేక జలాల మీద వెళ్లి దేశాలకు లాభాలు తీసుకొచ్చింది.+

 4 సముద్ర ఆశ్రయదుర్గమైన సీదోనూ, సిగ్గుపడు.

ఎందుకంటే సముద్రం ఇలా అంది:

“నేను పురిటినొప్పులు పడలేదు, బిడ్డను కనలేదు,

యువకుల్ని, యువతుల్ని* పెంచి పెద్దచేయలేదు.”+

 5 ఐగుప్తు గురించిన కబురు విన్నప్పుడు+ వేదనపడినట్టే,

తూరు గురించిన కబురు విన్నప్పుడు ప్రజలు వేదనపడతారు.+

 8 తూరు కిరీటాలు ఇస్తూ ఉండేది;

దాని వ్యాపారులు అధిపతులు;

దాని వర్తకుల్ని లోకమంతా గౌరవించేది.+

అలాంటి తూరుకు ఇలా జరగాలని నిర్ణయించింది ఎవరు?

 9 సైన్యాలకు అధిపతైన యెహోవాయే అలా నిర్ణయించాడు;

దాని గర్వాన్ని, దాని సౌందర్యాన్ని హీనపర్చడానికి,

లోకమంతటా గౌరవించబడిన వాళ్లను అవమానపర్చడానికి అలా చేశాడు.+

11 ఆయన సముద్రం మీద తన చెయ్యి చాపాడు;

రాజ్యాల్ని కుదిపేశాడు.

12 ఆయన ఇలా అంటున్నాడు: “అణచివేయబడిన సీదోను కన్యా,

నువ్విక ఎంతమాత్రం సంతోషించవు.+

అష్షూరు+ కాదు ఈ ప్రజలే

దాన్ని* ఎడారి ప్రాణులు తిరిగే స్థలంగా చేశారు.

వాళ్లు ముట్టడి బురుజుల్ని కట్టి,

దాని పటిష్ఠమైన బురుజుల్ని కూలగొట్టి,+

దాన్ని శిథిలాల కుప్పగా మార్చేశారు.

14 తర్షీషు ఓడలారా, విలపించండి,

ఎందుకంటే మీ బలమైన దుర్గం నాశనం చేయబడింది.+

నైపుణ్యంతో నీ వీణను వాయించు;

వాళ్లు నిన్ను గుర్తుచేసుకునేలా

చాలా పాటలు పాడు.”

ప్రజలకు, యాజకుడికి,

దాసుడికి, యజమానికి,

దాసురాలికి, యజమానురాలికి,

అమ్మేవాడికి, కొనేవాడికి,

అప్పు ఇచ్చేవాడికి, అప్పు తీసుకునేవాడికి,

వడ్డీ తీసుకునేవాడికి, వడ్డీ కట్టేవాడికి అందరికీ ఒకేలా జరుగుతుంది.+

 3 దేశం పూర్తిగా ఖాళీ చేయబడుతుంది;

అది పూర్తిగా దోచుకోబడుతుంది,+

ఎందుకంటే యెహోవా ఈ మాట చెప్పాడు.

 5 నివాసులు దేశాన్ని కలుషితం చేశారు,+

వాళ్లు ఆజ్ఞలు మీరారు,+

నియమాలు మార్చారు,+

శాశ్వతమైన* ఒప్పందానికి*+ కట్టుబడి ఉండలేదు.

 6 అందుకే శాపం దేశాన్ని మింగేస్తోంది,+

దాని నివాసులు దోషులుగా ఎంచబడుతున్నారు.

దానివల్లే దేశ నివాసుల సంఖ్య తగ్గిపోయింది,

చాలా కొద్దిమందే మిగిలారు.+

 7 కొత్త ద్రాక్షారసం దుఃఖిస్తోంది,* ద్రాక్షవల్లి వాడిపోతోంది,+

హృదయం సంతోషంగా ఉన్నవాళ్లంతా నిట్టూరుస్తున్నారు.+

 8 కంజీరల* సంతోషనాదం ఆగిపోయింది;

ఉల్లసించేవాళ్ల శబ్దం ఇక వినబడడం లేదు;

వీణల* సంతోషనాదం ఆగిపోయింది.+

 9 వాళ్లు పాటలు లేకుండా ద్రాక్షారసం తాగుతున్నారు,

మద్యం తాగేవాళ్లకు అది చేదుగా అనిపిస్తోంది.

10 నిర్జనమైన పట్టణం కూలగొట్టబడింది;+

ఎవరూ ప్రవేశించకుండా ప్రతీ ఇంటి తలుపు మూసేయబడింది.

సంతోషమంతా కనుమరుగైపోయింది;

దేశంలోని ఆనందమంతా ఆవిరైపోయింది.+

12 నగరం శిథిలమైపోయింది;

నగర ద్వారం రాళ్లకుప్పగా మారింది.+

ఒలీవ చెట్టునుండి పండ్లను రాలగొట్టినప్పటిలా,+

ద్రాక్షల కోత ముగిసి పరిగె ఏరుకునేటప్పటిలా ఉంటుంది.+

14 వాళ్లు తమ గొంతెత్తి

సంతోషంతో కేకలు వేస్తారు.

15 అందుకే వాళ్లు తూర్పు* ప్రాంతంలో+ యెహోవాను మహిమపరుస్తారు;

సముద్ర ద్వీపాల్లో, ఇశ్రాయేలు దేవుడైన యెహోవా పేరును మహిమపరుస్తారు.+

అయ్యో, నాకు శ్రమ! మోసగాళ్లు మోసపూరితంగా ప్రవర్తించారు;

వాళ్లు మోసంతో మోసపూరితంగా ప్రవర్తించారు.”+

18 భయం పుట్టించే శబ్దం విని పారిపోతున్న వ్యక్తి గోతిలో పడతాడు,

గోతిలో నుండి పైకి వచ్చే వ్యక్తి ఉచ్చులో చిక్కుకుంటాడు.+

ఆకాశ తూములు* తెరవబడతాయి,

నేల పునాదులు కంపిస్తాయి.

19 భూమి బద్దలైపోయింది;

అది కుదిపేయబడింది;

అది విపరీతంగా కంపిస్తోంది.+

20 బాగా తాగిన వ్యక్తిలా భూమి తూలుతోంది,

గాలికి గుడిసె ఊగినట్టు అది అటూఇటూ ఊగుతోంది.

దాని పాపం దాని మీద చాలా బరువుగా ఉంది,+

అది మళ్లీ లేవడం వీలుకాని విధంగా పడిపోతుంది.

21 ఆ రోజు యెహోవా, పైనున్న స్థలాల్లోని సైన్యం మీదికి,

కిందున్న భూరాజుల మీదికి తన దృష్టిని మళ్లిస్తాడు.

22 ఖైదీలను గుంటలోకి సమకూర్చినట్టు,

వాళ్లను సమకూర్చి,

చెరసాలలో వేసి, దాన్ని మూసేస్తారు;

చాలా రోజుల తర్వాత ఆయన వాళ్లమీదికి తన దృష్టిని మళ్లిస్తాడు.

23 నిండు చంద్రుడు చీకటి అవుతాడు,

ప్రకాశించే సూర్యుడు వెలవెలబోతాడు,+

ఎందుకంటే సైన్యాలకు అధిపతైన యెహోవా సీయోను పర్వతం+ మీద, యెరూషలేములో రాజయ్యాడు;+

ఆయన తన ప్రజల పెద్దల* ముందు మహిమతో పరిపాలిస్తాడు.+

నేను నిన్ను ఘనపరుస్తాను, నీ పేరును స్తుతిస్తాను,

ఎందుకంటే నువ్వు అద్భుతమైన పనులు చేశావు,+

పురాతన కాలంలో ఉద్దేశించిన* వాటిని+

విశ్వసనీయతతో,+ నమ్మకత్వంతో నెరవేర్చావు.

 2 నువ్వు నగరాన్ని రాళ్లకుప్పగా చేశావు,

ప్రాకారాలున్న పట్టణాన్ని శిథిలాలుగా మార్చావు.

పరదేశుల బురుజు ఇక ఎంతమాత్రం కోటలా లేదు;

అది ఎప్పటికీ తిరిగి కట్టబడదు.

 3 అందుకే బలమైన జనం నిన్ను మహిమపరుస్తుంది;

నిరంకుశ జనాల నగరం నీకు భయపడుతుంది.+

 4 ఎందుకంటే నువ్వు దీనులకు బలమైన కోటగా

కష్టాల్లో ఉన్న పేదవాడికి బలమైన దుర్గంగా,+

తుఫాను వచ్చినప్పుడు ఆశ్రయంగా,

ఎండలో నీడగా ఉన్నావు.+

నిరంకుశ పాలకుల కోపం, గోడను ఢీకొట్టే తుఫానులా,

 5 ఎండిపోయిన దేశంలోని వేడిలా ఉన్నప్పుడు,

అపరిచితుల అల్లకల్లోలాన్ని నువ్వు అణచివేస్తావు.

మేఘం నీడ వల్ల వేడి అణచివేయబడినట్టు

నిరంకుశ పాలకుల పాట అణచివేయబడుతుంది.

 6 సైన్యాలకు అధిపతైన యెహోవా ఈ పర్వతం+ మీద అన్ని జనాలకు

శ్రేష్ఠమైన వంటకాలతో విందు ఏర్పాటు చేస్తాడు;+

శ్రేష్ఠమైన ద్రాక్షారసంతో,*

మూలుగతో నిండిన శ్రేష్ఠమైన వంటకాలతో,

వడగట్టిన శ్రేష్ఠమైన ద్రాక్షారసంతో విందు ఏర్పాటు చేస్తాడు.

 7 ఈ పర్వతం మీద, ఆయన అన్ని జనాల మీదున్న ముసుగును,

దేశాలన్నిటినీ కప్పుతున్న తెరను తీసేస్తాడు.*

 8 ఇక ఎప్పుడూ ఉండకుండా మరణాన్ని ఆయన మింగేస్తాడు,+

సర్వోన్నత ప్రభువైన యెహోవా, ప్రజలందరి ముఖాల మీది కన్నీళ్లను తుడిచేస్తాడు.+

భూమంతటా ఉన్న తన ప్రజల నిందను ఆయన తీసేస్తాడు,

యెహోవాయే స్వయంగా ఈ మాట చెప్పాడు.

మనం ఈయన మీద ఆశపెట్టుకున్నాం,+

ఈయనే మనల్ని రక్షిస్తాడు.+

10 ఎందుకంటే యెహోవా చెయ్యి ఈ పర్వతం మీద ఉంటుంది,+

గడ్డిని తొక్కి ఎరువుకుప్పగా చేసినట్టు

మోయాబు దాని స్థలంలో తొక్కబడుతుంది.+

11 ఈతగాడు ఈతకొట్టడానికి తన చేతులు చాపినట్టు

ఆయన దానిలోకి తన చేతులు చాపుతాడు,

తన చేతుల్ని నేర్పుగా తిప్పుతూ

దాని అహంకారాన్ని అణచివేస్తాడు.+

12 ప్రాకారాలుగల నగరాన్ని, దాని ఎత్తైన రక్షణగోడలతో పాటు కూలగొడతాడు;

ఆయన దాన్ని నేలమట్టం చేస్తాడు, మట్టిలో కలిపేస్తాడు.

