Rugwaro Rwegore rwa2013

Muna 1473 B.C.E., vaIsraeri vakanga vagadzirira kupinda muNyika Yakapikirwa, asi vakanga vakatarisana nevavengi vane simba. Mwari akaudza Joshua kuti, “Shinga, usimbe.” Kana aizoramba akatendeka, Joshua aizobudirira. Akaudzwa kuti, “Usavhunduka kana kutya, nokuti Jehovha Mwari wako anewe kwose kwaunoenda.” Uye zvechokwadi Mwari akava naye, nokuti vaIsraeri vakakunda vavengi vavo mumakore matanhatu chete.—Josh. 1:7-9.

VaKristu vechokwadi vava pedyo nekupinda munyika itsva saka vanofanira kushinga uye kusimba. Kufanana naJoshua, isuwo tine vavengi vanoda kukanganisa kuperera kwedu. Hondo yatiri mairi haisi yemapfumo nemapakatwa, asi inorwiwa nezvombo zvekufananidzira, uye Jehovha anotidzidzisa kuti tingazvishandisa sei neunyanzvi. Chero mamiriro ezvinhu aungasangana nawo, ziva kuti kana ukashinga, wosimba uye woramba wakatendeka, Jehovha acharamba ainewe uye achaita kuti ukunde.