Zvapupu zvaJehovha chitendero chokuAmerica here?

Muzinda wedu mukuru uri kuUnited States of America. Asi hatina kubuda mune chimwe chitendero chokuAmerica, uye zvikonzero zvacho ndeizvi:

• Vamwe vanoti Zvapupu zvaJehovha zvakabuda mune chimwe chitendero. Asi kuti takamutsidzira chiKristu chepakutanga-tanga chepanguva yevaapostora vaJesu.

• Zvapupu zvaJehovha zviri kuita basa razvo zvokuparidza munyika dzinopfuura 230. Pasinei nokuti tinogarepi, tinotsigira Jehovha Mwari naJesu Kristu kwete hurumende yokuAmerica kana kuti imwewo hurumende yepano panyika.​—Johani 15:​19; 17:​15, 16.

• Dzidziso dzedu dzose dzinobva muBhaibheri, kwete mupfungwa dzomumwe mutungamiriri wechitendero ari kuUnited States.​—1 VaTesaronika 2:13.

• Tinotevera Jesu Kristu somutungamiri kwete mumwe munhuwo wenyama.​—Mateu 23:​8-10.