 2 నీతిగల జనం, నమ్మకమైన ప్రవర్తనగల జనం

ప్రవేశించేలా నగర ద్వారాలు తెరవండి.+

 3 నీ మీద పూర్తిగా ఆధారపడేవాళ్లను* నువ్వు కాపాడతావు;

నువ్వు వాళ్లకు ఎప్పుడూ శాంతిని దయచేస్తావు,+

ఎందుకంటే వాళ్లు నిన్నే నమ్ముకున్నారు.+

 4 ఎల్లప్పుడూ యెహోవా మీద నమ్మకం ఉంచండి,+

ఎందుకంటే యెహోవా* యెహోవాయే నిత్య ఆశ్రయదుర్గం.*+

ఆయన దాన్ని కిందికి దించుతాడు,

నేల మీదికి రప్పిస్తాడు;

ధూళిలోకి విసిరేస్తాడు.

 6 పాదం దాన్ని తొక్కుతుంది,

కష్టాల్లో ఉన్నవాళ్ల పాదాలు, దీనుల అడుగులు దాన్ని తొక్కుతాయి.”

నువ్వు నిజాయితీపరుడివి కాబట్టి

నీతిమంతుల మార్గాన్ని చదును చేస్తావు.

 8 యెహోవా, నీ తీర్పుల మార్గాన్ని మేము అనుసరిస్తున్నప్పుడు

మేము నీ మీదే ఆశపెట్టుకుంటున్నాం.

 9 రాత్రిపూట నా ప్రాణం నీ కోసం తపిస్తోంది,

అవును, లోలోపల నేను నీ కోసం చూస్తూ ఉన్నాను;+

నువ్వు భూమికి తీర్పులు జారీ చేసినప్పుడు,

దేశ నివాసులు నీతి+ గురించి నేర్చుకుంటారు.

10 అయితే దుష్టుడి మీద దయ చూపించినా

అతను నీతిని నేర్చుకోడు.+

నిజాయితీపరుల దేశంలో కూడా అతను చెడ్డగానే ప్రవర్తిస్తాడు,+

యెహోవా గొప్పతనాన్ని అతను చూడడు.+

12 యెహోవా, నువ్వు మాకు శాంతిని దయచేస్తావు,+

ఎందుకంటే, మేము చేసినవన్నీ

నువ్విచ్చిన బలంతోనే చేశాం.

13 యెహోవా, మా దేవా, నువ్వు కాకుండా వేరే యజమానులు మమ్మల్ని పరిపాలించారు,+

కానీ నీ పేరునే మేము స్మరించుకుంటున్నాం.+

ఎందుకంటే వాళ్లను సమూలంగా నాశనం చేసి, వాళ్ల పేరును పూర్తిగా తుడిచిపెట్టాలని

నువ్వు వాళ్ల మీదికి నీ దృష్టి మళ్లించావు.

15 యెహోవా, నువ్వు దేశాన్ని విశాలం చేశావు,

దేశాన్ని పెద్దదిగా చేశావు;

నిన్ను నువ్వు మహిమపర్చుకున్నావు.+

16 యెహోవా, కష్టం వచ్చినప్పుడు వాళ్లు నీ వైపు తిరిగారు;

నువ్వు వాళ్లను సరిదిద్దినప్పుడు వాళ్లు మౌనంగా, పట్టుదలతో ప్రార్థించారు.+

17 యెహోవా, నీ వల్ల మా పరిస్థితి

బిడ్డను కనబోతున్న గర్భిణీ స్త్రీ

పురిటినొప్పులు వచ్చినప్పుడు వేదనతో కేకలు వేసినట్టు ఉంది.

18 మేము గర్భం ధరించాం, పురిటినొప్పులు పడ్డాం,

కానీ గాలిని కన్నట్టే ఉంది.

మేము దేశానికి రక్షణ తీసుకురాలేదు,

దేశంలో నివసించడానికి ఎవరూ పుట్టలేదు.

మట్టిలో నివసిస్తున్న వాళ్లారా,+

లేవండి, సంతోషంతో అరవండి!

ఎందుకంటే నీ మంచు తెల్లవారుజాము* మంచులా ఉంది,

భూమి తనలో ఉన్న మృతుల్ని సజీవుల్ని చేస్తుంది.

20 నా ప్రజలారా, వెళ్లండి, లోపలి గదుల్లోకి ప్రవేశించి

తలుపులు వేసుకోండి.+

దేవుని కోపం దాటివెళ్లే వరకు

కాసేపు దాక్కోండి.+

21 ఎందుకంటే, ఇదిగో! దేశ నివాసుల దోషాన్ని బట్టి వాళ్లను లెక్క అడగడం కోసం

యెహోవా తన నివాస స్థలం నుండి వస్తున్నాడు;

దేశం తనలో హతులైన వాళ్లను కప్పిపెట్టకుండా

తనలో జరిగిన రక్తపాతాన్ని బయటపెడుతుంది.”

27 ఆ రోజు యెహోవా కఠినమైన, గొప్పదైన, బలమైన తన ఖడ్గంతో+

లివ్యాతన్‌* అనే పాకే సర్పం మీదికి,

వంకర సర్పమైన లివ్యాతన్‌ మీదికి తన దృష్టిని మళ్లిస్తాడు.

సముద్రంలోని ఆ భారీ ప్రాణిని ఆయన చంపేస్తాడు.

ఎవరూ దానికి హాని చేయకుండా

రాత్రింబగళ్లు దాన్ని సంరక్షిస్తున్నాను.+

అతను నాతో సమాధానపడాలి;

నాతో శాంతి కుదుర్చుకోవాలి.”

 6 రాబోయే రోజుల్లో యాకోబు వేళ్లూనుకుంటాడు,

ఇశ్రాయేలు చిగిర్చి పూతపూస్తాడు,+

వాళ్లు దేశాన్ని పంటతో నింపుతారు.+

 9 యాకోబు దోషానికి ఈ విధంగా ప్రాయశ్చిత్తం జరుగుతుంది,+

అతని పాపం తీసేయబడినప్పుడు అతనికి దక్కే పూర్తి ప్రతిఫలం ఇదే:

ఆయన, బలిపీఠం రాళ్లన్నిటినీ

నలగ్గొట్టిన సున్నపురాళ్లలా చేస్తాడు,

పూజా కర్రలు,* ధూపస్తంభాలు ఏవీ మిగలవు.

10 ఎందుకంటే, బలమైన ప్రాకారాలుగల నగరం నిర్జనమైపోతుంది;

పచ్చికబయళ్లు ఎడారిలా వదిలేయబడతాయి, విడిచిపెట్టబడతాయి.+

అక్కడే దూడ మేత మేసి పడుకుంటుంది,

దాని కొమ్మల్ని తినేస్తుంది.+

11 దాని చిగుర్లు ఎండిపోయినప్పుడు

స్త్రీలు వచ్చి వాటిని విరిచేసి,

వాటితో నిప్పు అంటిస్తారు.

అందుకే వాళ్ల సృష్టికర్త వాళ్లమీద కరుణ చూపించడు,

వాళ్లను రూపొందించిన దేవుడు వాళ్లమీద అనుగ్రహం చూపించడు.+

28 ఎఫ్రాయిము+ తాగుబోతుల ఆడంబరమైన* కిరీటానికి* శ్రమ!

వాడిపోతున్న పువ్వు లాంటి దాని మహిమాన్విత సౌందర్యానికి శ్రమ!

అది, ద్రాక్షారసం మత్తులో ఉన్నవాళ్లు నివసించే సారవంతమైన లోయ తలమీద ఉంది.

ఉరిమే వడగండ్ల వానలా, నాశనకరమైన గాలివానలా,

శక్తివంతమైన ప్రవాహాలతో కూడిన ఉరుముల తుఫానులా

ఆయన దాన్ని బలంగా భూమ్మీదికి విసిరేస్తాడు.

 3 ఎఫ్రాయిము తాగుబోతుల ఆడంబరమైన* కిరీటాలు

కాళ్ల కింద తొక్కబడతాయి.+

 4 సారవంతమైన లోయ తలమీద ఉన్న

వాడిపోతున్న పువ్వు లాంటి దాని మహిమాన్విత సౌందర్యం

వేసవికాలం రాకముందే కాసిన తొలి అంజూర పండులా ఉంటుంది.

 7 వీళ్లు కూడా ద్రాక్షారసం వల్ల పక్కదారి పడుతున్నారు;

వాళ్ల మత్తుపానీయాలు వాళ్లను తూలేలా చేస్తున్నాయి.

మద్యం వల్ల యాజకుడు, ప్రవక్త తప్పుదారి పడుతున్నారు;

ద్రాక్షారసం వాళ్లను అయోమయంలో పడేస్తోంది,

మద్యం తాగి వాళ్లు తూలుతున్నారు;

వాళ్ల దర్శనం వాళ్లను పక్కదారి పట్టిస్తోంది,

న్యాయం తీర్చే విషయంలో వాళ్లు తడబడుతున్నారు.+

 8 వాళ్ల బల్లలు అసహ్యమైన వాంతితో నిండిపోయాయి,

అది లేని చోటంటూ లేదు.

 9 ఎవరికి జ్ఞానం నేర్పిస్తారు?

ఎవరికి సందేశాన్ని వివరిస్తారు?

అప్పుడే పాలు మానేసిన వాళ్లకా?

అప్పుడే చన్ను విడిచిన వాళ్లకా?

10 ఎందుకంటే అతని మాటలు వాళ్లకు, “ఆజ్ఞ వెంట ఆజ్ఞ, ఆజ్ఞ వెంట ఆజ్ఞ,

నియమం వెంట నియమం, నియమం వెంట నియమం,*+

కొంచెం ఇక్కడ, కొంచెం అక్కడ” అన్నట్టు ఉన్నాయి.

“ఆజ్ఞ వెంట ఆజ్ఞ, ఆజ్ఞ వెంట ఆజ్ఞ,

నియమం వెంట నియమం, నియమం వెంట నియమం,*+

కొంచెం ఇక్కడ, కొంచెం అక్కడ.”

దానివల్ల, వాళ్లు నడుస్తున్నప్పుడు

తడబడి, వెనక్కి పడిపోయి,

గాయపడి, ఉచ్చులో చిక్కుకొని, పట్టబడతారు.+

14 కాబట్టి యెరూషలేములోని ఈ ప్రజల పరిపాలకులారా,

గొప్పలు చెప్పుకుంటున్న మీరంతా యెహోవా మాట వినండి.

15 మీరు ఇలా చెప్పుకుంటున్నారు:

“మేము మరణంతో ఒప్పందం చేసుకున్నాం,+

సమాధితో* ఒడంబడిక చేసుకున్నాం.*

అకస్మాత్తుగా ప్రచండమైన ప్రవాహం దాటివెళ్లేటప్పుడు

అది మా దాకా రాదు;

ఎందుకంటే మేము అబద్ధాన్ని ఆశ్రయంగా చేసుకున్నాం,

మోసం కింద దాక్కున్నాం.”+

“ఇదిగో, నేను పరీక్షించబడిన ఒక రాయిని సీయోనులో పునాదిగా వేస్తాను,+

సుస్థిరమైన పునాదికి+ అది అమూల్యమైన మూలరాయి.+

17 నేను న్యాయాన్ని కొలనూలుగా,+

నీతిని లంబసూత్రంగా* చేస్తాను.+

వడగండ్లు అబద్ధాల ఆశ్రయాన్ని తుడిచిపెట్టేస్తాయి,

దాక్కునే చోటు నీళ్ల ప్రవాహంలో కొట్టుకుపోతుంది.

