Jesus mak Maromak neʼebé Aas Liu Hotu ka lae?

Bíblia nia resposta

Ema neʼebé kontra Jesus duun katak Jesus halo ninia an hanesan ho Maromak. (João 5:18; 10:30-33) Maibé, Jesus nunka hatete katak nia hanesan ho Maromak neʼebé Aas Liu Hotu. Jesus dehan: “Aman mak boot liu haʼu.”—João 14:28.

Jesus nia dixípulu sira iha tempu uluk la hanoin katak Jesus hanesan ho Maromak neʼebé Aas Liu Hotu. Porezemplu, depois Jesus moris-hiʼas, apóstolu Paulo hakerek, Maromak “foti [Jesus] ba pozisaun neʼebé aas liu”. Eskritura neʼe hatudu katak Paulo la fiar katak Jesus mak Maromak neʼebé Aas Liu Hotu. Tanba se Jesus mak Maromak neʼebé Aas Liu Hotu, oinsá mak Maromak bele foti Jesus ba pozisaun neʼebé aas liu?—Filipe 2:9.