Hwirudzuro Yechikoro Choushumiri Choubati Ushe hwaMwari
Hwirudzuro inoitwa mabhuku akapfigwa pamusoro pamashoko anofukidzwa mumigove yeChikoro Choushumiri Choubati Ushe hwaMwari nokuda kwamavhiki aSeptember 1 kusvikira kuna December 22, 1997. Shandisai pepa riri roga rokunyorera mhinduro zhinji dzemibvunzo seyamunogona munguva yakagoverwa.
[Onai: Mukati mehwirudzuro yokunyora, Bhaibheri bedzi ringashandiswa kupindura mubvunzo upi noupi. Nongedzero dzinotevera mibvunzo ndedzenzvero yenyu mumene. Nhamba dzamapeji nendima dzingasaoneka panongedzero dzose dzeNharireyomurindi.]
Pindura kutaura kumwe nokumwe kunotevera kuti Chokwadi kana kuti Nhema:
1. Kana uchiisa garikano yevamwe pamberi pezvaunofarira semunhu oga, uchadisa kugadziridza mupfekero wako nokushambidzika kana zvichikanganisa vamwe vanhu munzanga yako kuteerera mashoko oUmambo. [uw-CA p. 130 ndima 10]
2. Pana Ruka 22:30, “marudzi ane gumi namaviri avaIsraeri” anokosha zvakafanana neari pana Mateo 19:28, apo kushandiswa kwacho kunopfuura vaprista vaduku vakazodzwa nomudzimu vaJesu kuchibatanidza vamwe vose vorudzi rwomunhu. [Kurava Bhaibheri vhiki nevhiki; onai w87-CA 3/1 p. 30 ndima 10; p. 31 ndima 12.]
3. Chakaita kuti vadzidzi vaJesu varatidze kushamisika paakataura nemukadzi weSamaria chakanga chiri chokuti airarama upenyu hwounzenza. (Joh. 4:27) [Kurava Bhaibheri vhiki nevhiki; onai w95-CA 7/15 p. 15 ndima 1-2.]
4. MuKristu ane mutoro wekuburitsa mashoko echokwadi nguva yose yaanorayirwa, pasinei zvapo nokuti ndiani anoakumbira. [w93-CA 12/15 p. 25]
5. Kufarikanya upenyu hwemhuri hwechiKristu inongova nhau yokurega unzenza ndokuva neroorano yakanyoreswa zviri pamutemo. [uw-CA p. 139 ndima 1.]
6. Eksodho 21:22, 23 inotibetsera kunzwisisa kuti Mwari anorangarira mwana asati aberekwa soupenyu hunokosha. [kl-CA p. 128 ndima 21]
7. 1 Petro 3:3, 4 hairambidzi vakadzi vechiKristu kupfeka zvishongo. [rs-CA p. 414 ndima 1]
8. Kana watinonamata naye akatigumbura, zvichava zvakaipa kusabatanidza akanganisa wacho muupenyu hwedu, tichidzivisa kuonana zvachose. [uw-CA p. 134 ndima 7]
9. Tose zvedu tinoda zano nechirango. [uw-CA p. 130 ndima 12]
10. Kana mamiriro ezvinhu akaipa muungano akasagadziridzwa nokukurumidza uye nhau yakati ikatanga kuitirwa hanya nehama, ipapo munhu upi noupi anogona kuita chinhu chipi nechipi chaanofunga kuti chakanakisisa kuti tipedze chinetso chacho. [w96-CA 6/15 p. 30]
Pindura mibvunzo inotevera:
11. Kuva musoro kwechiKristu kunofanira kushandiswa sei? [uw-CA p. 142 ndima 7]
12. Dzimwe ngirozi dzakatadza sei muzuva raNoa? [kl-CA p. 109 ndima 4]
13. Nei Jesu akaramba kubatanidzwa mukakavadzano yenhaka? (Ruka 12:13, 14) [Kurava Bhaibheri vhiki nevhiki; onai w97-CA 4/1 p. 28.]
14. Chii chakanga chisingazivikanwi nevadzidzi pavakabvunza Jesu kana aizodzorera Umambo kuna Israeri, sezvakanyorwa pana Mabasa 1:6? [Kurava Bhaibheri vhiki nevhiki; onai w90-CA 6/1 p. 11 ndima 4.]
15. Taura zvinhu zviviri zvinogona kubetsera kuti roorano igare. [uw-CA p. 140 ndima 4.]
16. Nei padzimwe nguva mukadzi wechiKristu achipfeka chokufukidza musoro? [rs-CA p. 413 ndima 2]
17. Chii chiri chokuchenjera kuti munhu aite kana akadenhwa nemadhemoni kana kuti akanzwa manzwi anobva munzvimbo yemidzimu? [kl-CA p. 116, ndima 19]
18. Mutemo waMosesi wakaita sei kuti “kudarika mutemo kuoneke”? (VaG. 3:19, NW) [uw-CA p. 147 ndima 4]
19. Sezvo Jesu akanga ari munhu akakwana uye aiziva basa rake seMudzidzisi, nei akaramba kudanwa kuti “Mudzidzisi wakanaka”? (Ruka 18:18, 19) [Kurava Bhaibheri vhiki nevhiki; onai w95-CA 3/1 p. 15 ndima 7.]
