Primeiru Krónikas

14 Liurai Hirão+ husi Tiro haruka ema bá hasoru David hodi lori ho ai-sedru, no mós badaen-fatuk* no badaen-ai atu harii palásiu ba David.+ 2 David hatene katak Jeová hametin ona ninia pozisaun nuʼudar liurai ba Izraél,+ no foti aas ona ninia pozisaun neʼe tanba hanoin Ninia povu Izraél.+

3 David hola tan feen sira+ iha Jeruzalein, no David iha tan oan-mane no oan-feto sira.+ 4 David nia oan-mane sira neʼebé moris iha Jeruzalein mak tuirmai neʼe:+ Samua, Sobab, Natan,+ Salomão,+ 5 Ibar, Elisua, Elpelet, 6 Noga, Nefeg, Jafia, 7 Elisama, Beliada no Elifelet.

8 Bainhira ema Filístia rona katak David sai ona liurai* ba Izraél tomak,+ ema Filístia hotu bá buka David.+ Bainhira David rona kona-ba neʼe, nia tun bá hodi kontra sira. 9 Tuirmai ema Filístia mai no komesa ataka povu sira neʼebé hela iha Rai-Tetuk Refaim.+ 10 David husu Maromak: “Haʼu tenke bá hodi funu hasoru ema Filístia ka lae? Ita sei entrega sira ba haʼu-nia liman ka lae?” Jeová hatán: “Ó bele bá, tanba haʼu sei entrega sira ba ó-nia liman.”+ 11 Entaun David saʼe ba Baal-Perazim,+ no oho sira iha neʼebá. Ho ida-neʼe, David dehan: “Maromak loos uza ona haʼu atu halakon haʼu-nia inimigu sira hanesan bee sobu rahun moru.” Tan neʼe mak sira hanaran fatin neʼe Baal-Perazim.* 12 Ema Filístia husik hela sira-nia maromak sira iha neʼebá. Tuirmai David fó orden no sira sunu tiha maromak sira-neʼe.+

13 Liutiha tempu balu, ema Filístia mai fali atu ataka rai-tetuk neʼe.+ 14 David husu tan ba Maromak, maibé Maromak loos hatete ba nia: “Keta ataka sira husi oin. Maibé laʼo haleʼu sira toʼo sira-nia kotuk, no ataka sira iha ai-baka sira-nia oin.+ 15 Bainhira ó rona lian hanesan tropa sira marxa iha ai-baka nia leten, ó tenke ataka kedas, tanba Maromak loos sei laʼo iha ó-nia oin hodi halakon tropa Filístia.”+ 16 Entaun David halo tuir Maromak loos nia mandamentu,+ no sira oho tropa Filístia husi Gibeão toʼo Gezer.+ 17 No David nia naran-boot habelar ba rai hotu, no Jeová halo nasaun hotu sai taʼuk ba David.+