Zviziviso
◼ Mabhuku anogoverwa muna October: Kuzvinyoresa kweMukai! neNharireyomurindi nokuda kwe$40,00 pagore kana kuti $20,00 pamwedzi mitanhatu. (Cherekedzai: Mukai! i$20,00 pagore.) Kutanga nemusi waOctober 12, Mashoko oUmambo turakiti Nha. 35 richaparadzirwa. November: Kuparadzirwa kweMashoko oUmambo turakiti Nha. 35 kuchapfuurira. Ungano dzinopedza ndima dzadzo nokusvika vanasaimba mumusha mumwe nomumwe kana kuti vanogara vane kopi yeMashoko oUmambo turakiti Nha. 35 dzingagovera bhuku raZivo. December: Bhaibheri—iShoko raMwari Here Kana Kuti Romunhu? January: Bhuku ripi neripi rine mapeji 192 rakadhindwa 1985 asati asvika iro ungano ingava naro mudura. Ungano dzisina mugove wemabhuku akadaro dzingagona kugovera bhuku raIwe Unogona Kurarama Nokusingaperi muParadhiso Pasi Pano.
◼ Wedzero iri muchinyorwa chino cheUshumiri Hwedu hwoUmambo ndeye“Rudungwe rweChikoro Choubati Ushe hwaMwari rwa1998” uye inofanira kuchengetwa nokuda kwenongedzero muna 1998 mose.
◼ Uchiva nokupera kwemavhiki kushanu, mwedzi waNovember ungava nguva yakakodzera kuvakawanda kuti vaite upiyona hwebetsero.
◼ Nguva dzemisangano dzeungano dzakawanda dzichachinja musi waJanuary 1. Naizvozvo, pangava nokudikanwa kwekuodha mugove mutsva wemahendibhiri anoratidza nguva dzakachinjwa dzemisangano.
◼ Ungano dzinofanira kuodha zvino kokero dzeChirangaridzo dza1998. Idzi dzichawanika muchiNgezi, chiShona, uye Zulu. Tapota odhai mitauro bedzi inodikanwa mundima yenyu.
◼ Ungano dzinofanira kutanga kuodha Kunzvera Magwaro Zuva Nezuva—1998 neodha yadzo yemabhuku yaOctober. Mabhukwana acho achawanikwa muChicheŵa, chiNgezi, chiShona, uye Zulu.
◼ Dzimwe ungano hadzisati dzadzosa “Mushumo [wadzo] Wokukamuranisa Ungano” (S-10) kuSosaiti. Tapota mutariri anotungamirira mumwe nomumwe ngaanzvere nomunyori kuti aone kana fomu iri rakadzoserwa kana kuti kwete. Kana risina, tapota ivai nechokwadi chokuti izvi zvinoitwa nokukurumidza.
◼ Nguva dzose munotakura kadhi reAdvance Medical Directive/Release rakazadzwa zvakarurama uye rakasainwa here? Mishumo ichiri kuratidza kuti vaparidzi vakawanda havaiti saizvozvo. Semugumisiro, vamwe vakava nezvinetso nevashandi vezvokurapa mumamiriro ezvinhu ekurumidziro. Tapota ivai nechokwadi chokuti munotakura kadhi renyu reAdvance Medical Directive/Release uyewo ivai nechokwadi chokuti vana venyu vane Identity Card ravo nguva dzose.
◼ Zvapupu zvose zvakura zvakazvitsaurira uye zvakabhabhatidzwa zvinokurudzirwa kuita CHIDO CHENHAKA uye kuchichengeta munzvimbo yakakotsekana. Gwaro iri richaita kuti zvishuvo zvenyu zvokupedzisira zviitwe pasina zvinetso zvipi nezvipi. Pakava nezvinetso mukuronga mariro uye pakugadzirisa nhau dzenhaka nemhaka yokuti pakanga pasina chido chenhaka chepamutemo chakanyorwa. Apo mutariri wedunhu anoshanyirazve ungano yenyu, ani naani anoshuva kuita saizvozvo angamusvika ndokukurukura naye nhau iyi.