యిర్మీయా

మద్మేనా, నువ్వు కూడా మౌనంగా ఉండాలి,

ఎందుకంటే ఖడ్గం నిన్ను వెంటాడుతోంది.

 3 కొల్లగొట్టడం వల్ల, గొప్ప నాశనం వల్ల

హొరొనయీములో ఆర్తనాదాలు వినిపిస్తున్నాయి.+

 7 నువ్వు నీ పనుల్ని, సంపదల్ని నమ్ముకున్నావు కాబట్టి,

నువ్వు కూడా పట్టబడతావు.

అలాగే కెమోషు+ తన యాజకులతో పాటు, అధిపతులతో పాటు చెరలోకి వెళ్తాడు.

 8 నాశనం చేసేవాడు ప్రతీ నగరం మీదికి వస్తాడు,

ఏ నగరమూ తప్పించుకోదు.+

యెహోవా చెప్పినట్టే లోయ నశించిపోతుంది,

చదునైన నేల* సమూలంగా నాశనమౌతుంది.

 9 మోయాబు కోసం దారిలో గుర్తులు పెట్టండి,

ఎందుకంటే దాని నగరాలు పాడై శిథిలాలుగా మారినప్పుడు, దాని ప్రజలు పారిపోతారు,

దాని నగరాలు భయంకరంగా తయారౌతాయి,

వాటిలో ఎవ్వరూ నివసించరు.+

11 మడ్డి మీద కదలకుండా ఉన్న ద్రాక్షారసంలా

మోయాబీయులు చిన్నప్పటి నుండి ప్రశాంతంగా ఉన్నారు.

వాళ్లు ఒక పాత్రలో నుండి మరో పాత్రలోకి పోయబడలేదు,

ఎప్పుడూ చెరలోకి వెళ్లలేదు.

అందుకే వాళ్ల రుచి మారలేదు,

వాళ్ల వాసన అలాగే ఉంది.

15 ‘మోయాబు నాశనం చేయబడింది,

దాని నగరాల మీద శత్రువులు దాడిచేశారు,+

దాని యువకుల్లో శ్రేష్ఠులు వధించబడ్డారు’+

16 మోయాబీయుల మీదికి త్వరలోనే విపత్తు రాబోతోంది,

వాళ్ల పతనం వేగంగా ముంచుకొస్తోంది.+

17 వాళ్ల చుట్టూ ఉన్నవాళ్లంతా,

వాళ్ల పేరు తెలిసినవాళ్లంతా వాళ్లమీద సానుభూతి చూపించాల్సి వస్తుంది,

18 దీబోనులో+ నివసిస్తున్న కూతురా,

నీ ఘనతను విడిచి కిందికి రా, దాహంతో కింద* కూర్చో,

ఎందుకంటే, మోయాబును నాశనం చేసేవాడు నీ మీదికి వచ్చాడు,

అతను ప్రాకారాలుగల నీ స్థలాల్ని శిథిలాలుగా మారుస్తాడు.+

25 ‘మోయాబు కొమ్ము* నరికేయబడింది;

అతని బాహువు విరగ్గొట్టబడింది’ అని యెహోవా ప్రకటిస్తున్నాడు.

మోయాబు తన వాంతిలో దొర్లుతున్నాడు,

ప్రజలు అతన్ని చూసి ఎగతాళి చేస్తున్నారు.

నువ్వు అతన్ని చూసి తల ఆడించడానికి,

అతనికి వ్యతిరేకంగా మాట్లాడడానికి

28 మోయాబు నివాసులారా, నగరాల్ని విడిచిపెట్టి కొండల్లో నివసించండి.

కొండ సందుల్లో గూడు కట్టుకునే పావురాల్లా తయారవ్వండి.’ ”

29 “మోయాబు గర్వం గురించి మేము విన్నాం, అతను చాలా అహంకారి;

అతని పొగరు గురించి, గర్వం గురించి, అహంకారం గురించి, అతని పొగరుబోతు హృదయం గురించి మేము విన్నాం.”+

30 “ ‘అతని కోపం గురించి నాకు తెలుసు’ అని యెహోవా ప్రకటిస్తున్నాడు,

‘కానీ అతని పనికిరాని మాటలు వ్యర్థమౌతాయి.

