Zvaungaita Kuti Unzwisise Mifananidzo Iri muBhaibheri

MuBhaibheri mune mifananidzo yakawanda asi vanhu vakawanda havainzwisisi. (Mat. 13:13) Zvii zvaungaita kuti unyatsonzwisisa mifananidzo iyi? Unogona kuita izvi:

• Ona kuti nyaya iri kutaurwa ndeyei uye kuti iri kufananidzwa nei. Semuenzaniso pana Zvakazarurwa 3:3 panotaura nezvekuuya kwaJesu uye kuuya kwaJesu kunofananidzwa nekuuya kwembavha.

• Funga kuti nyaya iri kutaurwa yakafanana papi nechairi kufananidzwa nacho. Saka pavhesi redu riya raZvakazarurwa 3:​3, funga kuti kuuya kwaJesu kwakafanana papi nekuuya kwembavha.

• Nyatsobata zviri kurehwa nemufananidzo wacho. Dzimwe nguva, munhu anogona kurasika otadza kubata zviri kurehwa nemufananidzo wacho. Tikadzokera pana Zvakazarurwa 3:​3, munhu anogona kufunga kuti Jesu ari kuuya kuzoba, asi izvozvo handizvo zviri kurehwa. Mashoko akapoteredza anoratidza kuti Jesu anouya sembavha pakuti haatauri kuti anouya riini.