సమూయేలు రెండో గ్రంథం
4 అబ్నేరు హెబ్రోనులో చనిపోయాడని+ సౌలు కుమారుడు ఇష్బోషెతు*+ విన్నప్పుడు, అతను ఎంతో భయపడ్డాడు,* ఇశ్రాయేలీయులు అందరూ ఎంతో ఆందోళనపడ్డారు. 2 సౌలు కుమారునికి చెందిన దోపిడీ ముఠాలకు ఇద్దరు నాయకులు ఉండేవాళ్లు: ఒకతని పేరు బయనా, ఇంకొకతని పేరు రేకాబు. వాళ్లు బెన్యామీను గోత్రానికి చెందిన బెయేరోతీయుడైన రిమ్మోను కుమారులు. (బెయేరోతును+ కూడా బెన్యామీనులో ఒక భాగంగా పరిగణించేవాళ్లు. 3 బెయేరోతీయులు గిత్తయీముకు+ పారిపోయారు. వాళ్లు ఈ రోజు వరకు అక్కడ పరదేశులుగా నివసిస్తున్నారు.)
4 సౌలు కుమారుడైన యోనాతానుకు+ కుంటివాడైన ఒక కుమారుడు ఉన్నాడు.+ సౌలు, యోనాతాను చనిపోయారనే వార్త యెజ్రెయేలు+ నుండి వచ్చినప్పుడు అతనికి ఐదేళ్లు. అప్పుడు అతని దాది అతన్ని ఎత్తుకొని పారిపోయింది. కానీ ఆమె అలా భయంతో పారిపోతున్నప్పుడు అతను కింద పడిపోయి కుంటివాడయ్యాడు. అతని పేరు మెఫీబోషెతు.+
5 బెయేరోతీయుడైన రిమ్మోను కుమారులు రేకాబు, బయనా బాగా ఎండకాస్తున్న సమయంలో ఇష్బోషెతు ఇంటికి వెళ్లారు. అతను మధ్యాహ్నం పూట విశ్రాంతి తీసుకుంటున్నాడు. 6 వాళ్లు గోధుమలు తెస్తున్నట్టు నటిస్తూ ఇంట్లోకి వెళ్లి అతన్ని పొత్తికడుపులో కత్తితో పొడిచారు; తర్వాత రేకాబు, అతని సహోదరుడు బయనా+ అక్కడి నుండి పారిపోయారు. 7 వాళ్లు ఇష్బోషెతు ఇంట్లోకి వెళ్లినప్పుడు, అతను తన పడకగదిలో మంచంమీద పడుకొని ఉన్నాడు. వాళ్లు అతన్ని పొడిచి చంపారు. తర్వాత వాళ్లు అతని తల నరికారు. వాళ్లు అతని తలను తీసుకొని అరాబాకు వెళ్లే దారిలో రాత్రంతా నడిచారు. 8 వాళ్లు అతని+ తలను హెబ్రోనులో ఉన్న దావీదు రాజు దగ్గరికి తీసుకొచ్చి, “నీ ప్రాణం తీయాలని చూసిన+ నీ శత్రువైన సౌలు+ కుమారుడు ఇష్బోషెతు తల ఇదిగో. ఈ రోజు యెహోవా మా ప్రభువైన రాజు కోసం సౌలు మీద, అతని వంశస్థుల మీద పగతీర్చుకున్నాడు” అన్నారు.
9 అయితే, దావీదు బెయేరోతీయుడైన రిమ్మోను కుమారులతో అంటే రేకాబుతో, అతని సహోదరుడైన బయనాతో ఇలా అన్నాడు: “కష్టాలన్నిట్లో నుండి నన్ను రక్షించిన* యెహోవా+ జీవం తోడు, 10 ఒకతను వచ్చి, ‘సౌలు చనిపోయాడు’+ అని నాకు చెప్పినప్పుడు, అతను నాకు మంచివార్త తెస్తున్నానని అనుకున్నాడు. కానీ నేను అతన్ని పట్టుకొని సిక్లగులో చంపాను.+ అదే ఆ సందేశకుడికి నేను ఇచ్చిన బహుమానం! 11 అలాంటిది దుష్టులు ఒక నీతిమంతుణ్ణి అతని ఇంట్లోనే అతని మంచం మీద చంపినందుకు నేను వాళ్లను ఇంకెంత ఎక్కువగా శిక్షించాలి! నేను అతని రక్తానికి మిమ్మల్ని బాధ్యులుగా చేసి+ మిమ్మల్ని భూమ్మీద లేకుండా చేయొద్దా?” 12 వాళ్లను చంపమని దావీదు తన యువకులకు ఆజ్ఞాపించాడు.+ ఆ యువకులు వాళ్ల చేతుల్ని, పాదాల్ని నరికి వాళ్ల శవాల్ని హెబ్రోనులోని కోనేరు దగ్గర వేలాడదీశారు,+ అయితే ఇష్బోషెతు తలను మాత్రం తీసుకెళ్లి హెబ్రోనులోని అబ్నేరు సమాధిలో పాతిపెట్టారు.