Oinsá atu komprende ai-knanoik sira iha Bíblia

Bíblia uza ai-knanoik barak. Maibé, ema barak sente susar atu komprende ai-knanoik sira-neʼe. (Mt 13:13) Saida mak Ita bele halo atu komprende ai-knanoik sira neʼebé temi iha Bíblia? Koko halo tuir hakat sira-neʼe:

• Hanoin kona-ba ideia prinsipál no komparasaun. Porezemplu, Apokalipse 3:3 kompara Jesus mai (ideia prinsipál) hanesan naʼok-teen (komparasaun).

• Hanoin kona-ba oinsá mak ideia prinsipál no ninia komparasaun mak hanesan. Buka-hatene razaun tanbasá mak buat ruma bele kompara ho buat seluk, no oinsá neʼe hanesan.

• Halo konkluzaun neʼebé loos. Dala ruma ema bele komprende sala kona-ba ai-knanoik nia signifikadu. Hanesan ezemplu iha leten, Jesus la mai atu naʼok buat ruma. Maibé kontestu hatudu katak nia sei mai hanesan naʼok-teen ida neʼebé mai derrepente deʼit.