Uya Kukokorodzano Yoruwa ye“Varumbidzi Vanofara”

MUSORO wakaisvonaka zvakadini wakasarudzwa nokuda kwekokorodzano dzoruwa dza 1995: “Varumbidzi Vanofara”! Izvi zvirokwazvo ndizvo izvo Zvapupu zvaJehovha zviri. Varumbidzi vaani? Chokwadi, vaJehovha Mwari chokwadika!

Jehovha haafananidzwi, haana muenzani, haaenzaniswi, ndowechienzi munzira dzakawanda kwazvo. Ndowamasimba ose, anoziva chinhu chiri chose, akakwana mururamisiro, uye rudo runotaurwa somunhu. Akafanirwa, kupfuura vamwe vose, nokugamuchira kunamata kwedu nerumbidzo.

Zvirokwazvo tinoda kuva varumbidzi vake vanofara! Kutibetsera, Mutumbi Unodzora weZvapupu zvaJehovha wakaronga purogiramu yakaisvonaka yekokorodzano yamazuva matatu, kuvamba muzhezha ra 1995. Aya mazuva matatu achava zvirokwazvo anofadza, uye Chapupu chiri chose chaJehovha chichada kuita unani hwacho kuvapo kubvira parwiyo rwokuzarura paChishanu mangwanani kutozosvikira parwiyo nomunyengetero zvokupfiga paSvondo masikati.