Ronga Zvaunoda Kuzoita Mumwaka weChirangaridzo

Vanhu vaJehovha vanotarisira kupinda Chirangaridzo gore rega. Mumwaka weChirangaridzo tinokwanisa kurumbidza uye kuonga Jehovha nechipo cherudzikinuro chaakatipa nekuita zvinhu zvakasiyana-siyana. (VaE 1:3, 7) Semuenzaniso, tinoshanda nesimba kukoka vanhu kuChirangaridzo. Vamwe vanokwanisa kushanda semapiyona ebetsero mumwedzi waMarch naApril vaine chinangwa chekusvitsa maawa 30 kana kuti 50. Unoda here kuwedzera nguva yaunopedza uri muushumiri mumwaka weChirangaridzo? Zvii zvaungaita kuti ukwanise kuita izvozvo?

Kazhinji kacho, tinokwanisa kuita zvakawanda kana tikagara taronga zvatinoda kuzoita. (Zvi 21:5) Sezvo mwaka weChirangaridzo wava kusvika, ino ndiyo nguva yekutotanga kuronga. Funga nezvekuti zvii zvaunoda kuita kuti uwedzere ushumiri hwako mumwaka weChirangaridzo uye ronga zvaunoda kuita kuti uzadzise zvinangwa izvozvo. Ibva wakumbira Jehovha kuti akomborere zvauri kuda kuita.—1Jo 5:14, 15.

Ndezvipi zvimwe zvaunogona kuita kuti uwedzere ushumiri hwako mumwaka weChirangaridzo?