Kutia e pyetjes

◼ A duhet të kenë kongregacionet një hartë të plotë të territorit, të paraqitur në Sallën e Mbretërisë?

Po, një hartë e plotë e territorit duhet montuar në një kornizë dhe duhet varur në një nga muret e Sallës së Mbretërisë. Harta nuk duhet vënë në tabelën e informacionit. Ajo duhet të tregojë kufijtë e përgjithshëm të territorit që i është caktuar kongregacionit dhe kufijtë e çdo territori të veçantë me numrin përkatës. Duhen treguar kufijtë e territorit të të gjitha kongregacioneve që përdorin të njëjtën Sallë Mbretërie. Kjo gjë do t’i ndihmojë lajmëtarët, si edhe personat e rinj të interesuar, që të përcaktojnë se në territorin e cilit kongregacion banojnë. Përcaktimi në hartë i vendeve ku mbahet Studimi i Librit të Kongregacionit, do t’i ndihmojë, gjithashtu, të gjithë që të gjejnë studimin e librit në të cilin janë caktuar. Harta duhet të mbahet e përditësuar.

Një hartë e tillë shërben si një përkujtues për të gjithë lajmëtarët që, nëse është e mundur, do të ishte mirë të kishin një territor personal. Harta është e dobishme për ata që duan të zgjedhin një territor afër shtëpisë së tyre. Ndonjëherë mund të kursejë kohë në mbledhjet për shërbim, duke i dhënë mundësi drejtuesit që ta drejtojë shpejt çdo grup lajmëtarësh për në zonën ku është caktuar të punojë.

Veç kësaj, harta jep dëshmi se kongregacioni është i organizuar për të predikuar mesazhin e Mbretërisë në të gjithë territorin që i është caktuar.​—Luka 9:6.