Purogiramu Yomusangano Webasa
Onai Kuti: Musangano Webasa wevhiki imwe neimwe ucharongwa mumwedzi yaAugust naSeptember. Ungano dzingagadziridza sezvinodiwa kuti dzipinde gungano reruwa. Pazvakakodzera, shandisai maminitsi 15 paMusangano Webasa wokupedzisira musati mapinda gungano kudzokorora mazano akakodzera ari muwedzero yomwedzi uno ayo anoshanda muungano yenyu. Mwedzi mumwe kana kuti miviri mabva kugungano, shandisai maminitsi 15 kusvika ku20 paMusangano Webasa (zvichida muchishandisa chikamu chezvinodiwa muungano) kudzokorora pfungwa huru dzegungano. Uku hakusi kudzokorora purogiramu yose. Asi taura bedzi hurukuro dzinotaura zvakananga nezvebasa romumunda. Kumbira vateereri kuti vataure kuti vari kushandisa sei mashoko acho muushumiri hwavo.
Vhiki Inotanga naJuly 10
10 min: Zviziviso zveungano. Uchishandisa mazano ari papeji 8 kana kuti dzimwe mharidzo dzinokodzera ndima yenyu, enzanisira kugoverwa kungaitwa Nharireyomurindi yaJuly 15 uye Awake! yaJuly. Mune mumwe wemienzaniso yacho, ratidza zvokuita kumunhu angangoda kuramba achiti ‘Isu tinotova vaKristu pano.’—Ona bhuku raKurangarira, p. 19.
15 min: Kurongwa Kwakaitwa Ungano uye Kutarisirwa Kwainoitwa. Hurukuro uye kukurukurirana nevateereri pachitsauko 4 chebhuku raTakarongwa Kuti Tiite Zvinoda Jehovha.
20 min: “Mubatsire Kuyemura Unhu hwaJehovha Husina Anahwo.”a Iva nomuenzaniso unoratidza kushandiswa kungaitwa mibvunzo kuti tibatsire mudzidzi weBhaibheri kufungisisa pfungwa dziri mubhokisi rokudzokorora riri panoperera chitsauko 1 chebhuku raBhaibheri Rinombodzidzisei?
Rwiyo 88 nomunyengetero wokugumisa.
Vhiki Inotanga naJuly 17
5 min: Zviziviso zveungano. Zviziviso zvinosarudzwa pane zviri muUshumiri Hwedu hwoUmambo. Kurukura muchidimbu zviri papeji 32 yeNharireyomurindi yaAugust 15, 2000. Taura zvakanakira kuramba tichiverenga Bhaibheri zuva nezuva, kunyange panguva yezororo uye patinenge tisiri kuita zvatinogara tichiita.
10 min: Rudo uye Kuzvininipisa—Unhu Hunokosha Muushumiri. Hurukuro inobva muNharireyomurindi yaAugust 15, 2002, mapeji 18-20, ndima 13-20.
30 min: “Ramba Wakamirira Jehovha.”b Inofanira kukurukurwa nomunyori weungano. Taura kuti ungano yakanzi ichapindira kupi gungano. Kumbira vateereri kuti vataure kuti kupfeka mabheji edu egungano nguva dzose patinenge tiri muguta rinoitirwa gungano kungazarura sei mukana wokuparidzira. Kurudzira vateereri kuti vashandise mikana yokuparidzira zvisina kurongwa uye kuti vashandise fomu rinonzi Tapota Onai Munhu Uyu (S-43) kuti vashume vanhu vose vavanenge vaona vanofarira.
Rwiyo 189 nomunyengetero wokugumisa.
Vhiki Inotanga naJuly 24
15 min: Zviziviso zveungano. Verenga mushumo weakaunzi uye tsamba dzinobva kubazi dzokutenda mari yakatumirwa. Uchishandisa mazano ari papeji 8 kana kuti dzimwe mharidzo dzinokodzera ndima yenyu, enzanisira kugoverwa kungaitwa Nharireyomurindi yaAugust 1 uye Awake! yaAugust. Mharidzo imwe neimwe yapera, dzokorora mashoko okutanga ashandiswa kuti saimba afarire.