20. Chii chakanga chiri chitsva pamusoro pemurayiro wakataurwa pana Johane 13:34? [Kurava Bhaibheri vhiki nevhiki; onai w90-CA 2/1 p. 21 ndima 5-6.]
Govera shoko (mashoko) kana kuti chitsama chemashoko kuti uzadze kutaura kumwe nokumwe kunotevera:
21. Kana tikaziva kuti hama yedu yakatigumbukira, zvinoda ․․․․․․․․ pamwe chete no․․․․․․․․ kuti titange ndokuvavarira kudzorera ukama ․․․․․․․․. [uw-CA p. 135 ndima 10]
22. “Pondo dzine gumi” dzinomirira ․․․․․․․․ ayo vadzidzi vakazodzwa nomudzimu vanogona kushandisa mukubereka vamwe ․․․․․․․․ voUmambo hwokudenga. (Ruka 19:13) [Kurava Bhaibheri vhiki nevhiki; onai w89-CA 10/1 p. 8.]
23. Pomero nhatu dzenhema idzo vaJudha vakapomera Jesu kuna Pirato, mutongi weRoma muJudhea, dzaibatanidza kumukira ․․․․․․․․, kurambidza kutera ․․․․․․․․, uye kutaura kuti Iye Pachake akanga ari ․․․․․․․․. (Ruka 23:2) [Kurava Bhaibheri vhiki vhiki; w90-CA 12/1 p. 9 ndima 1.]
24. Kuda kwedu hama dzedu kunogona kukura kana tikaita nhamburiko yokufukidza ․․․․․․․․ kwadzo kuduku kupi nokupi, tikatsvaka ․․․․․․․․ adzo akanaka, uye kana tikacherekedza kuti ․․․․․․․․ ari kudzishandisa sei. [uw-CA p. 137 ndima 15]
25. Sevadzidzi veBhaibheri, tinofanira kudzidza kushandisa indekisi dzinowanika kuti tinzvere mashoko, hatifaniri kukarira mhinduro ya․․․․․․․․ kana kuti ․․․․․․․․ kumibvunzo yose, uye tinofanira kuita ․․․․․․․․ zvinoratidzira kuda kwedu ․․․․․․․․ uye mitezo yedu yemhuri. [uw-CA p. 144 ndima 13]
Sarudza mhinduro yakarurama mukutaura kumwe nokumwe kunotevera:
26. Maererano nomuapostora Petro, (mutsa wa; rudo rwa; kushivirira kwa) Jehovha kwakapfuurira kusvika kuzuva redu kuti kutipe mukana wekuratidza kuti taka(pfidza; tendeka; teerera). (2 Pet. 3:9) [rs-CA p. 365 ndima 1]
27. Chokwadi chinosunungura vanhu ichokwadi pamusoro (pesayenzi; perudzidziso rwenhema; paJesu Kristu) nokuti kupfurikidza nacho bedzi tinogona kusunungurwa mu(dzidziso dzenhema; mashoko enyika anoparadzirwa; chivi chinoparira rufu). (Joh. 8:12-36) [Kurava Bhaibheri vhiki nevhiki; onai w88-CA 5/1 p. 9 ndima 5.]
28. “Mamwe makwai” anodudzwa pana Johane 10:16 anotaura nezve(vaKristu vemarudzi; vaKristu vechiJudha; vose vane kariro youpenyu muParadhiso pasi pano). [Kurava Bhaibheri vhiki nevhiki; onai w95-CA 4/15 p. 31 ndima 4.]
29. Apo Jesu akabvunza muapostora Petro kuti, “Unondida kupfuura izvi here?” Akanga achibvunza kana Petro Aimuda kupfuura (zvaaiita ava vamwe vadzidzi; ava vamwe vadzidzi vaida Jesu; zvinhu izvi, zvakadai sehove). (Joh. 21:15, NW) [Kurava Bhaibheri vhiki nevhiki; onai w88-CA 11/1 p. 31 ndima 9.]
30. Avo vanobatanidzwa musungano itsva (vaKristu vakazodzwa; i“boka guru”; vaKristu vose vechokwadi). [kl-CA p. 127 ndima 18]
Wiriranisa magwaro anotevera nokutaura kwakarongwa pasi apa:
Eks. 31:12, 13; Zvir. 17:27; Mat. 5:14-16; Ruka 13:4, 5; VaR. 7:6, 7
31. Jesu akaramba kufunga kwekutemerwa mugumo, achinongedzera kungozi yakanga ichizivikanwa zvikuru nevateereri vake uye sezviri pachena akataura kuti yakanga yaparirwa nenguva uye zvinhu zvisingagoni kufanoonwa. [Kurava Bhaibheri vhiki nevhiki; onai w96-CA 9/1 p. 5 ndima 5.]
32. Mutemo waMosesi hauna kumbobvira wagadzirirwa kuti ushande parudzi rwose rwomunhu. [uw-CA p. 147 ndima 5]
33. Apo munhu anogumburwa, nzwisiso ichamubetsera kudzora kurudziro yekuzhambatata mashoko anokuvadza uye kuramba akadzikama. [w96-CA 5/15 p. 22.]
34. Pakagumiswa Mutemo waMosesi, Mirayiro Gumi yakagumiswawo. [uw-CA p. 147 ndima 5]
35. Avo vari vaKristu vanofanira kuva zvapupu zvinoshingaira kunyika pamusoro pezita raMwari nezvinangwa. [rs-CA p. 282 ndima 4]