Programa ba Reuniaun Serbisu

Semana komesa 11 Agostu

Knananuk 63

Min 10: Avizu kongregasaun nian. Husu rona-naʼin atu fó komentáriu kona-ba artigu husi Sedarlah! no Menara Pengawal foun, neʼebé karik diʼak ba ema iha haklaken-fatin. Konvida rona-naʼin atu fó komentáriu kona-ba pontu neʼebé sira hakarak atu uza hodi koʼalia iha serbisu haklaken. Atu komesa koʼalia ho uma-naʼin, ita bele husu pergunta saida? Husu tiha pergunta neʼe, diʼak atu lee eskritura saida? Halo drama kiʼik balu atu hatudu oinsá mak bele fahe livru sira-neʼe.

Min 15: Halo Maromak nia hakarak​—hodi la husik buat seluseluk dada ita-nia atensaun. Diskursu hodi uza livru “Mari jadilah pengikutku”, pájina 93-​4, parágrafu 12-​13.

Min 20: “Ita uza didiʼak ka lae?”a Halo entrevista ba haklaken-naʼin ida neʼebé iha esperiénsia diʼak kona-ba uza artigu foun iha Menara Pengawal públiku nian. Bele halo drama kiʼik atu hatudu oinsá mak nia koʼalia iha tempu neʼebá. No mós, hodi halo tuir informasaun iha parágrafu 2, halo drama kiʼik atu hatudu oinsá mak ita bele komesa estudu hodi uza artigu ho tema “Buat neʼebé ita aprende husi Jesus” husi Menara Pengawal 1 Agustus.

Knananuk 26

Semana komesa 18 Agostu

Knananuk 135

Min 10: Avizu kongregasaun nian. Hili avizu balu husi Ita-nia Serbisu Reinu nian. Dada rona-naʼin nia atensaun ba “Programa foun ba reuniaun boot ba loron rua” no husu rona-naʼin atu fó komentáriu. Se bele, fó-hatene data neʼebé sei halaʼo reuniaun boot neʼe. Fó-hanoin rona-naʼin atu lori Menara Pengawal 1 Agustus no Sedarlah! Agustus ba Reuniaun Serbisu iha semana oinmai no prepara komentáriu kona-ba oinsá atu fahe livru sira-neʼe iha ita-nia haklaken-fatin.

Min 20: Ita bele fó glória ba Maromak Jeová liuhusi dalan neʼebé ita hatais no hadiʼa an. Diskursu husi katuas ida. Jeová mak Maromak neʼebé santu no moos, tan neʼe importante ba ninia povu atu iha isin no hatais neʼebé moos. (Êx 30:17-​21; 40:30-​32) Liuhusi dalan neʼebé ita hatais no hadiʼa an, liuliu kuandu ita halaʼo serbisu haklaken, ita bele halo kontente no fó glória ba Maromak Jeová. (1 Ped 2:​12) Maibé, se ita la halo nuneʼe, ema bele “hateten aat Maromak nia liafuan”. (Tito 2:5) Konta esperiénsia kona-ba ita-nia irmaun ruma iha kongregasaun, ka husi livru sira, atu hatudu oinsá mak ema bele simu sasin liuhusi haklaken-naʼin ida nia hatais neʼebé moos no diʼak.

Min 15: Labarik no joven sira neʼebé fó sasin neʼebé diʼak. Diskursu atu fó haksolok ba inan-aman no oan sira neʼebé atu tama fali ba eskola. Fó-hanoin labarik no joven sira atu uza oportunidade hotu atu fó sasin. Se iha tempu, konvida rona-naʼin balu atu konta sira rasik nia esperiénsia kona-ba fó sasin iha eskola.

Knananuk 61

Semana komesa 25 Agostu

Knananuk 24

Min 15: Avizu kongregasaun nian. Fó sai informasaun kona-ba kongregasaun nia osan no lee karta kona-ba kontribuisaun. Dada rona-naʼin nia atensaun ba “Programa foun ba reuniaun boot ba loron ida” no husu rona-naʼin atu fó komentáriu. Se bele, fó-hatene data neʼebé sei halaʼo reuniaun boot neʼe.

Min 15: Kongregasaun nia presiza.

Min 15: Prepara atu fahe Menara Pengawal 1 Agustus no Sedarlah! Agustus. Husu rona-naʼin atu fó komentáriu. Uza tempu uitoan atu koʼalia kona-ba informasaun iha livru sira-neʼe, no depois husu ba rona-naʼin kona-ba artigu saida mak diʼak ba ema iha haklaken-fatin. Pergunta no eskritura saida mak diʼak atu koʼalia ho uma-naʼin? Halo drama kiʼik atu hatudu oinsá mak bele uza ezemplu husi Ita-nia Serbisu Reinu nian. Husu katuas ida atu halo drama kiʼik hodi uza informasaun husi livru sira-neʼe, neʼebé diʼak atu uza iha ita-nia haklaken-fatin.

Knananuk 196

Semana komesa 1 Setembru

Knananuk 112

Min 10: Avizu kongregasaun nian. Fó-hanoin haklaken-naʼin atu fó relatóriu haklaken nian ba fulan-Agostu.

Min 20: Maski la bele hasoru malu beibeik, maibé irmaun sira la haluha. Diskursu hodi uza informasaun husi Menara Pengawal 15 April 2008, iha pájina 25-8. Koʼalia uitoan kona-ba irmaun sira iha kongregasaun neʼebé baixa iha ospitál ba tempu kleur. Se la iha irmaun hanesan neʼe, uza informasaun neʼe atu fó laran-manas ba kongregasaun atu ajuda maluk kristaun sira neʼebé la iha saúde diʼak atu tuir kongregasaun nia atividade.

Min 15: Komesa kedas estudu Bíblia iha vizita primeiru durante fulan-Setembru. Husu rona-naʼin atu fó komentáriu. Iha fulan-­Setembru, ita sei fahe livru Bíblia Hanorin no hakaʼas an atu uza informasaun husi parágrafu balu iha livru neʼe hodi koʼalia ho uma-naʼin iha vizita primeiru. Koʼalia kona-ba informasaun husi surat-tahan ho títulu “Oinsá mak atu komesa estudu hodi uza livru Bíblia Hanorin” (Pelayanan Kerajaan Kita, Januari 2006, p. 3), no halo drama kiʼik ida ka rua hodi hatudu oinsá mak ita bele komesa estudu Bíblia iha vizita primeiru.

Knananuk 74

[Nota–rodapé]