Shembull, për të rinj e të moshuar

Ai kishte një marrëdhënie të ngrohtë dhe mjaft të ngushtë me Perëndinë. Ia kushtoi jetën bërjes së vullnetit të Jehovait. Ai «eci me Perëndinë e vërtetë» dhe u bekua për këtë. Ky ishte Noeja, një shembull i denjë për t’u imituar si nga të rinjtë, ashtu edhe nga të moshuarit. (Zan. 6:9) Drama Noeja: Ai eci me Perëndinë do t’ju ndihmojë ta imagjinoni jetën e Noesë, përse i meritonte bekimet e Jehovait dhe si t’i imitoni cilësitë e tij të mira.

Shihni DVD-në ose videokasetën dhe pastaj pyetni veten: (1) Çfarë gjëje të gabuar bënë disa engjëj dhe cilët ishin nefilimët? (Zan. 6:1, 2, 4) (2) Pse u bënë kaq të këqinj njerëzit dhe si u ndie Perëndia për këtë? (Zan. 6:4-6) (3) Si ndryshonte Noeja nga njerëzit e tjerë? (Zan. 6:22) (4) Si u shkatërruan të ligjtë? (Zan. 6:17) (5) Sa e madhe ishte arka? (Zan. 6:15) (6) Çfarë bëri tjetër Noeja dhe si u përgjigjën njerëzit? (Mat. 24:38, 39; 2 Pjet. 2:5) (7) Sa kafshë për çdo lloj ishin në arkë? (Zan. 7:2, 3, 8, 9) (8) Për sa kohë ra shi dhe për sa kohë toka mbeti e përmbytur krejt? (Zan. 7:11, 12; 8:3, 4) (9) Pse shpëtuan Noeja dhe familja e tij? (Zan. 6:18, 22; 7:5) (10) Ku u ndal arka? (Zan. 8:4) (11) Si e kuptoi Noeja se kur mund të dilte nga arka? (Zan. 8:6-12) (12) Çfarë bëri Noeja kur doli nga arka? (Zan. 8:20-22) (13) Ç’domethënie ka ylberi? (Zan. 9:8-16) (14) Çfarë do të thotë ‘të ecësh me Perëndinë’? (Zan. 6:9, 22; 7:5) (15) Çfarë kërkohet nga ne, që të kemi mundësi të takojmë Noenë në Parajsë? (Mat. 28:19, 20; 1 Pjet. 2:21)

Çfarë keni mësuar nga tregimi biblik i Noesë besnik e të bindur për mënyrën se si edhe ju mund ‘të ecni me Perëndinë’ dhe të keni besim në aftësinë e Jehovait për të çliruar shërbëtorët e tij sot?—Zan. 7:1; Prov. 10:16; Hebr. 11:7; 2 Pjet. 2:9.