Gadzirira Mhinduro Dzinokurudzira Vamwe

Patinenge tiri pamisangano, tine mukana wekukurudzira hama nehanzvadzi dzedu nemhinduro dzatinopa. (VaH. 10:​24, 25) Zvii zvatingaita kuti tigadzirire mhinduro dzichanyatsovakurudzira?

• Nyengetera kuna Jehovha. Mukumbire kuti akubatsire kupa mhinduro ichaita kuti iye akudzwe uye ichakurudzira vamwe.—Pis. 35:18.

• Iva nechinangwa chekupa mhinduro usingaiti zvekuverenga. Paunopindura uchitaura zviri pamwoyo pako, vamwe vachabatsirwa pavachanzwa uchitaura manzwiro aunoita nezvaJehovha.

• Usataura zvakawandisa. Mhinduro pfupi uye dziri nyore kunzwisisa ndidzo dzinowanzokurudzira vanhu uye dzinoita kuti vakawanda vawane mukana wekupindurawo pamusangano wacho.—Zvir. 10:19.

• Ipa mhinduro dzinokurudzira. Usape mhinduro dzekutsiura kana kushora mumwe munhu ari muungano.

Kunyange kana ukasawana mukana wekupindura, unogona kukurudzira vamwe kana ukanyatsoteerera pavanenge vachipindura wozovatenda.—Zvir. 10:21.