Programi i Shkollës së Shërbimit Teokratik për vitin 2009

Programi i Shkollës së Shërbimit Teokratik për vitin 2009

UDHËZIME

Gjatë vitit 2009, Shkolla e Shërbimit Teokratik do të drejtohet në këtë mënyrë.

BURIMI I MATERIALIT: Shkrimet e Shenjta—Përkthimi Bota e Re [bi12], «I gjithë Shkrimi është i frymëzuar nga Perëndia dhe i dobishëm» [si], Të mësojmë nga Mësuesi i Madh [lr] dhe Të arsyetojmë nga Shkrimet [rs].

Shkolla duhet të fillojë NË KOHË me shprehjet e mirëseardhjes, pastaj do të vazhdojë siç tregohet më poshtë. Pas çdo pjese, mbikëqyrësi i shkollës do të prezantojë pjesën tjetër.

PIKAT KRYESORE NGA LEXIMI I BIBLËS: 10 minuta. Në katër minutat e para, një plak ose një shërbëtor ndihmës i kualifikuar duhet të shqyrtojë disa pika nga leximi javor i Biblës. Përjashtim bëjnë rastet kur leximi javor i Biblës nis me kapitullin e parë të një libri biblik. Në këto raste, materiali për katër minutat e para duhet marrë nga libri «I gjithë Shkrimi». [Në ato gjuhë ku nuk është përkthyer libri «I gjithë Shkrimi», mund të përdoret seria «Fjala e Jehovait është e gjallë», e cila filloi me Kullën e Rojës, 1 janar 2004.] Për shembull, javën që fillon më 5 janar do të shqyrtohen pesë kapitujt e parë të librit të Zanafillës, kështu që oratori duhet të zgjedhë disa pika kryesore nga paragrafët hyrës për Zanafillën, në librin «I gjithë Shkrimi». Duhet të shpjegojë si zbatohet materiali për dobinë e kongregacionit. Pavarësisht nëse trajton pika nga leximi javor i Biblës ose nga libri «I gjithë Shkrimi», synimi kryesor është ta ndihmojë auditorin që të kuptojë përse dhe si është i vlefshëm informacioni. Oratori duhet të ketë kujdes që të mos i kalojë katër minutat që janë caktuar për pjesën e parë. Duhet të sigurohet që të lihen gjashtë minuta për auditorin, që të bëjnë komente të shkurtra prej 30 sekondash a më pak, për pikat që kanë vlerësuar nga leximi javor i Biblës. Pas kësaj, mbikëqyrësi i shkollës do t’i ftojë studentët të shkojnë në sallat ku janë caktuar të bëjnë fjalime.

FJALIMI NR. 1: 4 minuta ose më pak. Është një lexim që duhet bërë nga një vëlla. Studenti duhet ta lexojë pjesën e caktuar pa bërë ndonjë hyrje a mbyllje. Mbikëqyrësi i shkollës do të interesohet veçanërisht që t’i ndihmojë studentët të lexojnë me kuptueshmëri, rrjedhshmëri, theks të duhur logjik, intonacion, pauza të përshtatshme dhe me natyrshmëri.

FJALIMI NR. 2: 5 minuta. Do t’i caktohet një motre, së cilës do t’i shënohet një rrethanë ose mund të zgjedhë një nga lista në faqen 82 të librit Të nxjerrim dobi nga arsimimi në Shkollën e Shërbimit Teokratik. Ajo duhet të përdorë temën e caktuar e ta zbatojë për ndonjë aspekt të shërbimit që është real dhe praktik për territorin. Kur nuk jepet asnjë referim si burim materiali, studentes do t’i duhet të mbledhë material për këtë pjesë duke bërë kërkime në botimet tona. Mbikëqyrësi i shkollës do të interesohet veçanërisht për mënyrën se si e zhvillon studentja materialin dhe si e ndihmon të zonjën e shtëpisë që të arsyetojë nga Shkrimet e të kuptojë pikat kryesore të fjalimit. Mbikëqyrësi i shkollës do t’i caktojë një ndihmëse.

