సంఖ్యాకాండం

7 మోషే గుడారాన్ని నిలబెట్టడం పూర్తయిన రోజున+ అతను దాన్ని, దాని వస్తువులన్నిటినీ, బలిపీఠాన్ని, దాని పాత్రలన్నిటినీ అభిషేకించి+ పవిత్రపర్చాడు.+ అతను వాటిని అభిషేకించి పవిత్రపర్చిన తర్వాత+ 2 ఇశ్రాయేలు ప్రధానులు,+ అంటే వాళ్ల పూర్వీకుల కుటుంబాల పెద్దలు అర్పణను తీసుకొచ్చారు. పేర్లు నమోదు చేసే పనిని చూసుకున్నది ఈ గోత్ర ప్రధానులే. 3 వీళ్లు ఇద్దరిద్దరు ప్రధానులకు ఒక బండి చొప్పున ఆరు బండ్లను,* ఒక్కో ప్రధానుడికి ఒక ఎద్దు చొప్పున 12 ఎద్దుల్ని అర్పణగా యెహోవా ముందుకు తీసుకొచ్చారు. వాళ్లు వాటిని గుడారం ముందుకు తీసుకొచ్చారు. 4 యెహోవా మోషేకు ఇలా చెప్పాడు: 5 “వాళ్లు తెచ్చిన వాటిని తీసుకో. ఎందుకంటే అవి ప్రత్యక్ష గుడారపు సేవలో ఉపయోగపడతాయి. తమతమ విధులు నిర్వర్తించడానికి అవసరమయ్యే దాన్ని బట్టి నువ్వు వాటిని లేవీయులకు ఇవ్వాలి.”

6 కాబట్టి మోషే ఆ బండ్లను, ఎద్దుల్ని తీసుకొని లేవీయులకు ఇచ్చాడు. 7 తమ విధులు నిర్వర్తించడానికి+ గెర్షోనీయులకు అవసరమయ్యే దాన్ని బట్టి అతను వాళ్లకు రెండు బండ్లను, నాలుగు ఎద్దుల్ని ఇచ్చాడు. 8 తర్వాత, తమ విధులు నిర్వర్తించడానికి మెరారీయులకు అవసరమయ్యే దాన్ని బట్టి అతను వాళ్లకు నాలుగు బండ్లను, ఎనిమిది ఎద్దుల్ని ఇచ్చాడు; వాళ్లు యాజకుడైన అహరోను కుమారుడు ఈతామారు నిర్దేశం కింద పనిచేసేవాళ్లు.+ 9 అయితే కహాతీయులకు అతను ఏమీ ఇవ్వలేదు, ఎందుకంటే వాళ్ల విధులు పవిత్ర స్థలంలో ఉపయోగించే వస్తువుల్ని మోయడానికి సంబంధించినవి;+ వాళ్లు పవిత్ర వస్తువుల్ని తమ భుజాల మీదే మోసేవాళ్లు.+

10 బలిపీఠాన్ని అభిషేకించిన రోజున, దాని ప్రతిష్ఠాపన*+ సమయంలో ఆ ప్రధానులు తమ అర్పణను తీసుకొచ్చారు. ఆ ప్రధానులు తమ అర్పణను బలిపీఠం ముందుకు తీసుకొచ్చినప్పుడు 11 యెహోవా మోషేతో ఇలా అన్నాడు: “ఒక్కో రోజు ఒక్కో ప్రధానుడి చొప్పున వాళ్లు బలిపీఠం ప్రతిష్ఠాపన కోసం తమ అర్పణను తీసుకురావాలి.”

12 మొదటి రోజున, యూదా గోత్రానికి చెందిన అమ్మీనాదాబు కుమారుడు నయస్సోను+ తన అర్పణను తీసుకొచ్చాడు. 13 అతను వీటిని అర్పణగా తీసుకొచ్చాడు: పవిత్ర స్థల షెకెల్‌* కొలమానం ప్రకారం+ 130 షెకెల్‌ల* బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 14 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 15 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 16 పాపపరిహారార్థ బలి కోసం ఒక మేకపిల్ల;+ 17 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది అమ్మీనాదాబు+ కుమారుడైన నయస్సోను తీసుకొచ్చిన అర్పణ.

