Bhaibheri Rinogona Kundibatsira Here Kuva Nemhuri Inofara?

Mhinduro yeBhaibheri

Hongu. Ona mamwe mazano ouchenjeri ari muBhaibheri ari kubatsira varume nevakadzi vakawanda kuti vafare mumba:

1. Nyoresai muchato wenyu. Kurarama maererano nemhiko dzinoitwa panonyoreswa muchato ndiko kunoita kuti murume nemudzimai vafare mumba.​—Mateu 19:4-6.

2. Dananai uye remekedzanai. Izvi zvinosanganisira kubata mumwe wako semabatirwo awaizoda kuitwa.​—Mateu 7:12; VaEfeso 5:25, 33.

3. Usataura mashoko anorwadza. Taura zvine mutsa, kunyange kana mumwe wako ataura kana kuita chimwe chinhu chakurwadza. (VaEfeso 4:31, 32) Bhaibheri pana Zvirevo 15:1 rinoti: “Mhinduro, kana iri nyoro, inodzora kutsamwa, asi shoko rinorwadza rinomutsa hasha.”

4. Iva akavimbika kune mumwe wako. Usava noruchiva. (Mateu 5:28) Bhaibheri rinoti: “Kuroorana ngakukudzwe navose, mubhedha wevakaroorana ngaurege kusvibiswa.”—VaHebheru 13:4.

5. Dzidzisai vana venyu nerudo. Musavatunhidza uye musavaomesera.​—Zvirevo 29:15; VaKorose 3:21.