YOKUDZIDZA

Vanhu vaJehovha vari muparadhiso yokunamata iri muchikamu chepanyika chesangano raMwari. Tingaratidza sei kuti tinokoshesa zvatakaitirwa naJehovha izvi, uye mumwe nomumwe wedu anofanira kuitei kuti paradhiso yedu yokunamata iwedzere kunaka? Nyaya ino ichapindura mibvunzo iyi.

Nyaya ino inotaura zvinhu zvichaitika munguva pfupi iri kuuya. Tichaonawo kuti nei vanhu vaMwari vachikwanisa kuvimba naJehovha munguva yokutambudzika kukuru.

Munyika ino yaSatani, vanhu vanotsigira zvinhu zvakasiyana-siyana. Asi vaKristu vakavimbisa Jehovha kuti vacharamba vachimutsigira. Nyaya ino ichataura kuti nei tisina divi ratinotsigira pamagakava anoitwa munyika uye kuti tingadzidzisa sei pfungwa dzedu nehana dzedu kuti tirambe tisina kwatakarerekera sevaKristu.

Vanhu vaJehovha vanoungana muDzimba dzoUmambo nezvimwewo zvivako kuti vanamate. Munyaya ino tichakurukura mazano ari muBhaibheri anotibatsira kuona kuti tingaremekedza sei nzvimbo dzatinonamatira, tingaita sei kuti dzivakwe uye tingadzichenesa sei nokudzigadziridza, zvichiita kuti Jehovha akudzwe.