18 మరణంతో మీరు చేసుకున్న ఒప్పందం రద్దౌతుంది,

సమాధితో* మీరు చేసుకున్న ఒడంబడిక నిలవదు.+

అకస్మాత్తుగా ప్రచండమైన ప్రవాహం దాటివెళ్లినప్పుడు

దానివల్ల మీరు చితికిపోతారు.

19 అది దాటివెళ్లిన ప్రతీసారి

మిమ్మల్ని ఊడ్చేస్తుంది;+

ఎందుకంటే, ప్రతీ ఉదయం అది దాటివెళ్తుంది,

పగలూ రాత్రీ ప్రవహిస్తుంది.

20 చాచుకొని పడుకోవడానికి పరుపు పొడవు సరిపోదు,

చుట్టుకొని పడుకోవడానికి దుప్పటి వెడల్పు సరిపోదు.

21 ఎందుకంటే యెహోవా పెరాజీము కొండ మీద లేచినట్టు లేస్తాడు;

గిబియోను దగ్గరున్న లోయలో రేపుకున్నట్టు తనను తాను రేపుకుంటాడు,+

తన కార్యాన్ని, అంటే తన వింతైన కార్యాన్ని చేయడానికి

తన పనిని, అంటే అసాధారణమైన తన పనిని నెరవేర్చడానికి+ అలా లేస్తాడు.

22 కాబట్టి మీ కట్లు ఇంకా గట్టిగా బిగించబడకుండా ఉండేలా

అపహాస్యం చేయకండి,+

ఎందుకంటే దేశమంతా* సమూలంగా నాశనమవ్వాలని నిర్ణయించబడినట్టు+

నేను సర్వోన్నత ప్రభువూ సైన్యాలకు అధిపతీ అయిన యెహోవా దగ్గర విన్నాను.

23 నేను చెప్పేది చెవిపెట్టి వినండి;

నా మాటలు శ్రద్ధగా ఆలకించండి.

25 అతను నేలను చదును చేయగానే

నల్ల జీలకర్రను, జీలకర్రను చల్లడా?

గోధుమల్ని, సజ్జల్ని, బార్లీ గింజల్ని వాటివాటి స్థలాల్లో నాటడా?

అంచుల చుట్టూ పొడుగు గోధుమల్ని*+ వేయడా?

26 ఎందుకంటే దేవుడే అతనికి సరైన మార్గం బోధిస్తాడు;*

అతని దేవుడే అతనికి ఉపదేశమిస్తాడు.+

27 నూర్చే పనిముట్టుతో+ నల్ల జీలకర్రను నూర్చరు,

జీలకర్ర మీదికి బండి చక్రాన్ని ఎక్కించరు.

బదులుగా నల్ల జీలకర్రను కట్టెతో,

జీలకర్రను చువ్వతో దుళ్లగొడతారు.

లేదు, అతను అదేపనిగా దాన్ని నూర్చడు.+

అతను తన గుర్రాలతో తన బండి చక్రాన్ని దానిమీద నడిపినప్పుడు

అతను దాన్ని నలగ్గొట్టడు.+

29 ఇది కూడా సైన్యాలకు అధిపతైన యెహోవా వల్లే కలుగుతుంది,

ఆయన ఆలోచన* అద్భుతంగా ఉంటుంది,

ఆయన సాధించేవి గొప్పగా ఉంటాయి.*+

సంవత్సరం తర్వాత సంవత్సరం గడవనివ్వండి;

వార్షిక పండుగల్ని+ జరుపుకుంటూ ఉండండి.

 2 అయితే నేను అరీయేలు మీదికి కష్టాలు తీసుకొస్తాను,+

దానిలో దుఃఖం, ప్రలాపం ఉంటాయి,+

అది నాకు దేవుని బలిపీఠపు కొలిమిలా తయారౌతుంది.+

 3 నేను అన్నివైపులా డేరాలు వేసి నిన్ను చుట్టుముడతాను,

కర్రలతో నీ చుట్టూ కోట కట్టి

ముట్టడిగోడలు నిలబెడతాను.+

 4 నువ్వు అణచివేయబడతావు;

నేల నుండి మాట్లాడతావు,

నీ మాటలు ధూళిలో నుండి మెల్లగా వినిపిస్తాయి.

చనిపోయినవాళ్లను సంప్రదించేవాళ్ల స్వరంలా

నీ స్వరం నేల నుండి వినిపిస్తుంది,+

నీ మాటలు ధూళిలో నుండి కిచకిచలాడినట్టు వినిపిస్తాయి.

 5 నీ శత్రువుల* సమూహం సన్నని ధూళిలా ఉంటుంది,+

ఆ నిరంకుశ పాలకుల సమూహం ఎగిరిపోయే పొట్టులా ఉంటుంది.+

 6 సైన్యాలకు అధిపతైన యెహోవా నీ మీద దృష్టి పెడతాడు;

ఉరుముతో, భూకంపంతో, గొప్ప శబ్దంతో,

సుడిగాలితో, తుఫానుతో, దహించే అగ్ని జ్వాలలతో నీ మీద దృష్టి పెడతాడు.”+

 7 అప్పుడు అరీయేలు మీద యుద్ధం చేసే దేశాలన్నిటి సమూహం+

అంటే, దానితో యుద్ధం చేసేవాళ్లంతా,

దాని చుట్టూ ఉన్న ముట్టడి బురుజులు,

దానిమీదికి కష్టాలు తీసుకొచ్చే వాళ్లు

ఒక కలలా, రాత్రి కలిగే దర్శనంలా అవుతారు.

 8 అవును, అప్పుడు పరిస్థితి ఎలా ఉంటుందంటే, ఆకలిగా ఉన్న వ్యక్తి భోజనం చేస్తున్నట్టు కలగంటాడు,

కానీ లేచినప్పుడు ఇంకా ఆకలిగానే ఉంటాడు,

దాహంగా ఉన్న వ్యక్తి నీళ్లు తాగుతున్నట్టు కలగంటాడు,

కానీ లేచినప్పుడు ఇంకా నీరసంగానే, దాహంగానే ఉంటాడు.

సీయోను పర్వతంతో యుద్ధం చేసే

దేశాలన్నిటి సమూహం విషయంలో కూడా అలాగే జరుగుతుంది.+

 9 అవాక్కవ్వండి, ఆశ్చర్యపోండి;+

మిమ్మల్ని మీరు గుడ్డివాళ్లుగా చేసుకోండి, అంధులవ్వండి.+

వాళ్లు మత్తుగా ఉన్నారు, కానీ ద్రాక్షారసం వల్ల కాదు;

వాళ్లు తూలుతున్నారు, కానీ మద్యం వల్ల కాదు.

10 ఎందుకంటే యెహోవా మీకు గాఢనిద్ర కలగజేశాడు;+

మీ కళ్లకు, అంటే ప్రవక్తలకు గుడ్డితనం కలగజేశాడు,+

మీ తలలకు, అంటే దర్శనాలు చూసేవాళ్లకు ముసుగు వేశాడు.+

13 యెహోవా ఇలా అంటున్నాడు: “ఈ ప్రజలు నా దగ్గరికి వస్తామని నోటితో చెప్తున్నారు,

పెదవులతో నన్ను ఘనపరుస్తున్నారు,+

కానీ వీళ్ల హృదయం నాకు చాలా దూరంగా ఉంది;

వీళ్లు కేవలం తాము నేర్చుకున్న మనుషుల ఆజ్ఞల్ని బట్టి నాకు భయపడుతున్నారు.+

14 కాబట్టి ఈ ప్రజల విషయంలో నేనే మళ్లీ అద్భుతమైన పనులు చేస్తాను,+

ఒకదాని తర్వాత ఒకటి అద్భుతమైన పనులు చేస్తూనే ఉంటాను;

వీళ్ల జ్ఞానుల తెలివి నశించిపోతుంది,

వీళ్లలోని బుద్ధిగల వాళ్ల అవగాహన కనుమరుగైపోతుంది.”+

వాళ్లు చీకటి స్థలంలో తమ పనులు చేస్తూ,

“మమ్మల్ని ఎవరు చూస్తారు?

17 కొద్ది సమయంలోనే లెబానోను ఒక పండ్ల తోటలా తయారౌతుంది,+

ఆ పండ్ల తోట అడవిగా ఎంచబడుతుంది.+

18 ఆ రోజు, చెవిటివాళ్లు ఆ గ్రంథంలోని మాటలు వింటారు,

గుడ్డివాళ్ల కళ్లు చీకట్లో నుండి, అంధకారంలో నుండి చూస్తాయి.+

19 సాత్వికులు యెహోవాను బట్టి ఎంతో సంతోషిస్తారు,

పేదవాళ్లు ఇశ్రాయేలు పవిత్ర దేవుణ్ణి బట్టి చాలా ఆనందిస్తారు.+

20 ఎందుకంటే నిరంకుశ పాలకుడు ఇక ఉండడు,

గొప్పలు చెప్పుకున్న వ్యక్తి అంతమైపోతాడు,

హానిచేయాలని కాచుకొని కూర్చున్న వాళ్లంతా నాశనం చేయబడతారు,+

21 అబద్ధాలతో ఇతరుల్ని దోషులుగా చేసేవాళ్లు,

నగర ద్వారం దగ్గర గద్దించే* వ్యక్తి కోసం ఉచ్చు పన్నేవాళ్లు,+

అర్థంపర్థంలేని వాదనలతో నీతిమంతుడికి న్యాయం జరగకుండా చేసేవాళ్లు+ లేకుండా పోతారు.

“ఇక మీదట యాకోబు సిగ్గుపడడు,

అతని ముఖం ఇక ఎంతమాత్రం పాలిపోదు.*+

23 ఎందుకంటే, అతను నా చేతిపనైన తన పిల్లల్ని

తన మధ్య చూసినప్పుడు,+

వాళ్లు నా పేరును పవిత్రపరుస్తారు;

అవును, యాకోబు పవిత్ర దేవుణ్ణి వాళ్లు పవిత్రపరుస్తారు,

ఇశ్రాయేలు దేవుణ్ణి బట్టి సంభ్రమాశ్చర్యాలకు లోనౌతారు.+

24 ఆలోచన పక్కదారి పట్టినవాళ్లు అవగాహనను పొందుతారు,

ఫిర్యాదు చేసేవాళ్లు ఉపదేశాన్ని స్వీకరిస్తారు.”

30 యెహోవా ఇలా అంటున్నాడు: “లోబడని మొండి పిల్లలకు+ శ్రమ,

వాళ్లు నావి కాని ఉద్దేశాల్ని నెరవేరుస్తున్నారు,+

నా ఇష్టానికి విరుద్ధంగా దేశాలతో సంధి చేసుకుంటున్నారు,*

అలా వాళ్లు పాపం మీద పాపం మూటగట్టుకుంటున్నారు.