10 min: “Vakaratidza Muenzaniso Wokutendeka.” Hurukuro inosanganisira zvinoitika zvakabudiswa zvemapiyona chaiwo kana kuti kubvunzurudza mapiyona chaiwo api neapi angave achishanda neungano yenyu.—Ona Watch Tower Publications Index pasi pomusoro unoti “Special Pioneers.”
20 min: “Tevedzera ‘Mwari Wedu Anofara,’ Jehovha.”c Kumbira vateereri kuti vataure zvinovabatsira kuti varambe vachifara uye kuva nemafungiro akanaka pavanenge vachiparidza mundima yeungano.
Rwiyo 12 nomunyengetero wokugumisa.
Vhiki Inotanga naJuly 31
10 min: Zviziviso zveungano. Yeuchidza vaparidzi kuti vaendese mishumo yebasa romumunda yaJuly. Taura mabhuku ari kugoverwa muna August.
15 min: Ivai Vakasimba, Musingazununguki. (1 VaK. 15:58) Bvunzurudza vaparidzi vaviri kana vatatu kana kuti mapiyona ave achishumira akatendeka kwemakore akawanda. Vakadzidza sei chokwadi? Basa rokuparidza raiva rakadini pavakatanga kuparidza? Vakasangana nezvinetso zvipi? Zvikomborero zvipi zvavakava nazvo somugumisiro wokuramba vakatsiga mukunamata kwechokwadi?
20 min: “Shandira Kuva Netsika Dzakanaka, Uwane Zvikomborero Zvizhinji.”d Kumbira kuti vateereri vataure zvavakaita kuti vatange uye varambe vaine zvinhu zvokunamata zvavanogara vachiita uye zvikomborero zvavakawana somugumisiro.
Rwiyo 130 nomunyengetero wokugumisa.
Vhiki Inotanga naAugust 7
10 min: Zviziviso zveungano. Dzokorora muchidimbu kuti tingachinja sei mharidzo dzomuenzaniso dziri muUshumiri Hwedu hwoUmambo kuti dzienderane nendima yedu.—Ona Ushumiri Hwedu hwoUmambo hwaJanuary 2005, papeji 8.
15 min: Misangano Inokurudzira Rudo Nemabasa Akanaka Kwazvo. Hurukuro inobva muNharireyomurindi yaMarch 15, 2002, mapeji 24-5. Ivawo nokubvunzurudza kupfupi uchiratidza zvinofanira kuitwa nomuparidzi wauri kubvunzurudza kuti apinde misangano nguva dzose uye zvaave achibatsirwa nazvo nokuita kudaro.
20 min: Ngatifambirei Mberi Tichichinja Maererano Nemamiriro Ezvinhu muUshumiri Hwedu. Hurukuro uye kukurukurirana nevateereri kubva muNharireyomurindi yaDecember 1, 2005, mapeji 28-30. Muhurukuro inobva mundima 6-11 taura kuti Pauro airatidza sei kuva nehanya, kuchinja maererano nemamiriro ezvinhu uye kuva nounyanzvi mukuparidza nokudzidzisa. Zvadaro kumbira vateereri kuti vapindure mibvunzo yendima 12-14, uchiratidza kuti zvinoshanda sei muungano yenyu. Iva nomuenzaniso unoratidza kuti vaparidzi vangachinja sei mharidzo dzavo muushumiri, vachifunga nezvezvinodiwa, mamiriro ezvinhu uye tsika zvevanhu vomundima yenyu.
Rwiyo 83 nomunyengetero wokugumisa.
[Mashoko Omuzasi]
a Taura mashoko okusuma kweisingapfuuri miniti imwe, wobva wakurukura nemibvunzo nemhinduro.
b Taura mashoko okusuma kweisingapfuuri miniti imwe, wobva wakurukura nemibvunzo nemhinduro.
c Taura mashoko okusuma kweisingapfuuri miniti imwe, wobva wakurukura nemibvunzo nemhinduro.
d Taura mashoko okusuma kweisingapfuuri miniti imwe, wobva wakurukura nemibvunzo nemhinduro.