Lexo bashkë me fëmijët e tu

Sipas revistës braziliane Veja, fëmijët e lexuesve të zellshëm ka më shumë të ngjarë të zhvillojnë një pasion për librat, sesa fëmijët të cilëve u mungon ky shembull i leximit në shtëpi. «Leximi bashkarisht e përforcon intimitetin mes prindërve dhe fëmijëve dhe i jep mundësi fëmijës ta asimilojë më mirë përmbajtjen e librave»,—vëren Marta Hope, një specialiste në fushën e zhvillimit të fëmijëve.

Veç kësaj, duke u lexuar me zë fëmijëve, ke mundësinë t’u përgjigjesh pyetjeve të tyre. Mund të diskutosh me ta çdo ilustrim që shoqëron tekstin. «Sa më shumë ta kuptojë fëmija përmbajtjen e librave,—vëren Hope,—aq më shumë do të nxitet t’i kërkojë librat kur dëshiron të kënaqë kureshtjen e vet.»

Mes Dëshmitarëve të Jehovait, shumë prindër gjejnë kënaqësi kur lexojnë së bashku me fëmijët. Ata mund të lexojnë botime të tilla, si: Libri im i tregimeve biblike, Të dëgjojmë Mësuesin e Madh dhe Njeriu më i madh që ka jetuar ndonjëherë.a Libra si këta, jo vetëm që i ndihmojnë fëmijët për t’u bërë lexues të mirë, por zgjerojnë, gjithashtu, interesin e tyre për librin më të shitur në botë, Biblën e Shenjtë. Prandaj, nëse je prind, lër shembullin për fëmijët e tu, duke qenë një lexues i zellshëm i Fjalës së Perëndisë! (Josiu 1:7, 8) Përveç kësaj, gjej kohë me çdo kusht për të lexuar bashkë me ta!

[Shënimi]