 2 నన్ను సంప్రదించకుండా+ వాళ్లు ఐగుప్తుకు వెళ్తున్నారు,+

ఫరో సంరక్షణలో ఉండడానికి,

ఐగుప్తు నీడలో ఆశ్రయం పొందడానికి వాళ్లు వెళ్తున్నారు!

 3 అయితే ఫరో సంరక్షణలో ఉండడం వల్ల మీరు సిగ్గుపడాల్సి వస్తుంది,

ఐగుప్తు నీడలో ఆశ్రయం పొందడం వల్ల మీరు అవమానాలపాలు అవుతారు.+

 4 అతని అధిపతులు సోయనులో+ ఉన్నారు,

అతని ప్రతినిధులు హానేసుకు చేరుకున్నారు.

 5 తమకు ఏమాత్రం ప్రయోజనం చేకూర్చలేని ప్రజల వల్ల,

సిగ్గు, అవమానం తీసుకురావడం తప్ప సహాయం గానీ, మేలు గానీ చేయలేని ప్రజల వల్ల

వాళ్లంతా సిగ్గుపడతారు.”+

కష్టాలూ కన్నీళ్లతో నిండిన దేశం గుండా,

అంటే సింహం, గర్జించే సింహం నివసించే దేశం గుండా,

విషసర్పం, మంటపుట్టించే విషమున్న ఎగిరే సర్పం* నివసించే దేశం గుండా వెళ్తూ

గాడిదల మీద వాళ్లు తమ సంపదను,

ఒంటెల వీపుల మీద తమ సామాన్లను మోసుకెళ్తున్నారు.

 8 “ఇప్పుడు నువ్వు వెళ్లి, వాళ్ల సమక్షంలో ఈ విషయాన్ని పలక మీద చెక్కు,

పుస్తకంలో దాన్ని రాయి,+

అలా అది భవిష్యత్తులో ఏదో ఒక రోజు

శాశ్వతమైన సాక్ష్యంగా పనిచేస్తుంది.+

 9 ఎందుకంటే వాళ్లు తిరుగుబాటు చేసే ప్రజలు,+ మోసం చేసే పిల్లలు,+

వాళ్లు యెహోవా ధర్మశాస్త్రాన్ని* వినడానికి ఇష్టపడరు.+

“మీరు ఈ మాటను తిరస్కరించి+

వంచనను, మోసాన్ని నమ్ముకుంటున్నారు,

వాటి మీద ఆధారపడుతున్నారు;+

13 కాబట్టి ఈ తప్పు మీకు పగిలిన గోడలా,

ఉబ్బిపోయి పడిపోవడానికి సిద్ధంగా ఉన్న ఎత్తైన గోడలా తయారౌతుంది.

14 కుమ్మరివాడి పెద్ద కుండ పగలగొట్టబడినట్టు అది పగలగొట్టబడుతుంది,

అది ఎంతగా నలగ్గొట్టబడుతుందంటే,

పొయ్యిలో నుండి నిప్పులు లాగడానికి గానీ

గుంటలో* నుండి నీళ్లు తీసుకోవడానికి గానీ ఒక్క పెంకు కూడా మిగలదు.”

“నా దగ్గరికి తిరిగొచ్చి విశ్రాంతి తీసుకుంటే మీరు రక్షించబడతారు;

మీరు కంగారుపడకుండా, నమ్మకం చూపిస్తే అదే మీకు బలం.”+

17 ఒక్క వ్యక్తి బెదిరిస్తే మీలో వెయ్యిమంది వణికిపోతారు;+

ఐదుగురు బెదిరిస్తే మీరంతా పారిపోతారు.

మీలో మిగిలినవాళ్లు పర్వత శిఖరం మీద ఉన్న స్తంభంలా,

కొండ మీదున్న ధ్వజస్తంభంలా అయ్యేవరకు అలా జరుగుతుంది.+

18 అయితే మీ మీద అనుగ్రహం చూపించాలని యెహోవా ఓపిగ్గా ఎదురుచూస్తున్నాడు,*+

మీ మీద కరుణ చూపించడానికి ఆయన లేస్తాడు.+

27 ఇదిగో! దూరం నుండి యెహోవా వస్తున్నాడు,*

మండే కోపంతో, దట్టమైన మేఘాలతో ఆయన వస్తున్నాడు.

ఆయన పెదాలు ఉగ్రతతో నిండిపోయాయి,

ఆయన నాలుక దహించే అగ్నిలా ఉంది.+

28 ఆయన శ్వాస* మెడ లోతు వరకు ప్రవహించే వాగులా ఉంది,

అది నాశనమనే జల్లెడలో* దేశాల్ని జల్లెడపడుతుంది.

జనాల్ని తప్పుదారి పట్టించే ఒక కళ్లెం వాళ్ల దవడలకు ఉంటుంది.+

29 నీ పాట, పండుగ+ కోసం సిద్ధపడుతున్నప్పుడు*

రాత్రిపూట పాడే పాటలా ఉంటుంది;

నీ హృదయం, పిల్లనగ్రోవి ఊదుతూ*

యెహోవా పర్వతానికి, అంటే ఇశ్రాయేలు ఆశ్రయదుర్గం*+ దగ్గరికి

వెళ్లే వ్యక్తి సంతోషించినట్టు సంతోషిస్తుంది.

30 యెహోవా గంభీరమైన తన స్వరాన్ని+ వినిపిస్తాడు,

దహించే అగ్ని జ్వాలతో,+

కుండపోత వర్షంతో,+ ఉరుముల తుఫానుతో, వడగండ్లతో+

కోపాగ్నితో దిగివస్తున్న తన బాహువును+ ఆయన వెల్లడిచేస్తాడు.

31 యెహోవా స్వరం విని అష్షూరు భయంతో హడలిపోతుంది;+

ఆయన కర్రతో దాన్ని కొడతాడు.+

32 యెహోవా అష్షూరును శిక్షించడానికి

దానిమీదికి తన కర్రను ఎత్తిన ప్రతీసారి,

యుద్ధంలో ఆయన వాళ్ల మీద తన బాహువును ఆడిస్తుండగా+

కంజీరల* నాదం, వీణల*+ నాదం వినిపిస్తాయి.

33 ఎందుకంటే అతని తోఫెతు*+ ఇప్పటికే సిద్ధంగా ఉంది;

అది రాజు కోసం కూడా సిద్ధం చేయబడింది.+

ఆయన ఆ చోటును విశాలంగా, లోతుగా చేశాడు;

దానిలో మంటలు, కట్టెలు సమృద్ధిగా ఉన్నాయి.

గంధకపు వాగులా యెహోవా శ్వాస

దానికి నిప్పు అంటిస్తుంది.

31 సహాయం కోసం ఐగుప్తుకు వెళ్లేవాళ్లకు+ శ్రమ!

వాళ్లు గుర్రాల మీద ఆధారపడుతున్నారు,+

చాలా ఉన్నాయని యుద్ధ రథాల్ని,

బలంగా ఉన్నాయని యుద్ధ అశ్వాల్ని* నమ్ముకుంటున్నారు.

కానీ వాళ్లు ఇశ్రాయేలు పవిత్ర దేవుని వైపు చూడట్లేదు,

యెహోవా కోసం వెదకట్లేదు.

 2 అయితే, ఆయన కూడా తెలివిగలవాడే,

ఆయన తప్పకుండా విపత్తు తీసుకొస్తాడు, తన మాటల్ని వెనక్కి తీసుకోడు.

దుష్టుల ఇంటి మీదికి,

తప్పుచేసేవాళ్లకు సహకరించే వాళ్ల మీదికి ఆయన లేస్తాడు.+

 3 అయినా ఐగుప్తీయులు మామూలు మనుషులే, వాళ్లు దేవుడు కాదు;

వాళ్ల గుర్రాలు మామూలు జంతువులే, అవి అదృశ్య శక్తులు కావు.+

యెహోవా తన చెయ్యి చాపినప్పుడు,

సహాయం చేసే వ్యక్తి తడబడతాడు,

సహాయం పొందిన వ్యక్తి పడిపోతాడు;

వాళ్లంతా ఒకేసారి నాశనమౌతారు.

“జంతువు తనకు చిక్కినప్పుడు సింహం గర్జించినట్టు, బలమైన కొదమ సింహం గుర్రుమన్నట్టు,

దాన్ని వెళ్లగొట్టడానికి కాపరులందర్నీ పిలిచినప్పుడు

వాళ్ల శబ్దానికి భయపడకుండా,

ఆ కోలాహలానికి బెదిరిపోకుండా అది గుర్రుమన్నట్టు

సైన్యాలకు అధిపతైన యెహోవా యుద్ధం చేయడానికి

సీయోను పర్వతం మీదికి, దాని కొండ మీదికి దిగివస్తాడు.

 8 అష్షూరీయులు ఖడ్గంతో చంపబడతారు, కానీ అది మనిషి ఖడ్గం కాదు;

మనుషులది కాని ఖడ్గం వాళ్లను మింగేస్తుంది.+

ఖడ్గాన్ని చూసి వాళ్లు పారిపోతారు,

వాళ్ల యువకులు బానిసలౌతారు.

 9 విపరీతమైన భయం వల్ల అతని ఆశ్రయదుర్గం* నాశనమైపోతుంది,

ధ్వజస్తంభాన్ని చూసి అతని అధిపతులు భయంతో వణికిపోతారు” అని యెహోవా అంటున్నాడు.

ఆయన నిప్పు సీయోనులో, ఆయన కొలిమి యెరూషలేములో ఉన్నాయి.

32 ఇదిగో! రాజు+ నీతి కోసం* రాజ్యపాలన చేస్తాడు,+

అధిపతులు న్యాయం కోసం* పరిపాలన చేస్తారు.

 2 ప్రతీ ఒక్కరు గాలికి చాటైన చోటులా,*

తుఫాను నుండి దాక్కునే చోటులా,*

నీళ్లులేని దేశంలో నీళ్ల కాలువలా,+

ఎండిపోయిన దేశంలో పెద్ద బండ నీడలా ఉంటారు.

 3 అప్పుడు, చూసేవాళ్ల కళ్లు మూయబడవు,

వినేవాళ్ల చెవులు శ్రద్ధగా ఆలకిస్తాయి.

 4 తొందరపాటు పనులు చేసేవాళ్ల హృదయం జ్ఞానయుక్తమైన విషయాల గురించి ఆలోచిస్తుంది,

నత్తివాళ్ల నాలుక తడబడకుండా స్పష్టంగా మాట్లాడుతుంది.+

 5 తెలివిలేని వాణ్ణి ఇక ఎంతమాత్రం ఉదారస్వభావి అని పిలవరు,

నీతినియమాల్లేని వాణ్ణి గొప్పవాడని అనరు.

 6 ఎందుకంటే తెలివిలేనివాడు అర్థంపర్థంలేని మాటలు మాట్లాడతాడు,

అతని హృదయం హానిచేయాలని కుట్ర పన్నుతుంది;+

భక్తిహీనంగా ప్రవర్తించడానికి,* యెహోవా గురించి ఇష్టమొచ్చినట్టు మాట్లాడడానికి,

ఆకలిగా ఉన్నవాళ్లకు ఆహారం దొరకకుండా చేయడానికి,

దాహంగా ఉన్నవాళ్లకు నీళ్లు దొరకకుండా చేయడానికి అతను పథకాలు వేస్తాడు.

