Kudzokorora Chikoro chaMwari Choushumiri
Mibvunzo inotevera ichakurukurwa paChikoro chaMwari Choushumiri vhiki inotanga naOctober 31, 2005. Mutariri wechikoro achaitisa kudzokorora kwemaminitsi 30 kunobva pane zvakadzidzwa muhurukuro dzevhiki yaSeptember 5 kusvika kune yaOctober 31, 2005. [Ona kuti: Panenge pasina kuratidzwa bhuku rinobva mashoko acho pamberi pomubvunzo, uchafanira kutsvakurudza woga kuti uwane mhinduro dzacho.—Ona Chikoro Choushumiri, map. 36-7.]
UNYANZVI HWOKUTAURA
1. Tinogona sei kuva nechokwadi chokuti kudzidzisa kwedu kunobva muShoko raMwari kunosvika pamwoyo wevanhu wokufananidzira? (Mat. 13:19) [be-CA p. 258 ndima 1-2, bhokisi]
2. Chii chingatibatsira kuti tibudise zviri mumwoyo womunhu, asi tinofanira kuchenjerera chii? [be-CA p. 259 ndima 1-2]
3. Patinodzidzisa, nei zvichikosha kuti titaure zvakanyanya nezvounhu hwakanaka chaizvo hwaJehovha? [be-CA p. 260 ndima 1]
4. Tingabatsira sei vatinodzidza navo Bhaibheri kuti vaone zvavanofanira kugadzirisa? [be-CA p. 260 ndima 4-5]
5. Chii chatingaita kuti tibatsire vatinodzidza navo Bhaibheri kana kuti vateereri vedu kuti vaongorore zvinangwa zvavo pane zvinhu zvavanoita? [be-CA p. 261 ndima 5–p. 262 ndima 1]
HURUKURO NHA. 1
6. ‘Kutsvaka Jehovha nomwoyo wose’ kunorevei, uye tingaratidza sei kuti ndizvo zvatiri kuita? (VaH. 11:6) [w03-CA 8/15 p. 25 ndima 2; p. 26 ndima 1-2; p. 27 ndima 2]
7. “Muenzaniso wemashoko anopa utano” chii, uye vakuru vangaratidza sei kuti vanoomerera kwauri? (2 Tim. 1:13, 14) [w03-CA 1/1 p. 29 ndima 3–p. 30 ndima 1]
8. Chii chinorehwa nezita rokuti, ‘manyoro eBhaibheri, [kana kuti mabhuku eBhaibheri]’ uye ndezvipi zvimwe zvinhu zvinozivisa kana bhuku racho reBhaibheri riri rechokwadi? [si-CA p. 299 ndima 5-6]
9. Nei Muratorian Fragment, iyo inoratidza musi wokunge tapfuura pakati pezana remakore rechipiri C.E., ichikosha pakuratidza kuti Magwaro echiKristu echiGiriki ndeechokwadi? [si-CA p. 302 ndima 19]
10. Magwaro pachawo anopa chiremera chipi chokushandura Bhaibheri, uye shanduro dzekare dzeBhaibheri dzakabatsira sei? [si-CA peji 307 ndima 9]
KUVERENGA BHAIBHERI VHIKI NEVHIKI
11. Ko 2 Madzimambo 13:21 inotsigira pfungwa yokuti zvinhu zvaimboshandiswa kare mune zvechitendero zvinofanira kunamatwa here?
12. Hezekiya akanga abatana neIjipiti here? (2 Madz. 18:19-21, 25)
13. Kunyange zvazvo zvakanyorwa zveAsiriya zvisingatauri zvakananga kuti Jehovha akakunda Saniheribhi, chii chaunoona chichifadza pane zvinotaurwa mune zvakanyorwa izvozvo? (2 Madz. 19:35, 36)
14. Ndiani akanga ari baba vaSheatiyeri? (1 Mak. 3:16-18)
15. Mumazuva aMambo Sauro, vaRubheni, vaGadhi, uye hafu yedzinza raManase vakaratidza sei muenzaniso wakanaka nokuda kwevashumiri vose vaMwari nhasi? (1 Mak. 5:18-22)