BËJ DISHEPUJ
MËSIMI 11
Thjeshtësi
Parimi: «Thoni fjalë që kuptohen lehtësisht.» —1 Kor. 14:9.
Çfarë bëri Jezui?
1. Shih VIDEON ose lexo Mateun 6:25-27. Pastaj mendo për këto pyetje:
Çfarë ilustrimi bëri Jezui për të nxjerrë në pah se Jehovai kujdeset për ne?
Ndonëse dinte plot gjëra për zogjtë, te cili detaj i thjeshtë u përqendrua Jezui? Pse kjo ishte një metodë e efektshme?
Çfarë mësojmë nga Jezui?
2. Nëse mësojmë me thjeshtësi, të tjerët do ta mbajnë mend atë që u mësuam dhe do t’u preket zemra.
Imito Jezuin
3. Mos fol tepër. Në vend që të tregosh gjithë hollësitë që di për një temë, përqendrohu te materiali i botimit për studim. Pasi bën një pyetje, prit me durim që studenti të përgjigjet. Nëse ai nuk e di përgjigjen ose shpreh një mendim që bie ndesh me mësimet e Biblës, bëji pyetje shtesë që ta ndihmosh të arsyetojë. Pasi studenti e kupton pikën kryesore, vazhdo më tej.
4. Ndihmoje studentin të lidhë gjërat e reja që po mëson me gjërat që di. Për shembull, para se të nisni mësimin për ringjalljen, mund të kujtoni shkurtimisht çfarë ka mësuar studenti për gjendjen e të vdekurve.
5. Përdori me maturi ilustrimet. Para se të bësh një ilustrim, pyet veten:
«A është i thjeshtë ky ilustrim?»
«A do ta kuptojë kollaj studenti?»
«A do ta ndihmojë të mbajë mend pikën kryesore, jo vetëm ilustrimin?»