 7 నీతినియమాలు లేనివాడి విధానాలు చెడ్డవి;+

పేదవాళ్లు చెప్పేది సరిగ్గా ఉన్నాసరే,

కష్టాల్లో ఉన్నవాళ్లను అబద్ధాలతో నాశనం చేయడానికి+

అతను అవమానకరమైన ప్రవర్తనను ప్రోత్సహిస్తాడు.

 8 అయితే ఉదారస్వభావి ఉద్దేశాలు ఉదారంగా ఉంటాయి,

అతను పట్టుదలతో ఉదారమైన* పనులు చేస్తూ ఉంటాడు.

10 నిశ్చింతగా ఉన్న మీరు ఒక్క సంవత్సరం గడవగానే వణికిపోతారు,

ఎందుకంటే, ద్రాక్ష కోత ముగిసేసరికి ఒక్క ద్రాక్షపండు కూడా సమకూర్చబడదు.+

మీ బట్టలు తీసేసి*

నడుము చుట్టూ గోనెపట్ట కట్టుకోండి.+

12 రమ్యమైన పొలాల్ని బట్టి, బాగా పండే ద్రాక్షతీగల్ని బట్టి

దుఃఖంతో గుండెలు బాదుకోండి.

13 ఎందుకంటే నా ప్రజల నేల ముళ్లతో, ముళ్లపొదలతో కప్పబడుతుంది;

ఉల్లసించే ఇళ్లన్నిటినీ,

అవును, సంతోషంగా ఉండే నగరమంతటినీ+ అవి కప్పేస్తాయి.

14 ఎందుకంటే పటిష్ఠమైన బురుజు వదిలేయబడింది;

సందడిగా ఉండే నగరం విడిచిపెట్టబడింది.+

ఓపెలు,+ కావలిబురుజు ఎప్పటికీ పనికిరాని స్థలంగా తయారయ్యాయి,

అవి అడవి గాడిదలు సంతోషించే స్థలంగా,

మందలు మేత మేసే స్థలంగా మారిపోయాయి.+

15 పైనుండి మన మీద పవిత్రశక్తి కుమ్మరించబడి+

ఎడారి పండ్ల తోటలా మారేవరకు,

పండ్ల తోట అడవిలా మారేవరకు+ పరిస్థితి అలాగే ఉంటుంది.

16 అప్పుడు ఎడారిలో న్యాయం నివసిస్తుంది,

పండ్ల తోటలో నీతి నివసిస్తుంది.+

17 నిజమైన నీతి వల్ల శాంతి కలుగుతుంది,+

నిజమైన నీతికి ఫలం శాశ్వతమైన నెమ్మది, భద్రత.+

18 నా ప్రజలు ప్రశాంతమైన నివాస స్థలంలో,

సురక్షితమైన నివాసాల్లో, నెమ్మదిగల విశ్రాంతి స్థలాల్లో నివసిస్తారు.+

19 అయితే వడగండ్లు అడవిని నేలమట్టం చేస్తాయి,

నగరం పూర్తిగా చదును చేయబడుతుంది.

20 చాలా నీళ్లున్న చోట విత్తనాలు విత్తే మీరు,

పొలంలో ఎద్దును, గాడిదను వదిలే+ మీరు సంతోషంగా ఉంటారు.”

33 నాశనం చేయబడని నాశకుడా,+

మోసగించబడని మోసగాడా, నీకు శ్రమ!

ప్రతీ ఉదయం నువ్వు మా బలానివి* అవ్వు,+

అవును, కష్టకాలంలో మా రక్షణవి అవ్వు.+

 4 తిండిబోతు మిడతలు పోగైనట్టుగా మీ దోపుడుసొమ్ము పోగుచేయబడుతుంది;

మిడతల దండ్లు వచ్చినట్టు ప్రజలు వేగంగా దాని మీదికి వస్తారు.

 5 యెహోవా హెచ్చించబడతాడు,

ఎందుకంటే ఆయన అత్యున్నత స్థలాల్లో నివసిస్తాడు.

 6 నీ కాలాలకు స్థిరత్వాన్ని ఇచ్చేది ఆయనే;

రక్షణను,+ తెలివిని, జ్ఞానాన్ని, యెహోవా పట్ల భయభక్తుల్ని+ సమృద్ధిగా ఇచ్చేది ఆయనే;

ఇదే అతని సంపద.*

 7 ఇదిగో! వాళ్ల శూరులు వీధుల్లో కేకలు వేస్తున్నారు;

శాంతి సందేశకులు బోరున ఏడుస్తున్నారు.

 8 రహదారులు నిర్మానుష్యం అయ్యాయి;

దారుల్లో ఎవరూ ప్రయాణించట్లేదు.

అతను* ఒప్పందాన్ని మీరాడు;

నగరాల్ని తృణీకరించాడు;

మనుషులంటే అతనికి లెక్కే లేదు.+

షారోను ఎడారిలా మారింది,

బాషాను, కర్మెలు ఊగుతూ ఆకులు రాలుస్తున్నాయి.+

10 యెహోవా ఇలా అంటున్నాడు: “ఇప్పుడు నేను లేస్తాను,

ఇప్పుడు నన్ను నేను హెచ్చించుకుంటాను;+

ఇప్పుడు నన్ను నేను ఘనపర్చుకుంటాను.

14 సీయోనులోని పాపులు భయపడుతున్నారు;+

మతభ్రష్టులు భయంతో వణికిపోతున్నారు.

15 ఎప్పుడూ నీతిగా నడుచుకుంటూ,+

నిజాయితీగా మాట్లాడుతూ,+

అన్యాయం వల్ల, మోసం వల్ల వచ్చే లాభాన్ని తిరస్కరిస్తూ,

లంచం తీసుకోవడానికి చేతులు చాపకుండా ఉండే వ్యక్తి,+

రక్తపాతం గురించిన మాటలు వినకుండా తన చెవిని,

చెడును చూడకుండా తన కళ్లను మూసుకునే వ్యక్తి

16 ఎత్తైన స్థలాల్లో నివసిస్తాడు;

అతని సురక్షితమైన ఆశ్రయం* బలమైన రాతి కోటల్లో ఉంటుంది;

అతనికి ఆహారం దొరుకుతుంది,

అతని నీటి సరఫరా ఎప్పటికీ ఆగదు.”+

17 నీ కళ్లు మహిమాన్విత రాజును చూస్తాయి;

అవి సుదూరాన ఉన్న దేశాన్ని చూస్తాయి.

19 అహంకారులైన* ప్రజల్ని నువ్విక చూడవు,

వాళ్ల భాష గ్రహించలేనంత కష్టంగా* ఉంటుంది,

వాళ్ల నత్తి మాటలు నీకు అర్థంకావు.+

యెరూషలేము ప్రశాంతమైన నివాస స్థలంగా,

ఎప్పటికీ కదిలించబడని గుడారంలా+ ఉండడం నీ కళ్లు చూస్తాయి.

ఆ గుడారం మేకులు ఎప్పటికీ ఊడదీయబడవు,

దాని తాళ్లలో ఒక్కటి కూడా ఎప్పటికీ తెంచేయబడదు.

21 మహిమాన్వితుడైన యెహోవా

అక్కడ మనకు నదులు, విశాలమైన కాలువలు పారే ప్రాంతంగా ఉంటాడు;

తెడ్ల ఓడల సమూహమేదీ అక్కడికి వెళ్లదు,

వైభవోపేతమైన ఓడలేవీ అటుగా వెళ్లవు.

22 ఎందుకంటే యెహోవా మన న్యాయమూర్తి,+

యెహోవా మన శాసనకర్త,+

యెహోవా మన రాజు;+

మనల్ని రక్షించేది ఆయనే.+

23 నీ శత్రువుల ఓడల తాళ్లు వదులుగా వేలాడతాయి;

అవి ఓడ కొయ్యను పట్టివుంచలేవు, దాని తెరచాపను విప్పలేవు.

ఆ సమయంలో విస్తారమైన దోపుడుసొమ్మును పంచుకుంటారు;

కుంటివాడు కూడా చాలా దోపుడుసొమ్ము తీసుకుంటాడు.+

34 దేశాల్లారా, దగ్గరికి వచ్చి వినండి,

జనాల్లారా, ఆలకించండి.

భూమి, అందులో ఉన్నవన్నీ,

అలాగే నేల, దానిలో పండేదంతా వినాలి.

 2 ఎందుకంటే దేశాలన్నిటి మీద యెహోవా కోపంగా ఉన్నాడు,+

వాటి సైన్యమంతటి మీద ఆయన చాలా కోపంగా ఉన్నాడు.+

ఆయన వాటిని సమూలంగా నాశనం చేస్తాడు;

ఆయన వాటిని వధకు అప్పగిస్తాడు.+

 3 వాళ్లలో హతులైన వాళ్లను విసిరిపారేస్తారు,

ఆ కళేబరాల కంపు పైకి లేస్తుంది;+

వాళ్ల రక్తంలో పర్వతాలు కరిగిపోతాయి.*+

 4 ఆకాశ సైన్యమంతా కుళ్లిపోతుంది,

గ్రంథపుచుట్ట చుట్టబడినట్టు ఆకాశం చుట్టబడుతుంది.

వాడిపోయిన ఆకు ద్రాక్షతీగ నుండి రాలినట్టు,

ముడుచుకుపోయిన అంజూర పండు అంజూర చెట్టు నుండి రాలిపడినట్టు

వాటి సైన్యమంతా వాడిపోయి రాలిపోతుంది.

అది న్యాయానికి అనుగుణంగా ఎదోము మీదికి,+

అంటే నేను సమూలంగా నాశనం చేయాలనుకున్న ప్రజల మీదికి దిగివస్తుంది.

అది కొవ్వుతో కప్పబడుతుంది,+

మగ గొర్రెపిల్లల రక్తంతో, మేకల రక్తంతో తడిసిపోతుంది,

పొట్టేళ్ల మూత్రపిండాల మీది కొవ్వుతో అది కప్పబడుతుంది.

ఎందుకంటే బొస్రాలో యెహోవాకు ఒక బలి ఉంది,

ఎదోము దేశంలో గొప్ప వధ జరగబోతుంది.+

 7 వాటితో పాటు అడవి దున్నలు,

బలమైనవాటితో పాటు కోడెదూడలు కిందికి దిగుతాయి.

దేశం రక్తంతో తడిసి ముద్దౌతుంది,

దాని ధూళి కొవ్వులో నానుతుంది.”

 8 ఎందుకంటే, పగ తీర్చుకునే ఒక రోజు యెహోవాకు ఉంది,+

అది సీయోను తరఫున చట్టపరమైన వివాదం విషయంలో ప్రతీకారం చేసే సంవత్సరం.+

 9 దాని* కాలువలు కీలులా,

దాని మట్టి గంధకంలా,

దాని నేల మండుతున్న కీలులా తయారౌతుంది.

10 రాత్రైనా, పగలైనా అది ఆరిపోదు;

దాని పొగ ఎప్పటికీ పైకి లేస్తూనే ఉంటుంది.

