Obadias hamtaʼuk Maromak

Obadias mak ulun-naʼin neʼebé toma konta ba Liurai Acab nia umakain. Acab mak liurai neʼebé aat tebes no halo nasaun Izraél nakonu ho adorasaun ba Baal. Maibé Obadias hamtaʼuk Jeová “husi tempu joven kedas”. (1 Reis 18:​1-13) Tan neʼe, bainhira Liurai-Feto Jezabel fó orden atu oho Jeová nia profeta hotu, Obadias hatene katak nia presiza sai aten-brani atu ajuda profeta sira-neʼe. Atu subar profeta ida deʼit mós perigu tebes, maibé Obadias subar profeta naʼin-100 no fó hahán ba sira durante tempu hamlaha! Susar tebes atu halo nuneʼe ho subasubar husi profeta falsu atus ba atus neʼebé serbí liurai no liurai-feto.—1 Reis 18:19.

Ita bele aprende saida? Maski Obadias sente taʼuk ba Liurai Acab, maibé nia taʼuk liu ba Maromak. Neʼe halo Obadias sai aten-brani atu proteje ninia maluk sira hodi tau ninia moris iha perigu laran. Ita mós bele haburas hahalok hamtaʼuk Maromak, liuliu se ita hela iha área neʼebé bandu adorasaun loos. Hodi hamtaʼuk Maromak, ita bele hetan forsa atu ajuda irmaun-irmán sira neʼebé hasoru situasaun susar.