18 రెండో రోజున, ఇశ్శాఖారు గోత్రానికి ప్రధానుడూ, సూయారు కుమారుడూ అయిన నెతనేలు+ అర్పణను తీసుకొచ్చాడు. 19 అతను తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 20 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 21 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 22 పాపపరిహారార్థ బలి కోసం ఒక మేకపిల్ల;+ 23 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది సూయారు కుమారుడైన నెతనేలు తీసుకొచ్చిన అర్పణ.

24 మూడో రోజున, జెబూలూనీయుల ప్రధానుడూ, హేలోను కుమారుడూ అయిన ఏలీయాబు+ 25 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 26 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 27 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 28 పాపపరిహారార్థ బలి కోసం ఒక మేకపిల్ల;+ 29 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది హేలోను కుమారుడైన ఏలీయాబు+ తీసుకొచ్చిన అర్పణ.

30 నాలుగో రోజున, రూబేనీయుల ప్రధానుడూ, షెదేయూరు కుమారుడూ అయిన ఏలీసూరు+ 31 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 32 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 33 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 34 పాపపరిహారార్థ బలి కోసం ఒక మేకపిల్ల;+ 35 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది షెదేయూరు కుమారుడైన ఏలీసూరు+ తీసుకొచ్చిన అర్పణ.

36 ఐదో రోజున, షిమ్యోనీయుల ప్రధానుడూ, సూరీషద్దాయి కుమారుడూ అయిన షెలుమీయేలు+ 37 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 38 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 39 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 40 పాపపరిహారార్థ బలి కోసం ఒక మేకపిల్ల;+ 41 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది సూరీషద్దాయి కుమారుడైన షెలుమీయేలు+ తీసుకొచ్చిన అర్పణ.

42 ఆరో రోజున, గాదీయుల ప్రధానుడూ, దెయూవేలు కుమారుడూ అయిన ఎలీయాసాపు+ 43 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 44 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 45 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 46 పాపపరిహారార్థ బలి కోసం ఒక మేకపిల్ల;+ 47 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది దెయూవేలు కుమారుడైన ఎలీయాసాపు+ తీసుకొచ్చిన అర్పణ.

48 ఏడో రోజున, ఎఫ్రాయిమీయుల ప్రధానుడూ, అమీహూదు కుమారుడూ అయిన ఎలీషామా+ 49 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 50 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 51 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 52 పాపపరిహారార్థ బలి కోసం ఒక మేకపిల్ల;+ 53 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది అమీహూదు కుమారుడైన ఎలీషామా+ తీసుకొచ్చిన అర్పణ.

54 ఎనిమిదో రోజున, మనష్షీయుల ప్రధానుడూ, పెదాసూరు కుమారుడూ అయిన గమలీయేలు+ 55 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 56 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 57 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 58 పాపపరిహారార్థ బలి కోసం ఒక మేకపిల్ల;+ 59 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది పెదాసూరు కుమారుడైన గమలీయేలు+ తీసుకొచ్చిన అర్పణ.

60 తొమ్మిదో రోజున, బెన్యామీనీయుల ప్రధానుడూ,+ గిద్యోనీ కుమారుడూ అయిన అబీదాను+ 61 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 62 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 63 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 64 పాపపరిహారార్థ బలి కోసం ఒక మేకపిల్ల;+ 65 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది గిద్యోనీ కుమారుడైన అబీదాను+ తీసుకొచ్చిన అర్పణ.

66 పదో రోజున, దానీయుల ప్రధానుడూ, అమీషదాయి కుమారుడూ అయిన అహీయెజెరు+ 67 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 68 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 69 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 70 పాపపరిహారార్థ బలి కోసం ఒక మేకపిల్ల;+ 71 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది అమీషదాయి కుమారుడైన అహీయెజెరు+ తీసుకొచ్చిన అర్పణ.