తరతరాలపాటు అది పాడైన స్థితిలోనే ఉండిపోతుంది.

ఎవ్వరూ ఎన్నడూ దాని గుండా వెళ్లరు.+

11 గూడబాతు,* ముళ్లపంది దాన్ని ఆక్రమించుకుంటాయి,

పొడుగు చెవుల గుడ్లగూబలు, కాకులు దానిలో నివసిస్తాయి.

శూన్యం అనే కొలనూలుతో,

వ్యర్థత అనే లంబసూత్రంతో* ఆయన దాన్ని కొలుస్తాడు.

12 దాని ప్రముఖుల్లో ఎవ్వరూ రాజరికం కోసం పిలవబడరు,

దాని అధిపతులంతా లేకుండాపోతారు.

13 దాని పటిష్ఠమైన బురుజుల్లో ముళ్లు పెరుగుతాయి,

దాని కోటల్లో దురదగొండి మొక్కలు, ముళ్ల మొక్కలు పెరుగుతాయి.

అది నక్కలు నివసించే చోటుగా,+

నిప్పుకోళ్లకు నివాసంగా తయారౌతుంది.

14 ఎడారి ప్రాణులు, ఊల వేసే జంతువులు అక్కడ కలుసుకుంటాయి,

కొండమేక* తన జత కోసం అరుస్తుంది.

15 ఎగిరే పాము అక్కడ గూడు కట్టి, గుడ్లు పెడుతుంది,

వాటిని పొదిగి, తన నీడలో వాటిని సమకూరుస్తుంది.

వాటిలో ఒక్కటి కూడా లేకుండా పోదు;

వాటిలో ప్రతీ దానికి జత ఉంటుంది,

ఎందుకంటే యెహోవాయే స్వయంగా తన నోటితో ఆదేశించాడు,

ఆయన పవిత్రశక్తే* వాటిని సమకూర్చింది.

17 వాటికోసం చీటి* వేసింది ఆయనే,

వాటికి స్థలాన్ని కొలిచి నియమించింది* ఆయన చెయ్యే.

అది ఎప్పటికీ వాటి సొంతమౌతుంది;

తరతరాలపాటు ఎప్పటికీ అవి అందులోనే నివసిస్తాయి.

35 ఎడారి, ఎండిన భూమి ఉల్లసిస్తాయి,+

ఎడారి మైదానం సంతోషించి కుంకుమ* పువ్వులా వికసిస్తుంది.+

 2 అది తప్పకుండా వికసిస్తుంది;+

సంతోషంతో ఆనందంగా కేకలు వేస్తుంది.

లెబానోను మహిమ దానికి ఇవ్వబడుతుంది,+

కర్మెలు,+ షారోనుల+ వైభవం దానికి ఉంటుంది.

 3 బలహీనంగా ఉన్న చేతుల్ని బలపర్చండి,

వణుకుతున్న మోకాళ్లను దృఢపర్చండి.+

ఇదిగో! స్వయంగా మీ దేవుడే పగ తీర్చుకోవడానికి వస్తాడు.

ప్రతీకారం చేయడానికి దేవుడు వస్తాడు.+

 5 అప్పుడు గుడ్డివాళ్ల కళ్లు తెరవబడతాయి,+

చెవిటివాళ్ల చెవులు విప్పబడతాయి.+

 6 కుంటివాళ్లు జింకలా గంతులేస్తారు,+

మూగవాళ్ల నాలుక సంతోషంతో కేకలు వేస్తుంది.+

ఎడారిలో నీళ్లు ఉబుకుతాయి,

ఎడారి మైదానంలో కాలువలు పారతాయి.

 7 ఎండిన నేల జమ్ము మడుగు అవుతుంది,

దాహంగా ఉన్న నేలలో నీటి ఊటలు పుడతాయి.+

నక్కలు విశ్రాంతి తీసుకున్న చోట+

పచ్చగడ్డి, రెల్లు, జమ్ము* పెరుగుతాయి.

 8 ఒక రాజమార్గం ఉంటుంది,+

అవును, పవిత్ర మార్గం అనే దారి ఉంటుంది.

అర్హులైనవాళ్లు మాత్రమే అందులో నడుస్తారు;

మూర్ఖులెవ్వరూ దారితప్పి ఆ మార్గంలోకి వెళ్లరు.

 9 సింహాలేవీ అక్కడ ఉండవు,

క్రూరమైన అడవి మృగాలేవీ ఆ దారిలోకి రావు.

అవి అక్కడ కనిపించవు;+

తిరిగి కొనబడినవాళ్లు మాత్రమే అక్కడ నడుస్తారు.+

ఉల్లాసం, సంతోషం వాళ్ల సొంతమౌతాయి,

దుఃఖం, నిట్టూర్పు ఎగిరిపోతాయి.+

నీ గొంతునూ, అహంకారంతో నిండిన నీ కళ్లనూ పైకెత్తింది ఎవరి మీద?+

ఇశ్రాయేలు పవిత్ర దేవుని మీదే కదా!+

24 నీ సేవకుల ద్వారా నువ్వు యెహోవాను నిందించి+ ఇలా అన్నావు:

‘నా యుద్ధ రథాల సమూహంతో

నేను పర్వత శిఖరాల మీదికి ఎక్కుతాను,+

లెబానోను మారుమూల ప్రాంతాల్ని చేరుకుంటాను.

25 నేను బావులు తవ్వి నీళ్లు తాగుతాను;

అరికాళ్లతో ఐగుప్తు వాగుల్ని* ఎండిపోజేస్తాను.’

27 వాటి నివాసులు నిస్సహాయులౌతారు;

వాళ్లు భయపడిపోతారు, అవమానాలపాలు అవుతారు.

వాళ్లు పొలంలోని మొక్కల్లా, పచ్చగడ్డిలా తయారౌతారు,

తూర్పు గాలికి వాడిపోయిన పైకప్పుల మీది గడ్డిలా అవుతారు.

28 అయితే నువ్వు ఎప్పుడు కూర్చుంటావో, ఎప్పుడు బయటికి వెళ్తావో, ఎప్పుడు లోపలికి వస్తావో,

ఎప్పుడు నా మీద కోపంగా ఉంటావో నాకు బాగా తెలుసు.+

29 ఎందుకంటే నా మీద నీకున్న కోపం గురించి,+ నీ రంకెల గురించి నాకు వినబడింది.+

కాబట్టి నేను నా కొక్కెం నీ ముక్కుకు తగిలించి, నీ నోటికి కళ్లెం+ వేసి

నువ్వు వచ్చిన దారినే నిన్ను వెనక్కి నడిపిస్తాను.”

“అతను ఈ నగరంలోకి రావడం గానీ,+

ఒక బాణం వేయడం గానీ,

డాలుతో ఎదిరించడం గానీ,

ముట్టడిదిబ్బ కట్టడం గానీ జరగదు.” ’+

34 ‘అతను వచ్చిన దారినే వెళ్లిపోతాడు;

అతను ఈ నగరంలో అడుగుపెట్టడు’ అని యెహోవా ప్రకటిస్తున్నాడు.

35 ‘నేను నా కోసం, నా సేవకుడైన దావీదు కోసం+

ఈ నగరాన్ని కాపాడి సంరక్షిస్తాను.’ ”+

10 నేను ఇలా అనుకున్నాను: “నా ఆయుష్షు తీరకుండానే

నేను సమాధి* ద్వారాల్లోకి వెళ్లాల్సి వస్తుంది.

జీవంలేని చోట* నివసించేవాళ్లతో నేను ఉన్నప్పుడు

నేనిక మనుషుల్ని చూడలేను.

12 గొర్రెల కాపరి డేరా లాగివేయబడినట్టు

నా సొంత నివాసం నా దగ్గర నుండి లాగివేయబడి తీసేయబడింది.+

మగ్గం పనివాడిలా నేను నా జీవితాన్ని చుట్టేశాను;

వస్త్రపు నిలువు పోగుల్ని కత్తిరించినట్టు ఆయన నన్ను కత్తిరించేస్తాడు.

సింహంలా ఆయన నా ఎముకలన్నీ విరగ్గొడుతూ ఉన్నాడు;

ఉదయం నుండి రాత్రివరకు నువ్వు నన్ను చావుకు దగ్గర చేస్తూ ఉన్నావు.+

14 మంగలకత్తి పిట్టలా, మైనా పిట్టలా* నేను కిచకిచలాడుతూ ఉన్నాను;+

పావురంలా మూల్గుతూ ఉన్నాను.+

‘యెహోవా, నేను పెద్ద ఆపదలో ఉన్నాను;

నన్ను ఆదుకో!’*+

నాకు వచ్చిన ఘోరమైన కష్టాన్ని బట్టి

నా జీవితకాలమంతా నేను వినయంగా* నడుచుకుంటాను.

16 ‘యెహోవా, వీటి* వల్ల ప్రతీ మనిషి బ్రతుకుతాడు,

వాటిలోనే నా జీవశక్తి* ఉంది.

17 ఇదిగో! నెమ్మదితో కాకుండా తీవ్రమైన వేదనతో నేను నిండిపోయాను;

నా ప్రాణం మీద నీకున్న ఇష్టం వల్ల,

నాశనమనే గోతిలోకి వెళ్లకుండా నన్ను కాపాడావు.+

18 ఎందుకంటే సమాధి* నిన్ను మహిమపర్చలేదు,+

మరణం నిన్ను స్తుతించలేదు.+

19 బ్రతికున్నవాళ్లు, అవును బ్రతికున్నవాళ్లే

ఈ రోజు నేను చేస్తున్నట్టుగా నిన్ను స్తుతించగలరు.

20 యెహోవా, నన్ను రక్షించు;

అప్పుడు మేము జీవించినంత కాలం యెహోవా మందిరంలో+

తంతివాద్యాలతో నా పాటల్ని వాయిస్తాం.’ ”+

 2 “యెరూషలేముకు ఊరట కలిగేలా మాట్లాడండి,

ఆమె సైనిక సేవ పూర్తైందని,

ఆమె దోషానికి పరిహారం దొరికిందని+ ఆమెకు ప్రకటించండి.

 4 ప్రతీ లోయ ఎత్తు చేయబడాలి,

ప్రతీ పర్వతం, ప్రతీ కొండ అణచబడాలి.

గరుకైన నేల చదును చేయబడాలి,

ఎత్తుపల్లాలు ఉన్న నేల లోయ మైదానంగా చేయబడాలి.+

 5 యెహోవా మహిమ వెల్లడి చేయబడుతుంది,+

మనుషులంతా దాన్ని చూస్తారు,+

ఎందుకంటే, ఆ మాట యెహోవా నోటి నుండి వచ్చింది.”