31 అందుకే నేను మోయాబు గురించి విలపిస్తాను,

మోయాబు అంతటి గురించి నేను ఏడుస్తాను,

కీర్హరెశు మనుషుల కోసం దుఃఖిస్తాను.+

32 సిబ్మా+ ద్రాక్షతీగా, యాజెరు+ కోసం ఏడ్చినదాని కన్నా

ఎక్కువగా నీ కోసం ఏడుస్తాను.

అవి సముద్రాన్ని, యాజెరును చేరుకున్నాయి.

నాశనం చేసేవాడు నీ వేసవికాల పండ్ల మీదికి, నీ ద్రాక్ష కోత మీదికి వచ్చాడు.+

33 పండ్ల తోట నుండి, మోయాబు దేశం నుండి

సంతోషం, ఆనందం తీసేయబడ్డాయి.+

వాళ్ల స్వరం యాహజు+ వరకు వినిపిస్తోంది,

సోయరులో పెట్టే కేకలు హొరొనయీము+ వరకు, ఎగ్లాత్‌-షలీషియా వరకు వినిపిస్తున్నాయి.

35 యెహోవా ఇలా అంటున్నాడు: ‘ఉన్నత స్థలం మీదికి అర్పణలు తీసుకొచ్చేవాళ్లు,

తమ దేవునికి బలులు అర్పించేవాళ్లు

ఇక మోయాబులో లేకుండా చేస్తాను.

36 అందుకే మోయాబు కోసం నా హృదయం పిల్లనగ్రోవిలా* విలపిస్తుంది,*+

అలాగే కీర్హరెశు మనుషుల కోసం నా హృదయం పిల్లనగ్రోవిలా* విలపిస్తుంది.*

37 ప్రతీ తల బోడి అయింది,+

ప్రతీ గడ్డం కత్తిరించబడింది.

ప్రతీ చేతి మీద గాట్లు ఉన్నాయి,+

వాళ్ల నడుముల మీద గోనెపట్ట ఉంది!’ ”+

38 “ ‘మోయాబు పైకప్పులన్నిటి మీద,

దాని సంతవీధులన్నిట్లో

ఏడ్పు తప్ప ఇంకేమీ లేదు.

ఎందుకంటే నేను మోయాబును పనికిరాని కుండలా పగలగొట్టాను’ అని యెహోవా ప్రకటిస్తున్నాడు.

39 ‘అది ఎంతగా భయపడిపోయింది! ప్రజలారా, ఏడ్వండి!

మోయాబును చూసి అతని చుట్టూ ఉన్నవాళ్లంతా ఎగతాళి చేస్తున్నారు,

భయపడుతున్నారు.’ ”

‘ఇదిగో! వేగంగా దూసుకొచ్చే గద్దలా,+

అతను మోయాబు మీద తన రెక్కలు చాపుతాడు.+

41 దాని పట్టణాలు ఆక్రమించబడతాయి,

దాని బలమైన దుర్గాలు పట్టబడతాయి.

ఆ రోజు మోయాబు యోధుల గుండెలు

ప్రసవిస్తున్న స్త్రీ గుండెలా ఉంటాయి.’ ”

42 “ ‘మోయాబు ఒక జనంగా ఉండకుండా పూర్తిగా తుడిచిపెట్టుకుపోతాడు,+

ఎందుకంటే అతను యెహోవాకు వ్యతిరేకంగా తనను తాను హెచ్చించుకున్నాడు.+

43 మోయాబు నివాసీ,

నీ ముందు భయం, గొయ్యి, ఉచ్చు ఉన్నాయి’ అని యెహోవా ప్రకటిస్తున్నాడు.

44 ‘భయాన్ని తప్పించుకునే వ్యక్తి గోతిలో పడతాడు,

గోతిలో నుండి పైకి వచ్చే వ్యక్తి ఉచ్చులో చిక్కుకుంటాడు.’

ఎందుకంటే, హెష్బోనులో నుండి ఒక అగ్ని,

సీహోనులో నుండి ఒక మంట వస్తుంది.+

అది మోయాబు నుదుటిని,

అల్లరిమూక పుర్రెల్ని దహించేస్తుంది.’+

నీ కుమారులు బందీలుగా తీసుకెళ్లబడ్డారు,

నీ కూతుళ్లు చెరలోకి వెళ్లారు.+