Fol për Jehovain çdo ditë
1 Njerëzve u pëlqen të flasin për çdo gjë që ata e kanë për zemër, sepse nga bollëku i zemrës flet goja. (Luka 6:45b, BR) Çfarë është e çmuar për zemrën tonë? Psalmisti shkroi: «Vetë gjuha ime le të shprehë nën zë drejtësinë tënde, gjatë gjithë ditës lavdërimin tënd.» (Psal. 35:28, BR) Ai kishte çmueshmëri të thellë për Jehovain dhe e konsideronte një privilegj të vërtetë të fliste për Perëndinë dhe ta lavdëronte atë në çdo rast. Duke qenë i njohur në mënyrë intime me Jehovain, psalmisti kishte shumë gjëra të mira, për të cilat të gëzohej. (Psal. 35:9) Si mund ta imitojmë ne shembullin e tij të shkëlqyer?
2 Fol për Jehovain në shtëpinë tënde: Jehovai duhet të jetë argumenti i përditshëm i bisedës brenda rrethit familjar. Prindërit që kanë një dashuri të fortë për Jehovain do të flasin në mënyrë të natyrshme për të në të gjitha aktivitetet e tyre. (Ligj. 6:5-7) Ndërsa bëjnë këtë, fëmijët do të vënë re se babai dhe mamaja e tyre jetojnë sipas besimit dhe e kanë për zemër ligjin e Perëndisë. Fëmijët, atëherë, do ta shohin studimin familjar të Biblës si një shprehje të sinqertë të devotshmërisë hyjnore të prindërve të tyre.—2. Pjet. 3:11.
3 Fol për Jehovain me vëllezërit e tu: Gjatë rutinës sonë javore teokratike, ne kemi shumë mundësi për të ushqyer mendjen dhe zemrën tonë me ushqim frymor. Nuk kemi asnjëherë mungesë gjërash të mira për të thënë. (Luka 6:45a) A ke kapur ndonjë pikë nga studimi yt personal apo nga leximi javor i Biblës që të ka pëlqyer veçanërisht? Ndaje me vëllezërit e tu, duke i ndihmuar në këtë mënyrë që të rritin dashurinë e tyre për Jehovain.—Psal. 35:18; Hebr. 10:24.
4 Fol për Jehovain me të tjerët: Në marrëdhëniet tona të përditshme me njerëzit, në punë, në shkollë dhe me pjesëtarët jobesimtarë të familjes, duhet të jetë e qartë se përqendrimi ynë në jetë është dhënia e dëshmisë për Jehovain. Në vend se të infektohet me shprehjet e pahijshme e të ashpra të botës, të folurit tonë duhet të lartësojë Perëndinë. Çdo ditë, në çdo rast, fol me të tjerët për lajmin e mirë që ai na ka ngarkuar për ta predikuar.—Vep. 5:42; Kolos. 4:6.
5 Si adhurues të vërtetë të Jehovait, le të shfrytëzojmë çdo ditë mundësitë për të folur për Perëndinë tonë të pakrahasueshëm, Jehovain.—Psal. 106:47.