 7 యెహోవా తన ఊపిరిని* ఊదినప్పుడు

పచ్చగడ్డి ఎండిపోతుంది,

దాని పువ్వు వాడిపోతుంది.+

 8 పచ్చగడ్డి ఎండిపోతుంది,

దాని పువ్వు వాడిపోతుంది,

కానీ మన దేవుని వాక్యం ఎప్పటికీ నిలిచివుంటుంది.”+

 9 సీయోనుకు శుభవార్త తెస్తున్న ఓ స్త్రీ,

ఎత్తైన పర్వతం మీదికి ఎక్కివెళ్లు,

యెరూషలేముకు శుభవార్త తెస్తున్న ఓ స్త్రీ,+

నీ స్వరాన్ని బిగ్గరగా వినిపించు,

10 ఇదిగో! సర్వోన్నత ప్రభువైన యెహోవా తన శక్తితో వస్తాడు,

ఆయన బాహువు ఆయన తరఫున పరిపాలిస్తుంది.+

ఇదిగో! ఆయనిచ్చే ప్రతిఫలం ఆయన దగ్గరే ఉంది,

ఆయనిచ్చే జీతం ఆయన ముందే ఉంది.+

గొర్రెపిల్లల్ని ఆయన తన బాహువుతో సమకూరుస్తాడు,

వాటిని తన గుండెల మీద మోస్తాడు.

12 తన దోసిట్లో జలాల్ని కొలిచింది ఎవరు?+

తన జేనతో* ఆకాశం కొలతలు తీసుకుంది ఎవరు?

భూమ్మీది మట్టిని కొలపాత్రలోకి పోగుచేసింది ఎవరు?+

త్రాసులో పర్వతాల్ని,

13 యెహోవా చురుకైన శక్తిని* కొలిచింది* ఎవరు?

ఆయనకు సలహాదారుడిగా ఉండి ఎవరు ఆయనకు ఉపదేశించగలరు?+

14 అవగాహన కోసం ఆయన ఎవర్ని సంప్రదించాడు?

న్యాయ మార్గాన్ని ఎవరు ఆయనకు బోధించగలరు?

జ్ఞానాన్ని ఆయనకు ఎవరు నేర్పగలరు?

నిజమైన అవగాహన మార్గాన్ని ఆయనకెవరు చూపించగలరు?+

15 ఇదిగో! దేశాలు చేద నుండి జారే నీటిబొట్టులా ఉన్నాయి,

అవి త్రాసు మీది దుమ్ము పొరలా ఉన్నాయి.+

16 నిప్పు మండుతూ ఉండడానికి లెబానోను కూడా సరిపోదు,*

దహనబలి కోసం దాని అడవి జంతువులు సరిపోవు.

17 దేశాలన్నీ ఆయన ముందు ఉనికిలో లేనట్టే ఉన్నాయి;+

ఆయన వాటిని శూన్యంగా, వ్యర్థమైనవిగా ఎంచుతాడు.+

19 చేతిపనివాడు విగ్రహాన్ని పోతపోస్తాడు,

కంసాలి దానికి బంగారు రేకు తొడుగుతాడు,+

తర్వాత వెండి గొలుసులు చేస్తాడు.

20 అతను కానుక కోసం ఒక చెట్టును ఎంచుకుంటాడు,+

కుళ్లిపోని చెట్టును అతను ఎంచుకుంటాడు.

ఒరిగిపోకుండా ఉండే చెక్కుడు విగ్రహం తయారుచేయడానికి

అతను నైపుణ్యంగల చేతిపనివాడి కోసం వెతుకుతాడు.+

22 దేవుడు భూగోళానికి* పైన నివసిస్తున్నాడు,+

దాని నివాసులు మిడతల్లా* ఉన్నారు.

పలుచని తెరను విప్పినట్టు ఆయన ఆకాశాన్ని విప్పుతున్నాడు,

నివసించడం కోసం డేరాను చాపినట్టు దాన్ని చాపుతాడు.+

23 ఉన్నతాధికారుల్ని ఆయన కిందికి దించుతాడు,

భూమ్మీది న్యాయమూర్తుల్ని* వ్యర్థమైన వాళ్లుగా చేస్తాడు.

24 వాళ్లు ఇంకా సరిగ్గా నాటబడలేదు,

ఇంకా సరిగ్గా విత్తబడలేదు,

వాళ్ల కాండం ఇంకా భూమిలో వేరు తన్నలేదు,

వాళ్లమీద ఊదగానే వాళ్లు ఎండిపోతారు,

కొయ్యకాలు* గాలికి ఎగిరిపోయినట్టు వాళ్లు ఎగిరిపోతారు.+

వాటిలో ఒక్కోదాన్ని లెక్కపెడుతూ వాటి సైన్యాన్ని బయటికి తీసుకొస్తున్న దేవుడే కదా;

ఆయన వాటన్నిటినీ పేరు పెట్టి పిలుస్తాడు.+

ఆయనకు అపారమైన శక్తి,* సంభ్రమాశ్చర్యాలు పుట్టించే బలం ఉన్నాయి+ కాబట్టి

వాటిలో ఒక్కటి కూడా తప్పిపోదు.

27 యాకోబూ, నువ్వెందుకు ఇలా అంటున్నావు?

ఇశ్రాయేలూ, ‘నా మార్గం యెహోవాకు కనిపించదు,

దేవుని వల్ల నాకు న్యాయం జరగదు’ అని నువ్వెందుకు అంటున్నావు?+

29 అలసిపోయిన వాళ్లకు ఆయన శక్తినిస్తాడు,

బలం* లేనివాళ్లకు పూర్తి బలాన్ని ఇస్తాడు.+

30 బాలురు సొమ్మసిల్లుతారు, అలసిపోతారు,

యువకులు తొట్రిల్లి పడిపోతారు.

31 అయితే యెహోవా మీద ఆశపెట్టుకున్న వాళ్లు కొత్త బలం పొందుతారు.

అలసిపోకుండా పరుగెత్తుతారు;

సొమ్మసిల్లకుండా నడుచుకుంటూ వెళ్తారు.”+

41 “ద్వీపాల్లారా, మౌనంగా ఉండి నేను చెప్పేది వినండి;

దేశాలు మళ్లీ బలం పుంజుకోవాలి.

 2 దేశాల్ని అతని చేతికి అప్పగించాలని,

రాజుల్ని అతనికి లోబర్చాలని+

సూర్యోదయం* వైపు నుండి ఒక వ్యక్తిని బయల్దేరజేసింది ఎవరు?+

న్యాయం జరిగించడానికి తన పాదాల దగ్గరికి* అతన్ని పిలిచింది ఎవరు?

అతని ఖడ్గం ముందు వాళ్లను మట్టికరిపించేది ఎవరు?

అతని విల్లు ముందు వాళ్లను గాలికి ఎగిరే కొయ్యకాలుగా* చేసేది ఎవరు?

 3 తన పాదాలు ఎప్పుడూ నడవని త్రోవల్లో

అతను ఎలాంటి ఆటంకం లేకుండా వాళ్లను తరుముతూ వెళ్తాడు.

 4 మొదటి నుండి తరాల్ని రప్పిస్తూ

ఈ పనికి పూనుకొని దాన్ని చేసింది ఎవరు?

నేనే, యెహోవాను, నేను మొదటివాణ్ణి;+

చివరివాళ్లతో కూడా నేను ఇలాగే ఉంటాను.”+

 6 ప్రతీ వ్యక్తి తన తోటివాడికి సహాయం చేస్తున్నాడు,

తన సహోదరునితో, “ధైర్యంగా ఉండు” అని చెప్తున్నాడు.

 7 చేతిపనివాడు కంసాలిని+ బలపరుస్తున్నాడు;

సుత్తితో సాగగొట్టేవాడు

దాగలి* మీద కొట్టేవాడిని బలపరుస్తున్నాడు.

 8 “అయితే ఇశ్రాయేలూ, నువ్వు నా సేవకుడివి,+

యాకోబూ, నేను నిన్ను ఎంచుకున్నాను,+

నువ్వు నా స్నేహితుడైన అబ్రాహాము సంతానం,*+

 9 నేను భూమి అంచుల నుండి నిన్ను చెయ్యి పట్టుకొని తీసుకొచ్చాను,+

భూమి సుదూర ప్రాంతాల నుండి నిన్ను పిలిచాను.

నేను నీతో ఇలా అన్నాను: ‘నువ్వు నా సేవకుడివి;+

నేను నిన్ను ఎంచుకున్నాను; నేను నిన్ను తిరస్కరించలేదు.+

నేను నిన్ను బలపరుస్తాను, అవును, నీకు సహాయం చేస్తాను,+

నీతి అనే నా కుడిచేతితో నిన్ను గట్టిగా పట్టుకొని ఉంటాను.’

12 నీతో పోరాడేవాళ్ల కోసం నువ్వు వెతుకుతావు, కానీ వాళ్లు నీకు కనిపించరు;

నీతో యుద్ధం చేసేవాళ్లు ఉనికిలో లేకుండా పోతారు, ఎక్కడా ఉండరు.+

13 ఎందుకంటే నీ దేవుడైన యెహోవా అనే నేను నీ కుడిచేతిని పట్టుకుంటున్నాను,

‘భయపడకు. నేను నీకు సహాయం చేస్తాను’ అని నేనే నీతో చెప్తున్నాను.+

14 పురుగులాంటి* యాకోబూ,+ భయపడకు,

ఇశ్రాయేలు జనమా, నేను నీకు సహాయం చేస్తాను” అని నీ విమోచకుడూ, ఇశ్రాయేలు పవిత్ర దేవుడూ అయిన యెహోవా+ అంటున్నాడు.

15 “ఇదిగో! నేను నిన్ను నూర్చే పనిముట్టులా చేశాను,+

పదునైన కొత్త నూర్చే పరికరంలా చేశాను.

నువ్వు పర్వతాల్ని తొక్కి పిండి చేస్తావు,

కొండల్ని పొట్టులా చేస్తావు.

16 నువ్వు వాటిని తూర్పారబడతావు,

అవి గాలికి కొట్టుకుపోతాయి;

సుడిగాలి వాటిని చెల్లాచెదురు చేస్తుంది.

నువ్వు యెహోవాను బట్టి సంతోషిస్తావు,+

ఇశ్రాయేలు పవిత్ర దేవుణ్ణి బట్టి గొప్పలు చెప్పుకుంటావు.”+

19 ఎడారిలో దేవదారు చెట్టును,

తుమ్మ చెట్టును, గొంజి చెట్టును, పైన్‌ చెట్టును నాటుతాను.+

ఎడారి మైదానంలో సరళవృక్షాన్ని,

యాష్‌ చెట్టును,* తమాల వృక్షాన్ని నాటుతాను.+

20 దానివల్ల, యెహోవా చెయ్యి దాన్ని చేసిందని,

ఇశ్రాయేలు పవిత్ర దేవుడే దాన్ని కలగజేశాడని

ప్రజలందరూ చూసి తెలుసుకుంటారు,

శ్రద్ధగా విని అర్థం చేసుకుంటారు.”+

మునుపటి* విషయాల గురించి మాకు చెప్పండి,

అప్పుడు మేము వాటి గురించి ఆలోచించి,* వాటివల్ల చివరికి ఏమౌతుందో తెలుసుకుంటాం.

23 మీరు దేవుళ్లని మేము తెలుసుకునేలా

భవిష్యత్తులో జరగబోయే వాటి గురించి మాకు చెప్పండి.+

అవును, మంచో చెడో ఏదో ఒకటి చేయండి.

