HAURANI

[zverdhem].

Vend kufitar në vegimin e Ezekielit për trashëgiminë territoriale të Izraelit. (Ezk 47:13, 15, 16, 18) Sipas disa studiuesve, ky vend përfshinte pothuajse të njëjtën zonë që më parë quhej «Bashan». (Shih BASHANI.) Me sa duket, Haurani është krahina që përmendet në tekstet e lashta egjiptiane (Huruna) dhe në dokumentet asiriane të Shalmaneserit III (Hauranu). Gjithashtu, duket se përkon edhe me rajonin më të vogël që quhej Auranit në periudhën greko-romake. Emri Hauran sot përdoret për pllajën e valëzuar me tokë të kuqe pjellore midis Damaskut dhe Jarmukut.