Ata shoqërohen me një vëllazëri të bashkuar

Ishte 7 gusht 1993. Më shumë se 64.000 të pranishëm në Stadiumin e Republikës në Kiev, në Ukrainë, mezi prisnin që të vinte ai moment. Pastaj, në përgjigje të dy pyetjeve domethënëse, mijëra persona thanë me zë të lartë «Da!» («Po!»). Në këtë mënyrë e deklaruan publikisht besimin e tyre dhe shkuan për ta simbolizuar dedikimin e tyre ndaj Perëndisë Jehova, duke u pagëzuar në një nga gjashtë pishinat e stadiumit.​—Mateu 28:19.

Kështu, në ditën e tretë të kongresit ndërkombëtar të Dëshmitarëve të Jehovait «Mësimi hyjnor», të pranishmit morën pjesë në një ngjarje të jashtëzakonshme: 7.402 persona u pagëzuan dhe nuk u bënë pjesë e një kishe të përçarë, por e një kongregacioni të bashkuar të krishterë në mbarë botën.

Nëse dëshiron të mësosh më shumë për bashkimin e vërtetë të krishterë, të lutemi shkruaj në: Dëshmitarët e Jehovait në Shqipëri, Kutia postare 118, Tiranë ose në Watch Tower, duke përdorur adresën e përshtatshme mes atyre të paraqitura në faqen 2.