అప్పుడు మేము దాన్ని చూసి ఆశ్చర్యపోతాం.+

24 ఇదిగో! అసలు మీరు ఉనికిలోనే లేరు,

మీరు సాధించింది అంటూ ఏమీ లేదు.+

25 ఉత్తరం వైపు నుండి నేనొక వ్యక్తిని బయల్దేరజేశాను, అతను వస్తాడు,+

సూర్యోదయం* వైపు నుండి వచ్చే వ్యక్తి+ నా పేరును మహిమపరుస్తాడు.

అతను బంకమట్టిని తొక్కినట్టు పరిపాలకుల్ని* తొక్కుతాడు,

కుమ్మరి బంకమట్టిని తొక్కినట్టు అతను వాళ్లను తొక్కుతాడు.

26 మేము తెలుసుకునేలా మొదటి నుండి దాని గురించి చెప్పిందెవరు?

‘అతను సరిగ్గా చెప్పాడు’ అని మేము అనేలా గడిచిన కాలాల నుండి వాటిని ఎవరు చెప్పారు?+

28 నేను చూస్తూ వచ్చాను, కానీ ఎవరూ లేరు;

వాళ్లలో సలహా ఇచ్చేవాళ్లు ఒక్కరు కూడా లేరు.

నా పవిత్రశక్తిని ఆయనలో ఉంచాను;+

ఆయన దేశాలకు న్యాయం చేస్తాడు.+

 2 ఆయన కేకలు వేయడు, అరవడు,

వీధుల్లో తన స్వరం వినబడనివ్వడు.+

 3 ఆయన నలిగిన రెల్లును విరవడు,

ఆరిపోబోతున్న వత్తిని ఆర్పడు.+

 4 భూమ్మీద న్యాయాన్ని స్థాపించేవరకు ఆయన అలసిపోడు, చితికిపోడు;+

ద్వీపాలు ఆయన ఉపదేశం* కోసం వేచిచూస్తూ ఉంటాయి.

 5 యెహోవాయే సత్యదేవుడు, ఆయనే ఆకాశాన్ని సృష్టించాడు.

దాన్ని విస్తరింపజేసిన మహాగొప్ప దేవుడు ఆయనే.+

ఆయనే భూమిని, దాని పంటను పరిచాడు.+

దానిమీదున్న ప్రజలకు ఊపిరిని, దానిలో నడిచేవాళ్లకు జీవశక్తిని* ఇస్తున్నది ఆయనే.+

ఆయనిలా అంటున్నాడు:

 6 “యెహోవా అనే నేను నీతితో నిన్ను పిలిచాను;

నేను నీ చేతిని పట్టుకున్నాను.

నిన్ను కాపాడి, ప్రజలకు నిన్ను ఒప్పందంగా,+

దేశాలకు వెలుగుగా చేస్తాను.+

 7 నువ్వు గుడ్డివాళ్ల కళ్లను తెరవాలని,+

బందీగృహంలో నుండి ఖైదీలను బయటికి తేవాలని,

చీకట్లో కూర్చున్నవాళ్లను చెరసాల నుండి విడిపించాలని అలా చేస్తాను.+

 8 నేను యెహోవాను. ఇదే నా పేరు;

నా మహిమను నేను ఎవ్వరికీ ఇవ్వను,*

నాకు రావాల్సిన స్తుతిని చెక్కిన విగ్రహాలకు చెందనివ్వను.+

 9 చూడండి, ముందు చెప్పిన సంగతులు జరిగిపోయాయి;

ఇప్పుడు కొత్త సంగతులు చెప్తున్నాను.

10 సముద్రంలో ప్రయాణించేవాళ్లారా, సముద్రంలోని సమస్తమా,

ద్వీపాల్లారా, వాటి నివాసులారా,+

యెహోవాకు కొత్త పాట పాడండి,+

భూమి కొనల నుండి ఆయనకు స్తుతిగీతాలు పాడండి.+

11 ఎడారి, దాని నగరాలు,

కేదారు+ నివాస ప్రాంతాలు తమ స్వరాన్ని పెంచాలి.+

బండరాళ్ల మధ్య నివసించేవాళ్లు సంతోషంతో కేకలు వేయాలి;

పర్వత శిఖరాల మీద నుండి వాళ్లు బిగ్గరగా అరవాలి.

12 వాళ్లు యెహోవాకు మహిమ ఆపాదించాలి,

ద్వీపాల్లో ఆయనకు స్తుతులు చెల్లించాలి.+

ఆయన బిగ్గరగా అరుస్తాడు, అవును, యుద్ధకేక వినిపిస్తాడు;

తన శత్రువుల కన్నా తాను బలవంతుణ్ణని నిరూపించుకుంటాడు.+

ప్రసవిస్తున్న స్త్రీలా ఒక్కసారిగా నేను

మూల్గుతూ, ఒగరుస్తూ, రొప్పుతాను.

15 నేను పర్వతాల్ని, కొండల్ని నాశనం చేస్తాను;

వాటిమీదున్న మొక్కలన్నిటినీ ఎండిపోజేస్తాను.

నదుల్ని ద్వీపాలుగా* మారుస్తాను

జమ్ము మడుగుల్ని ఎండిపోజేస్తాను.+

16 గుడ్డివాళ్లను వాళ్లకు తెలియని దారిలో నడిపిస్తాను,+

అంతగా పరిచయం లేని దారుల్లో వాళ్లు నడిచేలా చేస్తాను.+

వాళ్ల ముందున్న చీకటిని వెలుగుగా మారుస్తాను,+

ఎగుడుదిగుడు ప్రదేశాన్ని చదునైన నేలగా చేస్తాను.+

17 చెక్కిన విగ్రహాల మీద నమ్మకం పెట్టుకునేవాళ్లు,

పోత* విగ్రహాలతో, “మీరే మా దేవుళ్లు” అని చెప్పేవాళ్లు

వెనక్కి తిరిగెళ్లిపోతారు, పూర్తిగా అవమానాలపాలు అవుతారు.+

18 చెవిటివాళ్లారా, వినండి;

గుడ్డివాళ్లారా, కళ్లు తెరిచి చూడండి.+

19 నా సేవకుడు తప్ప గుడ్డివాళ్లు ఎవరు?

నేను పంపే సందేశకుని అంత చెవిటివాళ్లు ఎవరు?

నేను ప్రతిఫలం ఇచ్చిన వ్యక్తి అంత గుడ్డివాళ్లు ఎవరు?

యెహోవా సేవకుని అంత గుడ్డివాళ్లు ఎవరు?+

21 యెహోవా తన నీతి కోసం

తన ధర్మశాస్త్రాన్ని* ఘనపర్చడంలో, దాన్ని మహిమపర్చడంలో సంతోషించాడు.

22 కానీ ఈ ప్రజలు దోచుకోబడినవాళ్లు, కొల్లగొట్టబడినవాళ్లు;+

వాళ్లంతా గుహల్లో ఇరుక్కుపోయారు, చెరసాలల్లో దాచబడ్డారు.+

వాళ్లు దోచుకోబడ్డారు కానీ రక్షించేవాళ్లు ఎవ్వరూ లేరు.+

వాళ్లు కొల్లగొట్టబడ్డారు కానీ “వాళ్లను వెనక్కి తీసుకురండి!” అని చెప్పేవాళ్లు ఎవ్వరూ లేరు.

24 కొల్లగొట్టడానికి యాకోబును,

దోచుకునేవాళ్లకు ఇశ్రాయేలును అప్పగించింది ఎవరు?

ఆయన మార్గాల్లో నడవడానికి వాళ్లు ఇష్టపడలేదు,

ఆయన ధర్మశాస్త్రానికి* వాళ్లు లోబడలేదు.+

25 కాబట్టి ఆయన తన ఆగ్రహాన్ని,

కోపాగ్నిని, యుద్ధ క్రోధాన్ని అతని మీద కుమ్మరిస్తూ వచ్చాడు.+

43 యెహోవా ఇలా అంటున్నాడు,

యాకోబూ నీ సృష్టికర్త, ఇశ్రాయేలూ నిన్ను తయారుచేసిన దేవుడు ఇలా అంటున్నాడు:+

 2 నువ్వు జలాల గుండా వెళ్లేటప్పుడు, నేను నీకు తోడుగా ఉంటాను;+

నువ్వు నదుల గుండా వెళ్లినప్పుడు, అవి నిన్ను ముంచెత్తవు.+

అగ్ని గుండా నడిచినప్పుడు నువ్వు కాలిపోవు,

అగ్ని జ్వాల వల్ల కమిలిపోవు.

 3 ఎందుకంటే నేను నీ దేవుడైన యెహోవాను,

ఇశ్రాయేలు పవిత్ర దేవుణ్ణి, నీ రక్షకుణ్ణి.

నిన్ను విడిపించడానికి ఐగుప్తును మూల్యంగా చెల్లించాను,

నీ కోసం ఇతియోపియాను, సెబాను చెల్లించాను.

 4 ఎందుకంటే నువ్వు నా దృష్టిలో అమూల్యమైనవాడివి,+

నేను నిన్ను ఘనపర్చాను, నేను నిన్ను ప్రేమించాను.+

కాబట్టి నీకు బదులుగా ప్రజల్ని,

నీ ప్రాణానికి బదులుగా దేశాల్ని ఇస్తాను.

నీ సంతానాన్ని* తూర్పు నుండి తీసుకొస్తాను,

పడమటి నుండి నిన్ను సమకూరుస్తాను.+

దూరం నుండి నా కుమారుల్ని, భూమి కొనల నుండి నా కూతుళ్లను తీసుకురా;+

 7 నా పేరుతో పిలవబడే ప్రతీ ఒక్కర్ని,+

నా మహిమ కోసం నేను సృష్టించినవాళ్లను,

నేను తయారుచేసి రూపించినవాళ్లను+ తీసుకురా.’

 8 కళ్లు ఉండి కూడా గుడ్డివాళ్లలా ఉన్నవాళ్లను,

చెవులు ఉండి కూడా చెవిటివాళ్లలా ఉన్నవాళ్లను+ తీసుకురండి.

 9 దేశాలన్నీ ఒకచోట సమావేశమవ్వాలి,

జనాలు సమకూడాలి.+

తాము నిర్దోషులమని రుజువు చేసుకోవడానికి వాళ్లు తమ సాక్షుల్ని ప్రవేశపెట్టాలి,

లేదా విని, ‘ఇదే సత్యం!’ అని ఒప్పుకోవాలి.”+

10 “మీరే నా సాక్షులు”+ అని యెహోవా అంటున్నాడు,

“అవును, నేను ఎంచుకున్న నా సేవకుడివి నువ్వు.+

నువ్వు తెలుసుకొని, నా మీద విశ్వాసముంచి,*

నేను ఎప్పుడూ ఒకేలా ఉన్నానని+ అర్థం చేసుకునేలా నేను నిన్ను ఎంచుకున్నాను.

నాకన్నా ముందు ఏ దేవుడూ లేడు,

నా తర్వాత కూడా ఏ దేవుడూ లేడు.+

12 “మీ మధ్య ఏ అన్య దేవుడూ లేనప్పుడు+

ప్రకటించింది నేనే, రక్షించింది నేనే, తెలియజేసింది నేనే.

13 అంతేకాదు, నేను ఎప్పుడూ ఒకేలా ఉన్నాను;+

నా చేతిలో నుండి ఎవ్వరూ ఏదీ లాక్కోలేరు.+