KURARAMA KWECHIKRISTU
Ndiriini Pandingaita Upiyona Hwebetsero?
Temberi yakaonekwa naEzekieri inoratidza kuti vanhu vaJehovha vaizounza zvipo zvavo vachizvidira. Zvii zvatingaita kuti tipewo zvibayiro zvekurumbidza?—VaH 13:15, 16.
Chimwe chinokosha chatingaita, kuita upiyona hwebetsero. Gore rebasa ra2018 rine mwedzi yakati wandei ine mazuva 5 eMugovera kana kuti eSvondo. Nguva iyi yakanyanya kunakira vaya vanoenda kubasa vhiki rese uye vanongowana mukana wekuparidza pakupera kwevhiki. Uyezve, vaparidzi vanogona kusarudza kuita maawa 30 kana kuti 50 muna March naApril uye mwedzi unouya mutariri wedunhu.
Ko kana tichiona kuti hatikwanisi kuzoita upiyona hwebetsero? Tinogona kuwedzera zvatinoita muushumiri uye kuvandudza madzidzisiro edu. Chero zvatichaita, dai tikaita zvese zvatinogona kuti tiratidze kuda kwatinoita Jehovha mugore rebasa ra2018!—Ho 14:2.
Zvii zvandingaita kuti nditevedzere kushingaira kunoita Sabina Hernández?
ONA VHIDHIYO INONZI NDICHIBATSIRWA NAJEHOVHA, NDINOKWANISA KUITA ZVAKAWANDA, WOZOPINDURA MIBVUNZO IYI:
Chii chinoita kuti Sabina aite zvakawanda pakushumira Jehovha?
Zvinoitwa naSabina zvinokukurudzira sei?
Mugore rebasa ra2018, mwedzi upi kana kuti ipi yauchada kuzoita upiyona hwebetsero?