“Ungapukunyuka Sei Mugumo Wenyika?”

◼ Bhaibheri rinenge richirevei parinotaura nezvomugumo wenyika, kana kuti mamiriro ezvinhu epanguva ino? Kuti rinenge richireva here hondo yenyukireya ichatsvaira vanhu vose vanogara panyika? Kana kuti rinenge richitaura nezvetsaona inogona kungoitika yakadai sokubonderana kwenyika yedu nezidombo rinobva kudenga here? Zvinofadza kuti Bhaibheri rinotaura kuti “boka guru revanhu,”richapona kuguma kwenyika. (Zvakazarurwa 7:9, 10, 14) Vachava vanaani? Ungava mumwe wavo here?

Mibvunzo iyi inokosha ichapindurwa muhurukuro yavose inoti “Ungapukunyuka Sei Mugumo Wenyika?” Ichakurukurwa pamagungano eZvapupu zvaJehovha ane musoro unoti “RAMBAI MAKARINDA!” achatanga muna May muUnited States oenderera mberi munyika yose. Uri kukokwa noushamwari kuti upinde gungano richaitirwa pedyo nekwaunogara. Ona Zvapupu zvaJehovha zvekwaunogara kana kuti nyorera vabudisi vemagazini ino.