72 అలాగే 11వ రోజున, ఆషేరీయుల ప్రధానుడూ, ఒక్రాను కుమారుడూ అయిన పగీయేలు+ 73 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 74 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 75 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 76 పాపపరిహారార్థ బలి కోసం ఒక మేకపిల్ల;+ 77 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది ఒక్రాను కుమారుడైన పగీయేలు+ తీసుకొచ్చిన అర్పణ.

78 చివరిగా 12వ రోజున, నఫ్తాలీయుల ప్రధానుడూ, ఏనాను కుమారుడూ అయిన అహీర+ 79 తన అర్పణగా వీటిని తీసుకొచ్చాడు: పవిత్ర స్థల షెకెల్‌ కొలమానం ప్రకారం+ 130 షెకెల్‌ల బరువున్న ఒక వెండి గిన్నె, 70 షెకెల్‌ల బరువున్న ఒక వెండి పాత్ర, ధాన్యార్పణ కోసం వాటి నిండా నూనె కలిపిన మెత్తని పిండి;+ 80 అలాగే 10 షెకెల్‌ల బరువున్న ఒక చిన్న బంగారు గిన్నె, దాని నిండా ధూపద్రవ్యం; 81 దహనబలి+ కోసం ఒక కోడెదూడ, ఒక పొట్టేలు, ఒక ఏడాది మగ గొర్రెపిల్ల; 82 పాపపరిహారార్థ బలి కోసం ఒక మేకపిల్ల;+ 83 సమాధానబలి+ కోసం రెండు ఎద్దులు, ఐదు పొట్టేళ్లు, ఐదు మేకపోతులు, ఏడాది వయసున్న ఐదు మగ గొర్రెపిల్లలు. ఇది ఏనాను కుమారుడైన అహీర+ తీసుకొచ్చిన అర్పణ.

84 బలిపీఠాన్ని అభిషేకించిన రోజున, దాని ప్రతిష్ఠాపన అర్పణగా+ ఇశ్రాయేలు ప్రధానులు వీటిని తీసుకొచ్చారు: 12 వెండి గిన్నెలు, 12 వెండి పాత్రలు, 12 చిన్న బంగారు గిన్నెలు;+ 85 పవిత్ర స్థల షెకెల్‌ కొలమానం ప్రకారం+ ఒక్కో వెండి గిన్నె బరువు 130 షెకెల్‌లు, ఒక్కో వెండి పాత్ర బరువు 70 షెకెల్‌లు, అలా ఆ మొత్తం వెండి బరువు 2,400 షెకెల్‌లు; 86 అలాగే ధూపద్రవ్యంతో నిండిన 12 బంగారు గిన్నెల్లో ఒక్కో దాని బరువు పవిత్ర స్థల షెకెల్‌ కొలమానం ప్రకారం 10 షెకెల్‌లు, ఆ మొత్తం బంగారం బరువు 120 షెకెల్‌లు. 87 దహనబలి కోసం మొత్తం 12 ఎద్దులు, 12 పొట్టేళ్లు, ఏడాది వయసున్న 12 మగ గొర్రెపిల్లలు; వాటి ధాన్యార్పణలు; పాపపరిహారార్థ బలి కోసం 12 మేకపిల్లలు; 88 సమాధానబలి కోసం మొత్తం 24 ఎద్దులు, 60 పొట్టేళ్లు, 60 మేకపోతులు, ఏడాది వయసున్న 60 మగ గొర్రెపిల్లలు. బలిపీఠాన్ని అభిషేకించిన తర్వాత,+ దాని ప్రతిష్ఠాపన కోసం తెచ్చిన అర్పణ ఇది.+

89 దేవునితో* మాట్లాడడం కోసం మోషే ప్రత్యక్ష గుడారంలోకి వెళ్లినప్పుడల్లా,+ సాక్ష్యపు మందసం మూత+ పైనుండి, అంటే రెండు కెరూబుల+ మధ్య నుండి ఒక స్వరం తనతో మాట్లాడడం అతను వినేవాడు; అప్పుడు దేవుడు అతనితో మాట్లాడేవాడు.