FJALIMI NR. 3: 5 minuta. Ky fjalim mund t’i caktohet një vëllai ose një motre. Studenti duhet të zhvillojë temën e caktuar. Kur nuk jepen referime si burim materiali, do t’i duhet të mbledhë material për këtë pjesë duke bërë kërkime në botimet tona. Kur i caktohet një vëllai, kjo pjesë duhet mbajtur si fjalim, duke pasur parasysh auditorin në Sallën e Mbretërisë. Kur i caktohet një motre, pjesa duhet paraqitur gjithmonë siç u përshkrua për fjalimin nr. 2. Ju lutemi, kini parasysh se temat që kanë nga një yllth duhet t’u caktohen vetëm vëllezërve që t’i mbajnë si fjalime dhe, sa herë të jetë e mundur, duhet t’i zhvillojë një plak ose një shërbëtor ndihmës.

KËSHILLA: 1-2 minuta. Mbikëqyrësi i shkollës nuk do ta njoftojë që më parë cilësinë oratorike ku po stërvitet studenti. Pas fjalimeve nr. 1, 2 dhe 3, mbikëqyrësi i shkollës do të bëjë komente pozitive për një aspekt të fjalimit që ishte për t’u lavdëruar, duke e drejtuar vëmendjen tek arsyet specifike pse ishte i efektshëm dhe duke iu referuar shpesh librit Shkolla e Shërbimit. Sipas nevojës së çdo studenti, mund të jepen privatisht këshilla të tjera ndërtuese, pas mbledhjes ose në ndonjë moment tjetër.

KOHËMATJA: Në asnjë pjesë nuk duhet të kalohet koha e caktuar, as në këshillat që jep mbikëqyrësi i shkollës. Fjalimet nr. 1, 2 dhe 3 duhen ndërprerë me takt kur të mbarojë koha e caktuar. Nëse vëllezërit që trajtojnë pikat kryesore nga leximi i Biblës e kalojnë kohën, u duhet dhënë këshillë privatisht. Të gjithë duhet të tregojnë kujdes me kohëmatjen. I gjithë programi zgjat 30 minuta.

FLETA E KËSHILLAVE: Në librin Shkolla e Shërbimit.

NDIHMËSI: Trupi i pleqve mund të zgjedhë një plak të kualifikuar, nëse ka të tjerë përveç mbikëqyrësit të shkollës, që të kryejë caktimin si këshillues ndihmës. Nëse në kongregacion ka disa pleq, çdo vit mund të zgjidhet nga një plak i kualifikuar për këtë caktim. Ndihmësi do të ketë si përgjegjësi t’u japë këshilla private vëllezërve që mbajnë pikat kryesore nga Bibla, po të jetë nevoja. Nuk është e nevojshme që ai të japë këshilla pas çdonjërit prej këtyre fjalimeve që mbajnë pleqtë e tjerë ose shërbëtorët ndihmës.

RISHIKIMI I SHKOLLËS SË SHËRBIMIT TEOKRATIK: 20 minuta. Çdo dy muaj, mbikëqyrësi i shkollës do të drejtojë një rishikim të shkollës. Rishikimi do të bëhet pas trajtimit të pikave kryesore nga leximi i Biblës siç u tregua më lart. Rishikimi do të bazohet në materialin e trajtuar në shkollë gjatë dy muajve të fundit, duke përfshirë edhe javën e rishikimit. Në qoftë se javën e Rishikimit të Shkollës së Shërbimit Teokratik, kongregacioni juaj ka asamblenë qarkore ose vizitën e mbikëqyrësit qarkor, atëherë rishikimi duhet shtyrë një javë dhe duhen përdorur caktimet nr. 1, 2 dhe 3 të programit të javës pasuese. Nuk duhen bërë ndryshime në programin e leximit javor të Biblës ose të trajtimit të pikave kryesore nga leximi i Biblës.

Programi

5 jan. Leximi i Biblës: Zanafilla 1-5

Nr. 1: Zanafilla 3:1-15

Nr. 2: Pse Jezui ishte një Mësues i Madh? (lr kap. 1)

Nr. 3: Ç’gjë nuk është kotësi? (1 Kor. 15:58)

12 jan. Leximi i Biblës: Zanafilla 6-10

Nr. 1: Zanafilla 9:1-17

Nr. 2: Si të përgjigjemi kur njerëzit nuk besojnë te Perëndia? (rs f. 284 ¶1–f. 285 ¶1)

Nr. 3: Letër nga një Perëndi i dashur (lr kap. 2)

19 jan. Leximi i Biblës: Zanafilla 11-16

Nr. 1: Zanafilla 14:1-16

Nr. 2: Ai që bëri gjithçka (lr kap. 3)